05-Dec-2024

ବୌଦ୍ଧ/ହରଭଙ୍ଗା/(ଦେବବ୍ରତ ଦାଶଙ୍କ ରିପୋର୍ଟ): ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ମିନି ଷ୍ଟାଡିଅମ ଠାରେ ଦୀର୍ଘ ୬ଦିନ ଧରି ଚାଲିଥିବା ଚତୁର୍ଥ ରାଜ୍ୟ ସ୍ତରୀୟ ମାଁ ଭୈରବୀ ମହୋତ୍ସବ ଉଦଯାପିତ ହୋଇଯାଇଛି । ସନ୍ଧ୍ୟା ରେ ମାଁ ଙ୍କ ଧୂପ ଓ ଆଳତୀ ପରେ ମହୋତ୍ସବ କମିଟି ର ସଭାପତି ଅଶୋକ କୁମାର ଅଗ୍ରୱାଲ ଙ୍କ ସଭାପତିତ୍ୱ ରେ ସଭା କାର୍ଯ୍ୟ ଆରମ୍ଭ ହୋଇଥିଲା । ଉଦଯାପନୀ ଦିବସ ରେ ମୁଖ୍ୟ ଅତିଥିଭାବେ ବୌଦ୍ଧ ବିଧାୟକ ତଥା ସରକାରୀ ଦଳର ମୁଖ୍ୟ ସଚେତକ ସରୋଜ ପ୍ରଧାନ ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବେ ସମାଜ ସେବୀ ଅର୍ଜୁନ ସାହୁ, ଓଡ଼ିଶା ରାଜ୍ୟ ବୟାନିକା ଶିଳ୍ପ ର ଅଧକ୍ଷ ପ୍ରକାଶ ମେହେର ଯୋଗ ଦେଇଥିଲେ । ତାପରେ ବିଭିନ୍ନ ଅନୁଷ୍ଠାନ ଦ୍ୱାରା କଳା ପ୍ରଦର୍ଶନ ହୋଇଥିଲା। ଉଦଯାପନୀ ଦିବସ ର ମୁଖ୍ୟ ଆକର୍ଷଣ ଥିଲା ପଶ୍ଚିମ ଓଡ଼ିଶା ର ସୁନାମ ଧନ୍ୟ ସମ୍ବଲପୁରୀ ଗାୟକ ରୁକୁ ସୁନା ଓ ଡ଼. ଅର୍ଚ୍ଚନା ପାଢ଼ୀଙ୍କ ସଙ୍ଗୀତରେ ଝୁମିଥିଲେ ଦର୍ଶକ । । ଆଧୁନିକ ଗୀତ ସାଙ୍ଗ କୁ ସମ୍ବଲପୁରୀ ଗୀତ ନିଶା ରାତି ପର୍ଯ୍ୟନ୍ତ ଦର୍ଶକଙ୍କୁ ବାନ୍ଧି ରଖିଥିଲା ।  ଦୀର୍ଘ ଛ ଦିନ ଧରି ଚାଲିଥିବା ଏହି ମହୋତ୍ସବ ରେ ସାମିଲ ହୋଇଥିଲେ ଓଡ଼ିଶା ର କୋଣ ଅନୁକୋଣ ରୁ ଆସିଥିବା ବିଭିନ୍ନ କଳା ଓ ସଂସ୍କୃତି ଅନୁଷ୍ଠାନ ସାଙ୍ଗ କୁ ବିଧାୟକ,ନେତା, ମନ୍ତ୍ରୀ, ଏବଂ ସରକାରୀ ଅଧିକାରୀ। ବିଶେଷ କରି ହାସ୍ୟ ଅଭିନେତା ପପୁ ପମପମ, ପ୍ରଜ୍ଞା, ଶଙ୍କର ଙ୍କ ଅଭିନୟ ଓ ସମ୍ବଲପୁରୀ କଣ୍ଠଶିଳ୍ପୀ ରୁକ ସୁନା ଓ ଅର୍ଚନା ପାଢ଼ୀଙ୍କ ସମ୍ବଲପୁରୀ ଗୀତ ସମସ୍ତ ଦର୍ଶକଙ୍କୁ ମତୁଆଲା କରି ଥିଲା । ମିନାବଜାର, ସାଙ୍ଗକୁ ଆକର୍ଷଣୀୟ ଘର କରଣା, ସୁସ୍ବାଦୁ ଚଟପଟି ଖାଦ୍ୟର ବେଶ ମଜା ନେଇଥିଲେ ଜନସାଧାରଣ । ମହୋତ୍ସବର ସଫଳ ରୂପାୟନ ପାଇଁ ସମସ୍ତଙ୍କୁ ମହୋତ୍ସବ କମିଟି ସଭାପତି କୃତଜ୍ଞତା ଜଣାଇଥିବା ବେଳେ ଦର୍ଶକଙ୍କ  ଉତ୍ସାହକୁ ପ୍ରଶଂସା କରିଥିଲେ କଳାକାର ।