06-Oct-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ନିର୍ବାଚନ ମଣ୍ଡଳୀର ଘଣ୍ଟାପଡା ଠାରେ ବିଜେଡି ପକ୍ଷରୁ ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି l ମା’ ସମଲେଶ୍ୱରୀଙ୍କ ପୀଠରେ ପୂଜାର୍ଚ୍ଚନା ପରେ ଶୋଭାଯାତ୍ରା ବାହାରି ଘଣ୍ଟାପଡା ଗ୍ରାମ ପରିକ୍ରମା ପୂର୍ବକ ସମଲେଶ୍ୱରୀ ଖେଳ ପଡିଆରେ ପହଞ୍ଚିଥିଲା l ପରେ ବ୍ଲକ ସଭାପତି ପ୍ରେମରାଜ ରଣାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଜିଲା ବିଜେଡି ସଭାପତି ତଥା ପୂର୍ବତନ କଣ୍ଟାମାଳ ବିଧାୟକ ମହୀଧର ରଣା, ରାଜ୍ୟ ଯୁଗ୍ମ ସମ୍ପାଦକ ଅଶୋକ ସାହୁ, ଜିଲା କାର୍ଯ୍ୟକାରୀ ସଭାପତି ସୁବୋଧ ପ୍ରଧାନ, ଯୁବନେତା ବାବୁଲା ମଲିକ, ବ୍ଲକ ଯୁବ ସଭାପତି ଶମ୍ଭୁପ୍ରସାଦ ସାହୁ, ବୌଦ୍ଧ ବ୍ଲକ ସଭାପତି ବାଳମୁକୁନ୍ଦ ମେହେର, ଉପସଭାପତି ରାଧାବଲ୍ଲଭ ପ୍ରଧାନ, ବରିଷ୍ଠ ନେତା ବିପିନ ପ୍ରଧାନ, ଘନଶ୍ୟାମ ବୁଡ଼ାଏକ, ବିପିନ ଭୋଇ, ପୂର୍ବତନ ସରପଞ୍ଚ ରେଙ୍ଗାଲି ପ୍ରମୋଦ ରଣା, ପୂର୍ବତନ ବ୍ଲକ ଅଧ୍ୟକ୍ଷ ସାମନ୍ତ ମାଝୀ, ବ୍ଲକ ଅଧ୍ୟକ୍ଷା ସସ୍ମିତା ସେନାପତି, ବ୍ଲକ ସରପଞ୍ଚ ସଙ୍ଘ ସଭାପତି ସାର୍ଦୁଲ ନାଗ ପ୍ରମୁଖ ଯୋଗଦେଇ ପୂର୍ବ ସରକାରଙ୍କ ଲୋକାଭିମୁଖୀ କାର୍ଯ୍ୟକ୍ରମ ଏବଂ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ମଳ ଭାବମୂର୍ତ୍ତି ତଥା ଆଦର୍ଶ

ବିଷୟରେ ବଖାଣି ଥିଲେ l ବର୍ତ୍ତମାନ ରାଜ୍ୟରେ ବିଜେପି ସରକାର ଲୋକଙ୍କୁ ଭୁଆଁ ବୁଲାଇବା ସହିତ ପୂର୍ବ ସରକାରଙ୍କ ଯୋଜନା ଉପରେ ରଙ୍ଗମରା କାର୍ଯ୍ୟ କରୁଛି ବୋଲି କହିଥିଲେ l ପ୍ରଶାନ୍ତ ରଣା ମଞ୍ଚ ପରିଚାଳନା କରିଥିଲେ l କାର୍ଯ୍ୟକ୍ରମରେ ବିଭିନ୍ନ ପଞ୍ଚାୟତର ସରପଞ୍ଚ, ନାଏବ ସରପଞ୍ଚ, ସମିତି ସଭ୍ୟସଭ୍ୟା, ବିଜେଡି ନେତା, କର୍ମୀ, ବହୁ ସଂଖ୍ୟାରେ ମହିଳା ଓ ପୁରୁଷ ଉପସ୍ଥିତ ଥିଲେ l