-+91-9937148622 |
prerana_bgr@rediffmail.com |
Sunday 22nd November 2026 |
R.N.I. Regd No. ODIODI/2010/46693
Breaking News
22-Nov-2026
ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଟାଉନ୍ ଥାନା ପୁଲିସ ଏକ ପାନ ଦୋକାନରେ ଚୋରି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଏଥିସହ ଚୋରି ହୋଇଥିବା ନଗଦ ଟଙ୍କା ଉଦ୍ଧାର କରିବା ସହ ଚୋରିରେ ବ୍ୟବହୃତ ଲୁହା ରଡ୍ ଜବତ କରିଛି।
ପୁଲିସ ସୂଚନା ଅନୁଯାୟୀ, ଏହି ଘଟଣାକୁ ନେଇ ଟାଉନ୍ ଥାନାରେ କେସ୍ ନଂ ୫୨୩, ତାରିଖ ୧୮.୧୧.୨୦୨୬ରେ ଭାରତୀୟ ନ୍ୟାୟ ସଂହିତା (BNS)ର ଧାରା ୩୩୧(୪) ଓ ୩୦୫(କ) ଅନୁଯାୟୀ ମାମଲା ରୁଜୁ ହୋଇଥିଲା।
ମାମଲାର ଅଭିଯୋଗକାରୀ ମାଲପଡା ନିବାସୀ ସରୋଜ ଭାଟି , ପିତା ବିପିନ ଭାଟି ନିଜ ଅଭିଯୋଗରେ ଦର୍ଶାଇଥିଲେ ଯେ, ଦୈନିକ ବଜାର ଅଞ୍ଚଳରେ ଥିବା
ତାଙ୍କ ପାନ ଦୋକାନର ସମ୍ମୁଖ ଗେଟ୍ର ତାଲା ଭାଙ୍ଗି ଜଣେ ଅଜଣା ଦୁର୍ବୃତ୍ତ ନଗଦ ଟଙ୍କା ଓ ସିଗାରେଟ୍ ଚୋରି କରି ନେଇଥିଲା।
ଘଟଣାର ତଦନ୍ତ ସମୟରେ ପୁଲିସ ଖଦାଲପଡ଼ା ନିବାସୀ ମୁନା ବେହେରାଙ୍କ ପୁଅ ଦେବାଶିଷ ବେହେରା (୨୨)ଙ୍କୁ ଚିହ୍ନଟ କରି ଗିରଫ କରିଛି।
ତଦନ୍ତ ବେଳେ ଅଭିଯୁକ୍ତଙ୍କଠାରୁ ୫ ହଜାର ଟଙ୍କା ଉଦ୍ଧାର କରାଯାଇଥିବା ବେଳେ ଅପରାଧରେ ବ୍ୟବହୃତ ଏକ ଲୁହା ରଡ୍ ଓ ଲୁହା ରଡ୍ର ଏକ ଖଣ୍ଡକୁ ପୁଲିସ ଜବତ କରିଛି।
ଗିରଫ ଅଭିଯୁକ୍ତଙ୍କୁ ଆଜି ବଲାଙ୍ଗୀର ଏସ୍ଡିଜେଏମ୍ (SDJM) ଅଦାଲତରେ ହାଜର କରାଯିବ। ଘଟଣାର ଅଧିକ ତଦନ୍ତ ଜାରି ରହିଥିବା ବଲାଙ୍ଗୀର ଟାଉନ୍ ଥାନା ପକ୍ଷରୁ ସୂଚନା ଦିଆଯାଇଛି।