-+91-9937148622 |
prerana_bgr@rediffmail.com |
Sunday 22nd November 2026 |
R.N.I. Regd No. ODIODI/2010/46693
Breaking News
22-Nov-2026
ବଲାଙ୍ଗିର- ସଦାଇପାଲି ପଲ୍ଲିଶ୍ରୀ ବିହାର ଠାରେ ସାଇଟ ନର୍ସିଂ କଲେଜ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ ଓ ଜିଲ୍ଲା ଶିଶୁ ସହାୟତା ସେବା ୧୦୯୮, ବଲାଙ୍ଗିର ତରଫରୁ ଶିଶୁସୁରକ୍ଷା ଓ ଶିଶୁଅଧିକାର ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ନର୍ସିଂ କଲେଜର ପ୍ରିନସିପାଲ ସ୍ନିଗଧାମିନତି ଦାନୀ ମୁଖ୍ୟ ଅତିଥି ରୁପେ ଯୋଗଦାନ କରିଥିଲେ ଏବଂ ଶିଶୁମାନଙ୍କ ସୁରକ୍ଷା, ଅଧିକାର ଓ ସାମାଜିକ ସଚେତନତାମୂଳକ ଅଭିଭାଷଣ ରଖିଥିଲେ । କାର୍ଯ୍ୟକ୍ରମରେ ଶିଶୁସୁରକ୍ଷା, ଶିଶୁଅଧିକାର, ଶିଶୁଶ୍ରମ ନିରାକରଣ ଏବ ଶିଶୁ ମାନଙ୍କ ପ୍ରତି ହେଉଥିବା ଅନ୍ୟାୟ ଓ ନିର୍ଯାତନା ବିରୋଧରେ ସମ୍ମାନୀତ ଅତିଥି ରୁପେ ଜିଲ୍ଲାରୁ ଆସିଥିବା ରିସୋର୍ସ ପର୍ସନ ଅରୁଣ କୁମାର ଖୁଆସ, ମିଲି ମଲ୍ଲିକ, ବସନ୍ତ ହରପାଲ, ସୁଭମ ଜୈନ ସଚେତନତା ରହିବା ଉପରେ ଗୁରୁତ୍ୱ ଦିଆଯାଇଥିଲା । ଏଥିସହ ଅସହାୟ ଓ ବିପଦରେ ଥିବା ଶିଶୁମାନଙ୍କ ସହାୟତା ପାଇଁ ୨୪ ଘଣ୍ଟିଆ ନିଃଶୁଲ୍କ ଶିଶୁ ସହାୟତା ହେଲ୍ପଲାଇନ୍ ନମ୍ବର ୧୦୯୮ ସମ୍ପର୍କରେ ମଧ୍ୟ ସୂଚନା ଦିଆଯାଇଥିଲା । ଶିବିରରେ ବହୁ ଛାତ୍ରଛାତ୍ରୀ ଏବଂ ପ୍ରଶାସନିକ ଅଧିକାରୀ ପ୍ରଶାନ୍ତ କୁମାର ତ୍ରିପାଠୀ, ଅଧ୍ୟାପକ ଅଶୋକ କୁମାର ପଧାନ, ଜୟନ୍ତ ପଟେଲ, ମହମ୍ବଦ କାଜିମ, ଭାଗବତ ଅଦାବରିଆ, ସୁବାଷ ଦାଶ, ଲୋକନାଥ ସିଂହ ପ୍ରମୁଖ ସହଯୋଗ କରିଥିଲେ । ଶେଷରେ ନର୍ସିଂ ଉପାଧ୍ୟକ୍ଷା ଲୋପାମୁଦ୍ରା ମିଶ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।