04-Dec-2024

 ବିନିକା(ହିମାଂଶୁ ଶେଖର ପୁଟେଲ) ବିନିକା ସ୍ପୋର୍ଟସ କ୍ଲବର ସହ ସମ୍ପାଦକ ତଥା ଜଣେ ଉଦୀୟମାନ ଉଦ୍ୟୋଗୀ ଯୁବକ ବାଦଲ ମହାଲିଙ୍ଗ(୫୦)ବର୍ଷ ବୟସରେ ପରଲୋକ ଘଟିଛି।ସ୍ବର୍ଗତ ମହାଲିଙ୍ଗ ସୁନ୍ଦରଗଡ଼ରେ ରହି ଏକ କମ୍ପାନୀରେ କାମ କରୁଥିଲେ ।ପ୍ରାୟ ୪ଦିନ ତଳେ ତାଙ୍କର ହଠାତ ହାଟ ସମସ୍ୟା ଦେଖା ଦେବାରୁ ପ୍ରଥମେ ବୁର୍ଲା ଓ ପରେ ଭୁବନେଶ୍ବର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଥିଲେ ।ହେଲେ ଗତକାଲି ବିଳମ୍ବିତ ରାତିରେ ତାଙ୍କର ପରଲୋକ ଘଟିଥିଲା।ଆଜି ତାଙ୍କ ମରରଶରୀର ଜନ୍ମ ମାଟି ବିନିକା ଘରକୁ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।ବହୁ ବଦାନ୍ୟ ବ୍ୟକ୍ତି ବିଶେଷ ଘରକୁ ଆସି ତାଙ୍କର ଶେଷ ଦର୍ଶନ କରିଥିଲେ ।ତାଙ୍କ ମର ଶରୀରକୁ ଏକ ବିରାଟ ଶୋଭାଯାତ୍ରାରେ ମହାନଦୀ ବ୍ରିଜ ନିକଟ ଶ୍ଵସାନ ଘାଟକୁ ନିଆଯିବା ପରେ ସେଠାରେ ତାଙ୍କର ୫ବର୍ଷର ଝିଅ ଅବନ୍ତିକା ମହାଲିଙ୍ଗ ଓ  ବଡ଼ଭାଇ କାଉନସିଲର ଗୋପାଳ କୃଷ୍ଣ ମହାଲିଙ୍ଗ ମୁଖଗ୍ନି ପ୍ରଦାନ କରିଥିଲେ।ସୂଚନା ଯୋଗ୍ୟ ଯେ ସ୍ବର୍ଗତ ମହାଲିଙ୍ଗ ଅନ୍ୟ ଜିଲ୍ଲାରେ ରହୁଥିଲେ ମଧ୍ୟ ସେ  ବିନିକା ସ୍ପୋର୍ଟସ କ୍ଲବର ଜଣେ ସ୍ଥାୟୀ ସଦସ୍ୟ ହୋଇଥିବାରୁ ସ୍ପୋର୍ଟସ କ୍ଳବର ଅଗ୍ରଗତି,ବିଭିନ୍ନ ଯୋଜନାର ଦିଗଦର୍ଶନ ଉପରେ ସବୁବେଳେ ଚିନ୍ତା କରୁଥିଲେ । କ୍ଲବର ଖେଳାଳି  ମାନେ କିପରି ଆଗକୁ ବଡିବେ ତାଙ୍କ ପାଇଁ ଡ୍ରେସ,ଖେଳ ଉପକରଣ ଯୋଗାଇ ଦେବା ସହିତ ଭାଗ ନେଉଥିବା ପ୍ରତ୍ୟେକ ପ୍ରତିଯୋଗିତାରେ  ସ୍ପୋର୍ଟସ କ୍ଲବ ନାମ ରହିବ ସେ ଦିଗରେ କ୍ଲବ ଅଧିନାୟକ,ଉପ ସଭାପତି ଓ କୋଷାଧ୍ୟକ୍ଷ ଙ୍କ ସହିତ ରୀତିମତ ଯୋଗାଯୋଗ କରୁଥିଲେ ।ତାଙ୍କ ପରଲୋକ ଖବର ପ୍ରଚାରିତ ହେବା ପରେ ଅଞ୍ଚଳର କ୍ରୀଡା ପ୍ରେମୀ ମହଲରେ ଶୋକର ଛାୟା ଖେଳିଯାଇଛି