05-Oct-2024

ହରଭଙ୍ଗା/ବୌଦ୍ଧ(ଦେବବ୍ରତ ଦାସ): ନିଶା ମହାରଣାଙ୍କୁ ବୋତଲ ମାଡ଼ । ଆଇଟମ ଡ୍ୟାନ୍ସ କଲା ବେଳେ ଦର୍ଶକ କଲେ ବୋତଲ ମାଡ । ବୋତଲ ମାଡ଼ ପରେ ପେଣ୍ଡାଲ ଛାଡି ଚାଲିଗଲେ ନିଶା ।

ବୌଦ୍ଧ ଜିଲ୍ଲା ଜମଟାଙ୍ଗି ଗାଁ ରେ ହେଉଥିଲା ବିଶ୍ଵଦରବାର  ଯାତ୍ରା । ଯାତ୍ରା କୁ ଆସିଥିଲେ ନିଶା ମହାରଣା । ସୂଚନାମୁତାବକ ବୌଦ୍ଧ ଜିଲ୍ଲା ଜମଟାଙ୍ଗି ଗାଁ ରେ ହେଉଥିଲା ବିଶ୍ଵଦରବାର  ଯାତ୍ରା । ଆଉ ଯାତ୍ରା ମଞ୍ଚ କୁ ଆଇଟଡ୍ୟାନ୍ସ ପାଇଁ ଆସିଥିଲେ ନିଶା ମହାରଣା । ଦର୍ଶକ ଙ୍କ ସହ କିଛି ବାର୍ତ୍ତାଳାପ ପରେ ଆରମ୍ଭ କରିଥିଲେ ଆଇଟମ ଡ୍ୟାନ୍ସ । ଠିକି ସେତିକି ବେଳେ ହଠାତ ଜଣେ ଦର୍ଶକ ଉତକ୍ଷିପ୍ତ ହୋଇ ନିଶାଙ୍କ ଉପରକୁ ମାରିଥିଲେ ବୋତଲ । ବୋତଲ ମାଡ଼ ପରେ ନିଶା ଷ୍ଟେଜ ରୁ ପଳାଇଥିଲେ । ବୋତଲ ମାଡ ପରେ କିଛିସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା । ସେପଟେ ଯାତ୍ରା କମିଟି ମେମ୍ବର ଓ ସ୍ଥାନୀୟ ମାନମୁଣ୍ଡା ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପରେ ଯଦି ଯାତ୍ରା ଉପଭୋଗ କରିବାକୁ ଚାହୁଁଛନ୍ତି ତେବେ ଶାନ୍ତିଶୃଙ୍ଖଳା ରକ୍ଷା କରନ୍ତୁ ବୋଲି ପୋଲିସ ବାବୁ ଜଣକ ଦର୍ଶକଙ୍କୁ ବୁଝାଇଥିଲେ । ତେବେ ଏଭଳି ଅଶ୍ଳୀଳ ନୃତ୍ୟ କୁ ଯାତ୍ରା ପେଣ୍ଡାଲରେ ପ୍ରଶ୍ରୟ ଦେବା କେତେ ଯୁକ୍ତିଯୁକ୍ତ ବୋଲି ବୁଦ୍ଧିଜୀବୀ ମହଲରେ ପ୍ରଶ୍ନ ଉଠିଛି ।