-+91-9937148622 |
prerana_bgr@rediffmail.com |
Friday 20th November 2026 |
R.N.I. Regd No. ODIODI/2010/46693
Breaking News
19-Nov-2026
ବରପାଲି ,(ସୁଦାମ ଦୀପ)ବରଗଡ଼ ଜିଲ୍ଲା ବରପାଲି ବ୍ଲକ ଅନ୍ତର୍ଗତ ବିଶିପାଲି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅଦ୍ୟ ଗୁରୁବାର ଦିନ ଅନୁଷ୍ଠିତ ହୋଇ ଯାଇଛି। ବାରଗୁଡ଼ା ଉଚ୍ଚ ବିଦ୍ୟାଳୟ ର ବିଜ୍ଞାନ ଶିକ୍ଷକ ଢାଲେଶ୍ବର ସାହୁ ଏବଂ ସତଲମା ବାଳିକା ସ୍କୁଲ ର ବିଜ୍ଞାନ ଶିକ୍ଷକ ହିତାଂଶୁ ଶେଖର ସାହୁ ଅତିଥି ତଥା ବିଚାରକ ଭାବରେ ଯୋଗଦେଇ ପୂଜାର୍ଚ୍ଚନା ପୂର୍ବକ ଏହାକୁ ଉଦଘାଟନ କରିଥିଲେ। ଏହି ପ୍ରଦର୍ଶନୀ ରେ ମୋଟ ୩୭ ଟି ପ୍ରକଳ୍ପ ପ୍ରଦର୍ଶିତ ହୋଇ ବିଚାରକ ମାନଙ୍କ ଦ୍ବାରା ମୂଲ୍ଯାୟନ କରାଯାଇଥିଲା । ଅପରାହ୍ନରେ ବିଦ୍ୟାଳୟର ପ୍ରଧାନ ଶିକ୍ଷକ ମହେନ୍ଦ୍ର ବେହେରାଙ୍କ ସଭାପତିତ୍ୱ ରେ ଉଦଯାପନୀ ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଢାଲେଶ୍ବର ସାହୁ, ହିତାଂଶୁ ଶେଖର ସାହୁଙ୍କ ସହିତ ବିଦ୍ୟାଳୟ ପରିଚାଳନା କମିଟିର ଚେୟାରମ୍ୟାନ ଅଚ୍ୟୁତାନନ୍ଦ ନାୟକ ଓ କଳାକାନ୍ତ ଭୋଇ ମଞ୍ଚାସୀନ ହୋଇ କୃତି ପ୍ରତିଯୋଗୀ ମାନଙ୍କୁ ପୁରସ୍କାର ସ୍ୱରୂପ ପ୍ରମାଣପତ୍ର ଓ ଟ୍ରଫି ପ୍ରଦାନ କରିଥିଲେ। ଜୁନିଅର ବିଭାଗରେ ଆୟୁଷ୍ମାନ ଭୋଇ ପ୍ରଥମ, ବିପ୍ଳବ ବାଗ ଦ୍ବିତୀୟ ଓ ବିଷ୍ଣୁଦେବ ନାୟକ ତୃତୀୟ ସ୍ଥାନ ଅଧିକାର କରିଥିଲେ । ସେହିପରି ସିନିୟର ବିଭାଗରେ ଅଙ୍କିତ ପୋଢ ପ୍ରଥମ, ରତି ନାଏକ ଦ୍ବିତୀୟ ଏବଂ ସୁଇଟି ବୁଡେକ ଓ ରିଷିକାନ୍ତ ନାଗ ତୃତୀୟ ସ୍ଥାନ ଅଧିକାର କରିଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷୟିତ୍ରୀ ଅଞ୍ଜଳି ଭୋଇ, ଦିପ୍ତୀମୟୀ ଭୋଇ, ତୃପ୍ତିମୟୀ ଖମାରି, ମିନତୀ ମାଝୀ ଓ ବର୍ଷା ପଧାନ ସହଯୋଗ କରିଥିବାବେଳେ ଶିକ୍ଷକ ସୁଶାନ୍ତ ବାଗ ଧନ୍ୟବାଦ ଅର୍ପଣ କରିଥିଲେ।