-+91-9937148622 |
prerana_bgr@rediffmail.com |
Thursday 19th November 2026 |
R.N.I. Regd No. ODIODI/2010/46693
Breaking News
18-Nov-2026
ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ଠାରେ ଅନୁଷ୍ଟିତ କଲାସୀ ଯାତ୍ରା ପରିପ୍ରେକ୍ଷୀରେ ଆଜି ବୁଧବାର ସନ୍ଧ୍ୟା ଠାରୁ ୩ଦିନ ଧରି ଅନୁଷ୍ଠିତ ହେବାକୁ ଯାଉଥିବା ମାଁ ଚରଦେଇ ଆଞ୍ଚଳିକ ଲୋକ ମହୋତ୍ସବ ସନ୍ଧ୍ୟାରେ ଉଦଘାଟିତ ହୋଇଛି।ପ୍ରାରମ୍ଭରେ ଇଷ୍ଟଦେବୀ ମାଁ ଚରଦେଇ ଓ ବାବା କପିଳେଶ୍ୱରଙ୍କ ଠାରେ ଯଥାରୀତି ପୂଜାର୍ଚ୍ଚନା ପରେ କମିଟିର ସମସ୍ତ ସଦସ୍ୟ ଏକ ମଶାଲ ଶୋଭାଯାତ୍ରାରେ ଗ୍ରାମ ପରିକ୍ରମା କରି ମହୋତ୍ସବ ପେଣ୍ଡାଲକୁ ପହଞ୍ଚିବା ପରେ ଆନୁଷ୍ଠାନିକ ଭାବେ ଉଦ୍ଘାଟନ ହୋଇଥିଲା ।କମିଟି ସଭାପତି ଅଶୋକ ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଅଶ୍ୱିନୀ କୁମାର ମେହେର ମୁଖ୍ୟ ଅତିଥି,ଉପ ଜିଲ୍ଲାପାଳ ଡ଼ ସୌମ୍ୟା ରୂପା ରଥ,ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଯମୁନା ପ୍ରଧାନ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ ।ଅତିଥି ମାନେ ଏ ଅଞ୍ଚଳର କଳା,ସଂସ୍କୃତି,ପରମ୍ପରା ଅନନ୍ୟ ବୋଲି କହିଥିଲେ।ପରେ ଉଦଘୋଷକ ଶିକ୍ଷକ ହିମାଂଶୁ ଭୂଷଣ ପଣ୍ଡା ଓ ସୋନପୁର ଉଦଘୋଷିକା ସସ୍ମିତା ପରମଗୁରୁଙ୍କ ସଂଯୋଜନାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ପେଣ୍ଡାଲରେ କଣ୍ଠଶିଳ୍ପୀ ବିବେକାନନ୍ଦ ପଣ୍ଡା,ସୁଶୀଲ ମହାଲିଂ,ଜ୍ୟୋତି ମିଶ୍ରଙ୍କ ସୁ ମଧୁର ସଙ୍ଗୀତ ପରିବେଷଣ ଦେଖଣାହାରୀ ଦର୍ଶକଙ୍କ ମନକୁ ଛୁଇଁଥିଲା ସେହିପରି ସାହାଜବାହାଳର ସୁଲତା,ସୁଶୀଳ ମୁଖୀ କଲା ସଂସ୍କୃତି ଡାଲଖାଇ ଗୃବ,ବିନିକା ର ନୃତ୍ୟ ନିକେତନ ଦ୍ୱାରା ପରିବେଷିତ ଲୋକ ନୃତ୍ୟ ଆକର୍ଷିତ କରିଥିଲା ।ଶେଷରେ ଯୋଗଦେଇଥିବା ବିଭିନ୍ନ ସାଂସ୍କୃତିକ ଅନୁଷ୍ଠାନର କଳାକାର ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା।