-+91-9937148622 |
prerana_bgr@rediffmail.com |
Wednesday 18th November 2026 |
R.N.I. Regd No. ODIODI/2010/46693
Breaking News
17-Nov-2026
ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ସିନ୍ଦୁରପୁର ହାଇସ୍କୁଲ ଖେଳ ପଡିଆରେ ପୂର୍ବତନ ଖେଳାଳି ମାନଙ୍କୁ ନେଇ ଏକ ଫୁଟବଲ୍ ପ୍ରତିଯୋଗିତା ଆୟୋଜନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟର ମୂଳ ଉଦ୍ଦେଶ୍ୟ ହେଲା ପୂର୍ବତନ ଖେଳାଳି ମାନକୁ ସମ୍ବର୍ଦ୍ଧନା ଜ୍ଞାପନ କରିବା । ଏହି ଟୁର୍ଣ୍ଣାମେଣ୍ଟର ଉଦ୍ଘାଟନୀ ଉତ୍ସବରେ ଅତିଥି ଭାବରେ ସ୍ଥାନୀୟ ସରପଞ୍ଚ କଳାକାହ୍ନୁ ସୁନା,ସ୍ଥାନୀୟ ଡାକ୍ତର ମନମୋହନ ଡାଙ୍ଗ,ଆର ଆଇ ନିରଞ୍ଜନ ନନ୍ଦ,ପୂର୍ବତନ ସରପଞ୍ଚ କୃଷ୍ଣଚନ୍ଦ୍ର ପଣ୍ଡା,ମହେଶ୍ଵର ମହାକୁର,ପ୍ରାଣୀ ଚିକିତ୍ସକ ପ୍ରତାପ ମେହେର ଓ ପୂର୍ବତନ ଫୁଟବଲ୍ ଖେଳାଳି ହରିଶ୍ଚନ୍ଦ୍ର ପଣ୍ଡା ଯୋଗଦେଇ ଖେଳାଳି ମାନଙ୍କୁ ଉଦବୋଧନ ଦେଇ ଖେଳ ଆରମ୍ଭ କରିଥିଲେ । ରାଜ୍ୟ ତଥା ରାଜ୍ୟ ବାହାରୁ ଆସିଥିବା ୮ ଟି ଦଳ ମଧ୍ୟରୁ ସମ୍ବଲପୁର ହୀରାକୁଦ ବିଜେତା ଓ ସରେଇପାଲି(ଛତିଶଗଡ) ଉପବିଜେତା ହୋଇଥିଲେ । ପୁରସ୍କାର ବିତରଣୀ ଉତ୍ସବ ରେ ମୁଖ୍ୟ ଅତିଥି ଭାବରେ ପୂର୍ବତନ ଫୁଟବଲ୍ ଖେଳାଳି ବିଜୟ କୁମାର ମହାକୁର ବିଜୟୀ ଦଳକୁ ଓ ବିଶ୍ବମ୍ବର ମିଶ୍ର ଉପବିଜେତା ଦଳକୁ ଟ୍ରଫି ସହ ଅର୍ଥ ରାଶି ପ୍ରଦାନ କରିଥିଲେ । ଏହି ଟୁର୍ଣ୍ଣାମେଣ୍ଟ ରେ ପୂର୍ବତନ ଫୁଟବଲ୍ ଓ କ୍ରିକେଟ ଖେଳାଳି ସହଯୋଗ କରିଥିଲେ ।