30-Nov-2023

ବଲାଙ୍ଗୀର(ପ୍ରେରଣା ଖବର): ମାନ୍ୟବର ଓଡ଼ିଶା ହାଇକୋର୍ଟ ଙ୍କ ନିର୍ଦ୍ଦେଶରେ ଆଜି ସ୍ଥାନୀୟ ସିଭିଲ କୋର୍ଟରେ ଥିବା ପୋକ୍‌ସୋ କୋର୍ଟ ଏବଂ ଏଲ୍ ଆର୍   କୋର୍ଟ ପରିସରରେ ପେପରଲେସ୍ କୋର୍ଟ ଉଦ୍‌ଘାଟିତ ହୋଇଯାଇଛି । ଲୋକଙ୍କୁ ତ୍ଵରିତ ନ୍ୟାୟ  ପ୍ରଦାନ କରିବା,ସ୍ୱଳ୍ପ ସମୟ ମଧ୍ୟରେ ମୁକଦ୍ଦମାର ଫଇସଲା ତଥା କୋର୍ଟ କାମର ସରଳୀକରଣ ପାଇଁ ଏହି କୋର୍ଟ ବିଶେଷ ସହାୟକ ହୋଇ ପାରିବ ବୋଲି କୁହାଯାଇଛି । ଏଥିଯୋଗୁଁ ଉଭୟ ଓକିଲ ଓ ମହକିଲ ମାନେ ଲାଭାନ୍ୱିତ ହେବେ ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠୀ ସୂଚନା ଦେଇଛନ୍ତି ।  ଏଥିରେ ମୁଖ୍ୟ ଅତିଥି ଭାବରେ ଓଡ଼ିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଶ୍ରୀ ବି.ଆର୍ ଷଡଙ୍ଗୀ  ଓ ଜଷ୍ଟିସ ସାବିତ୍ରୀ ରାଥୋ ଯୋଗ ଦେଇ ଭର୍ଚୁଆଲ ମାଧ୍ୟମରେ ପେପରଲେସ୍ କୋର୍ଟ ର ଶୁଭାରମ୍ଭ କରିଥିଲେ । ଏହି ଅବସରରେ ଜିଲ୍ଲା ଦୌରା ଜଜ୍ ଲଲାଟେନ୍ଦୁ ଜେନା, ପୋକସୋ ଜଜ ଗୋପବନ୍ଧୁ ଗଡନାୟକଙ୍କ ସମେତ ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠୀ, ସିଭିଲ କୋର୍ଟର ସମସ୍ତ ବିଚାରପତି ଓ  ଅନ୍ୟ ଓକିଲ ମାନେ ଉପସ୍ଥିତ ଥିଲେ ।