26-Dec-2025

ବଲାଙ୍ଗୀର (ପ୍ରେରଣା ଖବର): ବୁଧବାର ଅପରାହ୍ଣ ୩ ଟା ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଶିକ୍ଷାବିତ୍ ସନାତନ ଠାକୁରଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଯାଇଛି। ଏହି ସଭାରେ ବଲାଙ୍ଗୀର ଅତିରିକ୍ତ ଜିଲ୍ଲାପାଳ ତଥା ଚତୁରଂଗ ପ୍ରକାଶନ ଉପଦେଷ୍ଟା ମଣ୍ଡଳୀ ଅଧ୍ୟକ୍ଷ ଡକ୍ଟର ବିଜୟାନନ୍ଦ ସେଠୀ ମୁଖ୍ୟ ଅତିଥିରୂପେ ଯୋଗ ଦେଇ କୋଶଳ କଳାମଣ୍ଡଳ, ବଲାଙ୍ଗୀରର ମୁଖପତ୍ର ଚତୁରଙ୍ଗ ୧୩ତମ ସଂଖ୍ୟାର ଉନ୍ମୋଚନ କରିଥିଲେ । ସଭାରେ ଜିଲ୍ଲା ସଂସ୍କୃତି ଅଧିକାରୀ ତଥା ଚତୁରଂଗର ପରିଚାଳନା ସଂପାଦକ  ରଶ୍ମିରଂଜନ ମିଶ୍ର ସ୍ୱାଗତ ଭାଷଣ ପ୍ରଦାନ ପୂର୍ବକ କାର୍ଯ୍ୟକ୍ରମର ଉଦ୍ଦେଶ୍ୟ ଜ୍ଞାପନ କରିଥିଲେ । ଉପଦେଷ୍ଟା ମଣ୍ଡଳୀ ସଦସ୍ୟ ପ୍ରଫେସର ମଧୁସୂଦନ ପତି ଓ ନାଟ୍ୟଭୂଷଣ ଜଗଦାନନ୍ଦ ଛୁରିଆ ବରେଣ୍ୟ ଅତିଥି ରୂପେ ଯୋଗଦେଇ ଆଶୀର୍ବଚନ ପ୍ରଦାନ କରିଥିଲେ । କାର୍ଯ୍ୟକ୍ରମ ଚାଲିଥିବା ବେଳେ ବଲାଙ୍ଗିର ଜିଳ୍ଲାପାଳ ଗୌରବ ଶିବାଜୀ ଇସଲୱାର ଉପସ୍ଥିତ ରହି ସଭାକୁ ସମ୍ବୋଧିତ କରିବା ସହିତ ବଲାଙ୍ଗିରର କଳା, ସାହିତ୍ୟ ଓ ସଂସ୍କୃତିର ବିକାଶ ପାଇଁ ଜିଲ୍ଲା ପ୍ରଶାସନ ବଦ୍ଧପରିକର ବୋଲି ପ୍ରକାଶ କରିଥିଲେ । ସନ୍ଦୀପ କୁମାର କୁଅଁର ସଭା ପରିଚାଳନା  କରିଥିବାବେଳେ କବି ଓ କବିତା କାର୍ଯ୍ୟକ୍ରମକୁ ସଂଯୋଜନା କରିଥିଲେ ସସ୍ମିତା ନେପାକ ଓ ଚୁମକି ଦାଶ । କବି ଓ କବିତା କାର୍ଯ୍ୟକ୍ରମରେ କବି ଭାଗୀରଥି ମିଶ୍ର, ଡ. ପ୍ରହଲ୍ଲାଦ ଶତପଥୀ, ଆନନ୍ଦଚନ୍ଦ୍ର ସାହୁ , ସନ୍ଦୀପ କୁଅଁର, ନବୀନ ବିଶ୍ୱବନ୍ଧୁୁ, ସୁଶାନ୍ତ ବାଗ, ମୃଗେଶ ବୈଷ୍ଣବ ପାଣିଗ୍ରାହୀ, ସୁଜିତ ଶତପଥୀ, ରାଜୀବ ଲୋଚନ ଆଚାର୍ଯ୍ୟ, ମୁକୁଲ ମିଶ୍ର, ବନ୍ଦନା ପଟ୍ଟନାୟକ, ଡାକ୍ତର ଜ୍ୟୋତି ସାହୁ, ପୁସ୍ତମ ଜୁଆଡ଼ି, ଗଣେଶ ବାରିକ, ଝରଣା ସାହୁ  ଓ ରସରାଜ ଅଚ୍ୟୁତ ପୁରୋହିତ ସ୍ୱରଚିତ କବିତା ପାଠ କରିଥିଲେ । ଏହି ଅବସରରେ ଗାଳ୍ପିକା ଅମୂଲ୍ୟମଣି ମିଶ୍ରଙ୍କ ଗଳ୍ପ ପୁସ୍ତକ 'ଅକଥ୍ୟ ପ୍ରଶ୍ନ'  ଲୋକାର୍ପିତ ହୋଇଥିଲା l କାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ତଥା ଚତୁରଂଗ ସଂପାଦନା ମଣ୍ଡଳୀ ସଦସ୍ୟ ଅଧ୍ୟାପକ ଜୟକୁମାର ଆଚାର୍ଯ୍ୟ, ରଘୁନାଥ ବାବୁ, ବୀରେନ୍ଦ୍ର କୁମାର ଝାଙ୍କର, ବିଭୁକଲ୍ୟାଣ ଗଡ଼ତ୍ୟା ଏବଂ ଡ ଭବାନୀ ଶଙ୍କର ପଟେଲ, ଡ. ଅରୁଣ କୁମାର ନାଏକ, ବଳିଷ୍ଠ ପ୍ରଧାନ, ଡ ପ୍ରେମଚାନ୍ଦ ମହାନ୍ତି ପ୍ରମୁଖ  କବି ଓ ସାହିତ୍ୟିକ ଯୋଗ ଦେଇଥିଲେ ।