15-Oct-2026

ଡୁଙ୍ଗୁରିପାଲି,୧୪/୧୦(ପ୍ରେରଣା ଖବର):  ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ  ମାୟାବର୍ହା କ୍ଲଷ୍ଟର ସ୍ତରୀୟ ସୁରଭି କାର୍ଯ୍ୟକ୍ରମ  ସାହାଜବାହାଲ ଉପ୍ରା ବିଦ୍ୟାଳୟ ଠାରେ କ୍ଲଷ୍ଟର ସଂଯୋଜକ ସୌରଭ କୁମାର ସାହୁଙ୍କ ସଭାପତିତ୍ୱ କରିଥିବା ବେଳେ  ଡୁଙ୍ଗୁରିପାଲି ବ୍ଲକ ଶିକ୍ଷାଧିକାରୀ ଗଣେଶ କିଶାନ ମୁଖ୍ୟ ଅତିଥି ଭାବରେ ଯୋଗଦାନ କରି କାର୍ଯ୍ୟକ୍ରମକୁ ଶୁଭ ଉଦଘାଟନ କରିଥିଲେ। ଏହି ଅବସରରେ ବଡକର୍ଲେ ଉଚ୍ଚ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ପ୍ରମୋଦ କୁମାର ପ୍ରଧାନ ମୁଖ୍ୟ ବକ୍ତା ଭାବରେ ଯୋଗଦାନ କରି ସମୃଦ୍ଧ ଓଡ଼ିଶା ଗଠନ ପାଇଁ ମାତୃଭାଷା ଜରୁରୀ ବୋଲି ମତ ପ୍ରକାଶ କରିଥିଲେ। ମାୟାବର୍ହା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ  ଦୀନବନ୍ଧୁ ପ୍ରଧାନ ଓ ବଡ କର୍ଲେ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରମାକାନ୍ତ ପ୍ରଧାନ ସମ୍ମାନିତ ଅତିଥି ଭାବରେ ଯୋଗଦେଇ ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ । ଏହି ଅବସରରେ ତର୍କ, ବକୃତା, ଚିତ୍ରାଙ୍କନ, ରଚନା, ଦେଶାତ୍ମବୋଧକ ସଙ୍ଗୀତ, ଦଳଗତ ନୃତ୍ୟ, ସୃଜନଶୀଳ ଲେଖନ, ଚିତ୍ରକଳା, ଶିଳ୍ପକଳା, ଗଣିତ ଦୌଡ ପ୍ରଭୁତି ପ୍ରତିଯୋଗିତା ହୋଇଥିଲା। ଉଦଯାପନୀ ଉତ୍ସବରେ ବିଦ୍ୟାଳୟ ପ୍ରଧାନ ଶିକ୍ଷକ ଶାନ୍ତନୁ କୁମାର ସାହୁ ସଭାପତିତ୍ୱ କରିଥିବା ବେଳେ ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ ଗଞ୍ଜୁଲୁ ମିର୍ଦ୍ଧା, ଜଗତ ମଲ୍ଲିକ, ଏସ,ରାଓ  ସମ୍ମାନିତ ଅତିଥି ଭାବରେ ଯୋଗଦାନ କରି କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରିଥିଲେ।ଏହି ଅବସରରେ ମାୟାବର୍ହା ହାଇସ୍କୁଲର ଛାତ୍ର ଛାତ୍ରୀ ମାନେ ଶିକ୍ଷକ ରାଜୁ ମେହେରଙ୍କ ନେତୃତ୍ୱରେ ପ୍ରତିଯୋଗିତାରେ ଭାଗ ନେଇ ଆଭା ସାହୁ, ଅଙ୍କିତା ପ୍ରଧାନ, ଡଲି ସାହୁ, ତିକେଶ୍ୱରି ପ୍ରଧାନ, ଜସ୍ମିନ୍ ତାଣ୍ଡି, ଶ୍ରିମୟୀ ସେଟ ଯଥାକ୍ରମେ କୁଇଜ୍, ଚିତ୍ରକଳା, ବତ୍କୃତା, ସୃଜନଶୀଳ ଲିଖନ, ଗୀତ ଓ ଦେଶାତ୍ମବୋଧକ ସଙ୍ଗୀତରେ ପ୍ରଥମ ଓ ଦଳଗତ ନୃତ୍ୟ, ରଚନା ରେ ଲଵିତା ଗିଭିଲା ଦ୍ୱିତୀୟ ସ୍ଥାନ ଏବଂ ତର୍କ ପ୍ରତିଯୋଗିତାରେ ପ୍ରୀତି ପ୍ରଧାନ ତୃତୀୟ ସ୍ଥାନ ଅଧିକାର କରି ଅତିଥିମାନଙ୍କ ଠାରୁ ପୁରସ୍କାର ଗ୍ରହଣ କରିଛନ୍ତି।

ସାରସମାଲ ଉପ୍ରା ସ୍କୁଲ ପ୍ରଧାନଶିକ୍ଷକ ଆର୍ତ୍ତତ୍ରାଣ ପ୍ରଧାନ, ବଡକର୍ଲେ ଉପ୍ରା ସ୍କୁଲ ପ୍ରଧାନ ଶିକ୍ଷକ ସନ୍ତୋଷ ସାହୁ,ପଣ୍ଡକିଟାଲ୍ ଉପ୍ରା ସ୍କୁଲର  ବିନୋଦ ସାହୁ, ମାୟାବର୍ହା ଉପ୍ରା ସ୍କୁଲର ରୀତା ମେହେର, ଦିଙ୍ଗର ବିଶ୍ୱାଳ ତଥା ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରି ଛାତ୍ର ଛାତ୍ରୀଙ୍କୁ ଉତ୍ସାହିତ କରିଥିଲେ।  କ୍ଲଷ୍ଟର ର ସମସ୍ତ ଶିକ୍ଷକ, ଶିକ୍ଷୟିତ୍ରୀ, ପରିଚାଳନା କମିଟି ସଦସ୍ୟ, ସଦସ୍ୟା, ଗ୍ରାମବାସୀ ଓ ଛାତ୍ର ଛାତ୍ରୀ ମାନେ  କାର୍ଯ୍ୟକ୍ରମକୁ  ସହଯୋଗ କରିଥିଲେ।