15-Oct-2026

ବିନିକା(ହିମାଂଶୁ ଶେଖର ପୁଟେଲ)ସବୁ କଳ୍ପନା ଜଳ୍ପନାର ଅନ୍ତ ଘଟିଛି ।ଶେଷରେ ବିନିକା ସିଦ୍ଧାର୍ଥ ଡିଗ୍ରୀ ଛାତ୍ର ସଂସଦ ନିର୍ବାଚନରେ ବିଜୁ ଛାତ୍ର ଜନତା ଦଳର ଉଭୟ ପ୍ରାର୍ଥୀ ସଭାପତି ଓ ସମ୍ପାଦକ ପଦରେ ବାଜିମାତ କରିଛନ୍ତି ।ମିଳିଥିବା ସୂଚନା ଅନୁସାରେ ଆଜି ସକାଳ ୮ଘଣ୍ଟା ଠାରୁ ଅପରାହ୍ନ ୨ଘଣ୍ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ମତଦାନ ଚାଲିଥିଲା ମତଦାନ ପରେ ଦିନ ୨ଟାରେ ଗଣତି କରାଯାଇଥିଲା ।ତେବେ କଲେଜର ସର୍ବମୋଟ  ୮୦୯ଜଣ ଛାତ୍ରଛାତ୍ରୀଙ୍କ ଭୋଟ ମଧ୍ୟରୁ ୬୬୭ଭୋଟ ପଡ଼ିଥିଲା ସଭାପତି ଦୌଡ଼ରେ ଥିବା ବିସିଜେଡି ପ୍ରାର୍ଥୀ ଆୟୁଷ୍ମାନ ସାହୁ ୪୬୩ଭୋଟ ପାଇ  ବିଜୟୀ ହୋଇଥିବା ବେଳେ ତାଙ୍କ ନିକଟତମ ପ୍ରାର୍ଥୀ ଏବିଭିପିର ରୋହନ ମୁଣ୍ଡା ୧୮୪ ଭୋଟ ପାଇ ପରାଜିତ ହୋଇଥିଲେ।ସେହିପରି ସାଧାରଣ ସମ୍ପାଦକ ପଦ ପାଇଁ ବିସିଜେଡି ଦଳର ବାବୁଲୁ ରଣା ୩୨୭ଖଣ୍ଡ ଭୋଟ ପାଇ ବିଜୟୀ ହୋଇଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦୀ ଏବିଭିପିର ଆଶୁତୋଷ ନାଏକ ୩୨୨ଖଣ୍ଡ ଭୋଟ ପାଇଥିଲେ। ସଭାପତି ନିର୍ବାଚନରେ ୮ଟି ଭୋଟ ନାକଚ ହୋଇଥିବା ବେଳେ ସମ୍ପାଦକ ନିର୍ବାଚନରେ ୧୭ଟି ଭୋଟ ନାକଚ ହୋଇଥିଲା ।ସର୍ବମୋଟ ୧୪ରାଉଣ୍ଡ ଗଣତି କରାଯାଇଥିଲା ।ଅନ୍ୟ ପକ୍ଷରେ ପୂର୍ବରୁ ନିର୍ଦ୍ୱନ୍ଦରେ ଉପ ସଭାପତି ଭାବେ ଶ୍ରୀତମ ସାହୁ,ସହ ସମ୍ପାଦକ ପଦବୀରେ ଶୁଭେନ୍ଦୁ ମେହେର,ନାଟ୍ୟ ସଂସଦ ସମ୍ପାଦକ ଭାବେ ଆକାଶ କୁମାର ମୁଣ୍ଡା ମନୋନୀତ ହୋଇଥିବା ଜଣାପଡ଼ିଛି ।ନିର୍ବାଚନ ଫଳାଫଳ ଘୋଷଣା ହେବା ପରେ ବିସିଜେଡିର ବିଜୟୀ ସଭାପତି,ସମ୍ପାଦକଙ୍କ ସହ ତାଙ୍କ ସାଥୀଙ୍କ ତରଫରୁ ସହରରେ ବିଜୟୀ ଶୋଭାଯାତ୍ରା ଅନୁଷ୍ଠିତ ହୋଇଥିଲା।ଏଥିରେ ତାଙ୍କର ସମର୍ଥକ ସମସ୍ତ ଛାତ୍ରଛାତ୍ରୀ ମାନେ ସାମିଲ ହୋଇ ଉତ୍ସବ ମନାଇଥିବା ଦେଖିବାକୁ ମିଳିଥିଲା।