13-Dec-2025

ସିନାପାଲି  (ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ଖଇରପଦର ଆଶ୍ରମ ବିଦ୍ୟାଳୟରେ ବାର୍ଷିକ କ୍ରୀଡା ପ୍ରତିଯୋଗିତା, ଖଇରପଦର ଆଶ୍ରମ ବିଦ୍ୟାଳୟ  ପ୍ରଧାନ ଶିକ୍ଷକ  ଶ୍ରୀଯୁକ୍ତ ଗଙ୍ଗାରାମ ବାଗ  ସଭାପତିଙ୍କ  ମାର୍ଗଦର୍ଶନ ରେ ସ୍ଥାନୀୟ ଖଇରପଦର ଖେଳ ପଡିଆ ଠାରେ ଅନୁଷ୍ଠିତ ହୋଇଯାଇଛି  l ମୁଖ୍ୟ ଅତିଥି ଭାବରେ ସ୍ଥାନୀୟ ସରପଞ୍ଚ ଶ୍ରୀମତୀ  ଉନାଶି ମାଝୀ,  ମୁଖ୍ୟବକ୍ତା ଭାବରେ  ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ପ୍ରଦୀପ ନାଏକ,  ସମ୍ମାନିତ ଅତିଥିଭାବେ  ପୂର୍ବତନ ଜିଲ୍ଲା ପରିଷଦ ଶ୍ରୀଯୁକ୍ତ ଗିରିରାଜ ମାଝୀ,  ସମିତିସଭ୍ୟ ଶ୍ରୀମତୀ ଲିନା ମେହେର, ବିଦ୍ୟାଳୟ ପରିଚାଳନା କମିଟି ସଭାପତି  ବିପିନ ବିହାରୀ ସୁନାନୀ, ପୂର୍ବତନ ସମିତିସଭ୍ୟ  ରାମେଶ୍ୱର ମାଝୀ ଯୋଗ ଦେଇଥିଲେ  l ଶ୍ରୀଯୁକ୍ତ କ୍ଷିତୀଶ  କୁମାର ମେହେର ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିବାସହ ପରିଚୟ ପ୍ରଦାନ କରିଥିଲେ l ମୁଖ୍ୟ ଅତିଥି ମଶାଲ ସ୍ଥାପନ ଓ କ୍ରୀଡା ପ୍ରତିଯୋଗିତାର ପତାକା ଉତ୍ତୋଳନ କଲାପରେ ପ୍ରତିଯୋଗିତାର ଶୁଭ ଉଦ୍ଘାଟନ ହେଲା ବୋଲି ଘୋଷଣା କରାଯାଇଥିଲା  l ସଭାଶେଷରେ  ଶ୍ରୀ ଅମିତ କୁମାର ସାହୁ  ଧନ୍ୟବାଦ ଅର୍ପଣ କରିଥିଲେ  l ବିଭିନ୍ନ ବର୍ଗର   ଖେଳ ପ୍ରତିଯୋଗିତା ରେ   ଛାତ୍ରଛାତ୍ରୀ ଯୋଗ ଦେଇ ନିଜର ପାର ଦର୍ଶିତା ପ୍ରଦର୍ଶନ କରିଥିଲେ  l କୃତି ଖେଳାଳି ମାନଙ୍କୁ ଅତିଥିଗଣ  ପ୍ରଶଂସା ପତ୍ର ଓ ପୁରସ୍କାର ଦେଇ ଉତ୍ସାହିତ କରିଥିଲେ  l ଅମିତ କୁମାର ସାହୁ, ବିକ୍ରମ କିଶୋର ମାଝୀ, ଶ୍ରୀମତୀ  ଟିନା ବାଗ, ଶ୍ରୀମତୀ ବବି ଜଗତ ଖେଳ ପରିଚାଳନା କରିଥିବା ବେଳେ   ଶାନ୍ତି ଜଗତ,( ମେଟ୍ରନ) କ୍ଷିତୀଶ ଚନ୍ଦ୍ର ମାଝୀ, ( ପାଚକ )
ପୂର୍ଣ୍ଣମୀ  ମାଝୀ,(ସେବିକା) ସତ୍ୟଭାମା ମାଝୀ, ( ପାଚିକା ) ଓ ବିଦ୍ୟାଳୟ ପରିଚାଳନା କମିଟିର  ସଭ୍ୟ / ସଭ୍ୟା  ସହଯୋଗ  କରିଥିଲେ  l