13-Dec-2025

ବୀରମହାରାଜପୁର,(ବିନୋଦ ପାଣ୍ଡେ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ସ୍ଥିତ ହାଇସ୍କୁଲ ପଡିଆରେ ଡିସେମ୍ୱର ୨୧ ତାରିଖ ରେ ସ୍ଥାନୀୟ ଜୟ ଜଗନ୍ନାଥ ସ୍ପୋର୍ଟସ କ୍ଲବ ଆନୁକୂଲ୍ୟରେ ହେବ ମର୍ଯ୍ୟାଦା ଜନକ ୨୯ ତମ ସର୍ବ ଭାରତୀୟ ଜୟ ଜଗନ୍ନାଥ ଲୁତୁରପଙ୍କ କ୍ରିକେଟ କପ୍। ଏଥିରେ ରାଜ୍ୟ ଓ ରାଜ୍ୟ ବାହାରର ଶ୍ରେଷ୍ଠ ଆଠୋଟି ଦଳ ସମେତ ଦୁଇଟି ମହିଳା କ୍ରିକେଟ ଦଳ ଅଂଶ ଗ୍ରହଣ କରୁଛନ୍ତି। ଏଥିପାଇଁ ଏହାର ଚଏସ ଲକିଙ୍ଗ ଉତ୍ସବ ଲୁତୁରପଙ୍କ ରେ ଅନୁଷ୍ଠିତ ହୋଇଯାଇଛି। ଆୟୋଜକ ସଭାପତି ସୁଶିଲ ପ୍ରଧାନ ଙ୍କ ପୌରୋହିତ୍ୟ ରେ ଅନୁଷ୍ଠିତ କାର୍ଯ୍ୟକ୍ରମ ରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ସ୍ଥାନୀୟ ସରପଞ୍ଚ ସୂର୍ଯ୍ୟ କୁମାର ନନ୍ଦ,ଗ୍ରାମ୍ୟ ପରିଚାଳନା କମିଟିର ସଭାପତି କଳ୍ପତରୁ ମହାକୁର, ଓସିଏ ମାନ୍ୟତାପ୍ରାପ୍ତ ଅମ୍ପାୟାର ଶ୍ୟାମ ସୁନ୍ଦର ପଣ୍ଡା, ଆୟୋଜକ ଅନୁଷ୍ଠାନର ଆଇନ ପରାମର୍ଶଦାତା  ରାଧାକାନ୍ତ ବାଘ, ଶିଶୁ ରୋଗ ବିଶେଷଜ୍ଞ ଡ଼ା.  ଆକାଶ ଅଗ୍ରୱାଲା, ଯୁବ ସଂଗଠକ ଶୁଭମ ଭୋଇ,ବ୍ୟବସାୟୀ ସଞ୍ଜୟ ବଡ଼ପଣ୍ଡା, ଶିକ୍ଷାବିତ ରମଣ ପଧାନ,କ୍ରୀଡାବିତ ଅଭିଷେକ ନାୟକ,ସୁଶିଲ ଅମାତ,ପ୍ରକାଶ ମହାକୁର ପ୍ରମୁଖ ଅତିଥି ଭାବେ ଯୋଗଦେଇ କ୍ରିଡ଼ାବାର୍ତ୍ତା ପ୍ରଦାନ କରିଥିଲେ। ଚଳିତ ବର୍ଷ ଏହି କ୍ରିକେଟ ମହାକୁମ୍ଭ କୁ ସଫଳ କରିବା ପାଇଁ ସମସ୍ତ ଙ୍କ ସହଯୋଗ ରହିବା ସହିତ ଏହାକୁ ସଫଳ କରିବା ପାଇଁ ସବୁ ପ୍ରକାର ଚେଷ୍ଟା କରାଯିବ ବୋଲି  ନିଷ୍ପତ୍ତି ନିଆଯାଇଛି। ମହିଳା କ୍ରିକେଟ ପାଇଁ ସ୍ବତନ୍ତ୍ର ସୁରକ୍ଷା ବ୍ୟବସ୍ଥା ସହିତ କିପରି ଶୃଙ୍ଖଳିତ ଭାବେ ଏହି ମ୍ୟାଚ୍ ପରିଚାଳିତ ହେବ ସେଥି ପାଇଁ ତତ୍ପରତା ରହିବା କୁ ଆଲୋଚନା ହୋଇଥିଲା। ପ୍ରାରମ୍ଭ ରେ ଗ୍ରାମର ଆରାଧ୍ୟ ଦେବତା ପ୍ରଭୁ ଜଗନ୍ନାଥ ଙ୍କ ପୂଜାର୍ଚ୍ଚନା ପରେ କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ପୀତାମ୍ବର ସାହୁ ସଭା କାର୍ଯ୍ୟକୁ ସଂଯୋଜନା କରିଥିଲେ। ଚଳିତ ବର୍ଷ ଏହି କ୍ରିକେଟ କପ୍ ରେ ଏସଡିସିଏ ସୁବର୍ଣ୍ଣପୁର, ସ୍ପାର୍ଟନ ଭୁବନେଶ୍ୱର, ବିଶ୍ବଭାରତୀ କଟକ, ଏନଏନଏସ ପ୍ରାୟାଗରାଜ, ବାଙ୍ଗାଲୋର ସିଟି -୧୧  କର୍ଣ୍ଣାଟକ, ବକ