13-Dec-2025

ତୁଷୁରା (ପଞ୍ଚାନନ ନାଏକ)  ବଲାଙ୍ଗୀର ଜିଲ୍ଲା ତୁଷୁରା ସହର ସ୍ଥିତ ତୋଷାଳୀ ବିଦ୍ୟାମନ୍ଦିରରସପ୍ତମ ବାର୍ଷିକ କ୍ରୀଡା ଉତ୍ସବ ବିଦ୍ୟାଳୟ ପରିସରରେ ଶୁକ୍ରବାର ଉଦଯାପିତ  ହୋଇ ଯାଇଛି। ପ୍ରଥମେ ମହୀପୁରଛକ ସ୍ଥିତ ମାଁ ମେଟାକାନୀ  ପୀଠରୁ ପୂଜାର୍ଚନା କରି ଛାତ୍ରଛାତ୍ରୀମାନେ ବିଦ୍ୟାଳୟର ଖେଳ ପଡିଆ ଅଭିମୁଖେ ମଶାଲ ଶୋଭାଯାତ୍ରା ଆରମ୍ଭ କରିଥିଲେ । ଛାତ୍ରଛାତ୍ରୀଙ୍କ ସମେତ ଶିକ୍ଷକଶିକ୍ଷୟିତ୍ରୀ ବୃନ୍ଦ ମଶାଲ ଶୋଭାଯାତ୍ରାକୁ ସ୍ବାଗତ ଜଣାଇବା ସହ ଖେଳପଡିଆ ନିକଟକୁ ନେଇଯାଇଥିଲେ ।  ପଡ଼ିଆର ଚତୁଃପାର୍ଶ୍ବରେ ପରିକ୍ରମଣ କରି ମଶାଲକୁ ସ୍ଥାପିତ କରାଯାଇଥିଲା l ବିଦ୍ୟାଳୟର ପରିଚାଳକ ହେମନ୍ତ କୁମାର ସାହୁ ତୁଷୁରା ସହର ଅଧିଷ୍ଠାତ୍ରୀ ଦେବୀ ମାଁ ସମଲେଶ୍ଵରୀଙ୍କ ଫଟୋଚିତ୍ରରେ ପୂଜାର୍ଚନା କରିଥିଲେ I ବିଦ୍ୟାଳୟର ନିର୍ଦେଶକ ଦେବାଶିଷ ମହାପାତ୍ର କ୍ରୀଡା ସମ୍ପର୍କିତ ଉଦବୋଧନ ଦେଇଥିଲେ  । ବିଦ୍ୟାଳୟର ପରିଚାଳକ  ଶ୍ୟାମ ସୁନ୍ଦର ପ୍ରଧାନ ଛାତ୍ରଛାତ୍ରୀଙ୍କୁ ଖେଳ ଠିକ ଭାବେ ଖେଳିବାକୁ ଶପଥ ପାଠ କରାଇଥିଲେ I ଗୋପବନ୍ଧୁ ଉଚ୍ଚ ବିଦ୍ୟାଳୟ, ସଲେପାଲିର  କ୍ରୀଡା ଶିକ୍ଷକ  ବିରାଟ ପ୍ରଧାନ ଓ ଘୁନା ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ  ବିଶ୍ବରୂପ ନାଏକ ଉଭୟଙ୍କ ତତ୍ବାବଧାନରେ ସମସ୍ତ ଛାତ୍ରଛାତ୍ରୀ ତଥା ଶିକ୍ଷକଶିକ୍ଷୟିତ୍ରୀ ମାନଙ୍କୁ ନେଇ ଦୁଇ ଦିନ ଧରି ବିଭିନ୍ନ କ୍ରୀଡା ଯଥା - ଉଚ୍ଚ ଡିଆଁ, ଲମ୍ବ ଡିଆଁ, ୧୦୦ ଓ ୨୦୦ ମିଟର ଦୌଡ, ଗୋଳା ଫିଙ୍ଗା, ବସ୍ତାଦୌଡ, ଚାମଚ-ବାଟି ଦୌଡ, କବାଡି ଟୁର୍ଣ୍ଣାମେଣ୍ଟ ଇତ୍ୟାଦି ଖେଳ  ଅନୁଷ୍ଠିତ ହୋଇଥିଲା l  ଏଥିରେ ବିଦ୍ୟାଳୟର ଶିକ୍ଷକଶିକ୍ଷୟିତ୍ରୀ  କାମଦେବ ପଧାନ, ରୋହିତ ପଧାନ, ନିବେଦିତା ମହାପାତ୍ର,ପୀତାମ୍ବର ସା, ଅଞ୍ଜଳି ବିଶ୍ବାଳ,ସରସ୍ବତୀ ପଧାନ, ମମତାମୟୀ ସାହୁ, ଆର୍ୟବ୍ରତ ସରାଫ, ରାଜକୁମାର ମଣ୍ଡଳ, ବିକାଶ ପାତ୍ର, ନିକିତା ଭୋଇ, ହେମନ୍ତ ସାହୁ, ସତ୍ୟଜିତ ପରିଡା, ରିଙ୍କି ଗୁରୁ, ହିମାଂଶୁ ସାହୁ, ଝସକେତନ ସାହୁ ସହଯୋଗ କରିଥିଲେ l ପରିଶେଷରେ ପ୍ରଧାନ ଶିକ୍ଷକ  ସୁରେନ୍ଦ୍ର ଭୋଇ ଧନ୍ୟବାଦ ଅର୍ପଣ କରିଥିଲେ l ଏହାପରେ ନବମ ଓ  ଦଶମ ଶ୍ରେଣୀର ଛାତ୍ର ମାନଙ୍କ ମଧ୍ଯରେ କବାଡି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଦଶମ ଶ୍ରେଣୀର ଛାତ୍ର ମାନେ ବିଜୟୀ ହୋଇ ଥିଲେ। କୃତୀ ଛାତ୍ରଛାତ୍ରୀ ମାନଙ୍କୁ ବିଦ୍ୟାଳୟର ବାର୍ଷିକ ଉତ୍ସବରେ ପୁରସ୍କାର ପ୍ରଦାନ କରାଯିବ ବୋଳି ବିଦ୍ୟାଳୟ ପକ୍ଷରୁ ପ୍ରକାଶ କରାଯାଇଛି।