11-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବିଜ୍ଞାପିତ ଅଞ୍ଚଳ ପରିଷଦ ଅଧିନସ୍ତ ଉରଲେ ଗ୍ରାମର ଅବସରପ୍ରାପ୍ତ ଶିକ୍ଷକ ବୁଧୁରାମ ଭୋଇ(୮୨)ଙ୍କ ବାର୍ଦ୍ଧକ୍ୟ ଜନିତ ଅବସ୍ଥାରେ ନିଜ ବାସ ଭବନରେ ମଙ୍ଗଳବାର ପରଲୋକ ଘଟିଛି ।ଖବର ପ୍ରଚାରିତ ହେବା ପରେ ସାରା ଅଞ୍ଚଳର ଶିକ୍ଷାପ୍ରେମୀ ତଥା ତାଙ୍କ ଠାରୁ ଶିକ୍ଷା ଲାଭ ପାଇଥିବା ଶିଷ୍ୟ ମହଲରେ ଶୋକର ଲହରୀ ଖେଳିଯାଇଛି  ପ୍ରକାଶ ଥାଉକି ଯେ ସ୍ବର୍ଗତ ବୁଧୁରାମ ବିନିକା ୟୁଜିଏମିସ୍କୁଲରେ ଶିକ୍ଷକତା ଆରମ୍ଭ କରି ଜିଲ୍ଲାର ବିଭିନ୍ନ ବିଦ୍ୟାଳୟରେ ନିଯୁକ୍ତି ପାଇ ଜଣେ ପ୍ରବୀଣ ଶିକ୍ଷକ ଭାବେ ବେଶ ପରିଚିତ ଥିଲେ । ଶ୍ରୀ ଭୋଇ ସେହି ସମୟରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କୁ ଉତ୍ତମ ଭାବରେ ଶିକ୍ଷାଦାନ ଦେଇ ଦାୟିତ୍ଵ ନିର୍ବାହ କରି ଆସୁଥିଲେ। ଯାହାକି ତାଙ୍କ ଠାରୁ ଶିକ୍ଷାଦାନ ପାଇ ନିଜର ଭବିଷ୍ୟତ ଗଠନ କରିଥିବା ଶିଷ୍ୟ ମାନେ ତାଙ୍କ ଶିକ୍ଷାଦାନ ପ୍ରଦାନକୁ ଏବେ ବି ଝୁରୁଛନ୍ତି। ଆଜି ତାଙ୍କର ହଠାତ ପରଲୋକ ଗମନ ପରେ ତାଙ୍କ ଶିଷ୍ୟ,ବନ୍ଧୁ ବାନ୍ଧବ ତଥା ଆତ୍ମୀୟ ସଜନ ମହଲରେ ଗଭୀର ଶୋକ ପ୍ରକଟ ପାଇବା ସହିତ ଘରକୁ ଆସି ଶେଷ ଦର୍ଶନ କରିବାର ସୁଯୋଗ ପାଇଥିଲେ।ସ୍ବର୍ଗତ ଶ୍ରୀ ଭୋଇଙ୍କ  ମରଶରୀରକୁ ଏକ ଶୋଭାଯାତ୍ରାରେ ନିକଟ ପାପକ୍ଷୟ ଘାଟ ସ୍ଥିତ ଶ୍ଵଶାନ ଘାଟକୁ ନିଆଯାଇ ସେଠାରେ ଅନ୍ତିମ ସଂସ୍କାର କରାଯାଇଥିଲା ।ପୁଅ ଗୋବର୍ଦ୍ଧନ ଭୋଇ ମୁଖାଗ୍ବି ପ୍ରଦାନ କରିଥିଲେ।