11-Nov-2025

ବଲାଙ୍ଗୀର(ପ୍ରେରଣା ଖବର) ଇତି ମଧ୍ୟରେ ରାଜ୍ୟ ସରକାରଙ୍କ ଆଇନ ବିଭାଗର ପ୍ରମୁଖ ସଚିବ ଭାବରେ ବଲାଙ୍ଗୀର ଜିଲ୍ଲା ଦୌରା ଜଜ୍ ଡ. ପବିତ୍ର ମୋହନ ସାମଲ ନିଯୁକ୍ତି ପାଇଛନ୍ତି । ଏହି ଖବର ପ୍ରଚାର ହେବା ପରେ ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ଶ୍ରୀ ସାମଲଙ୍କୁ ଅଭିନନ୍ଦନ ଜ୍ଞାପନ କରିବା ସହ ଏହି ନୂତନ ଦାୟିତ୍ୱକୁ ସେ ସଫଳତାର ନିର୍ବାହ କରିବେ ବୋଲି କାମନା କରାଯାଇଛି । ତେବେ ଆଜି ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ବଲାଙ୍ଗୀର ଜିଲ୍ଲା ଦୌରା ଜଜ୍ ଡ. ପବିତ୍ର ମୋହନ ସାମଲଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରା ଯାଇଛି । ଗତ  ୨୦୨୪ ଜାନୁୟାରୀ ୦୨  ତାରିଖରେ ଶ୍ରୀ ସାମଲ ବଲାଙ୍ଗୀର ସିଭିଲ୍ କୋର୍ଟରେ ଡିଷ୍ଟ୍ରିକ୍ଟ ଆଣ୍ଡ ସେସନସ୍ ଜଜ୍ ଭାବରେ ଦାୟିତ୍ଵ ତୁଲାଇଥିଲେ l ଏହି ୧ବର୍ଷ ୦୯ ମାସର କାର୍ଯ୍ୟକାଳ ମଧ୍ୟରେ ଦୌରା ଜଜ୍ ଶ୍ରୀ ସାମଲ ନିଜ ଆମାୟିକ ବ୍ୟବାହର ଓ ବଲାଙ୍ଗୀରର କାର୍ଯ୍ୟରତ ଓକିଲ ମାନଙ୍କ ମଧ୍ୟରେ ସୁସଂପର୍କ ସ୍ଥାପନ କରି ସମସ୍ତଙ୍କ ପ୍ରଶଂସାଭାଜନ ହୋଇ ପାରିଥିଲେ । ବିଭିନ୍ନ ମାମଲାର ଫଇସଲା କରିବା ଦିଗରେ ତଥା ମହକିଲ ମାନଙ୍କୁ ତ୍ୱରିତ ନ୍ୟାୟ ପ୍ରଦାନ କରିବା କ୍ଷେତ୍ରରେ ଜିଲ୍ଲା ଦୌରା ଜଜ୍ ଙ୍କ କାର୍ଯ୍ୟଶୈଳୀ ଓ ଦକ୍ଷତା ପ୍ରକୃତରେ ପ୍ରଶଂସନୀୟ ଥିଲା ବୋଲି ଜିଲ୍ଲା ଓକିଲ ସଂଘ ପକ୍ଷରୁ କୁହାଯାଇଛି । ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥଙ୍କ ଆବାହକତ୍ୱରେ ଆୟୋଜିତ ଆଜିର ସମ୍ବର୍ଦ୍ଧନା ସଭାରେ କିଛି ସମୟ ପାଇଁ ବିଦାୟୀ ଜିଲ୍ଲା ଦୌରା ଜଜ୍ ଶ୍ରୀ ସାମଲଙ୍କ ସହ ଭାବବିନିମୟ ହେବା ସହ ତାଙ୍କ ବୃତ୍ତିଗତ ଜୀବନ ଆହୁରି ସୁନ୍ଦର ଓ ସୁଗମ ହେଉ ବୋଲି କାମନା କରାଯାଇଥିଲା । ଏହି ସମ୍ବର୍ଦ୍ଧନା ସଭାରେ ସଂଘର ସଂପାଦକ ସଂଜୟ ବଗର୍ତ୍ତୀ, ଉପସଭାପତି ସୁଧାଂଶୁ ଦେଓ, କୋଷାଧ୍ୟକ୍ଷ ସମୀର ମିଶ୍ର, କାର୍ଯ୍ୟକାରୀ କମିଟି ସଭ୍ୟ ମଳୟ ଗଡତ୍ୟା,ସରୋଜ ଗୁପ୍ତା, ଦିପ୍ତୀ ଶର୍ମା ଙ୍କ ସମେତ ବରିଷ୍ଠ ସଦସ୍ୟ ଆନନ୍ଦ ପାଣିଗ୍ରାହୀ, ପ୍ରମୋଦ ତ୍ରିପାଠୀ, ଅମରେନ୍ଦ୍ର ମିଶ୍ର, ବିଜୟ ମିଶ୍ର ଗୋପାଳ ପାଣିଗ୍ରାହୀ, ରାଧାକାନ୍ତ ମହାକୁଡ, ଚନ୍ଦ୍ରଶେଖର ମିଶ୍ର ଓ ଅନ୍ୟ ମାନେ ଉପସ୍ଥଥିତ ଥିଲେ ।