12-Oct-2025

ଡେଲାଙ୍ଗ(ଦିଲ୍ଲୀପ କୁମାର ଧାଉଡିଆ )ଚଳିତ ବର୍ଷର ମୁଖ୍ୟମନ୍ତ୍ରୀ ବନ୍ୟପ୍ରାଣୀ ସୁରକ୍ଷା ସମ୍ମାନ -୨୦୨୫ ପୁରୀ ଜିଲ୍ଲା ନିମାପଡ଼ା ବ୍ଲକ ଅନ୍ତର୍ଗତ ମଠସାହି ଗ୍ରାମର ପ୍ରକୃତିବନ୍ଧୁ ବାଉରୀବନ୍ଧୁ ବେହେରା ଙ୍କୁ ପ୍ରଦାନ କରାଯାଇଅଛି |୭୧ତମ ବନ୍ୟପ୍ରାଣୀ ସପ୍ତାହ ପାଳନ ଅବସରରେ ତା ୦୮/୧୦/୨୦୨୫ ରିଖରେ ବାଲୁଖଣ୍ଡ ଅଭୟାରଣ୍ୟ ର ପ୍ରକୃତି ନିବାସ ଠାରେ ଆୟୋଜିତ ଉତ୍ସବରେ ଶ୍ରୀଯୁକ୍ତ ବେହେରା ଙ୍କୁ ପୁରୀ ବନଖଣ୍ଡ ଅଧିକାରୀ ସମ୍ମାନୀତ କରିଛନ୍ତି |ସମାଜସେବୀ ଶ୍ରୀଯୁକ୍ତ ବେହେରା ତାଙ୍କର ପ୍ରକୃତି ସୁରକ୍ଷା କାର୍ଯ୍ୟପାଇଁ ପ୍ରକୃତିବନ୍ଧୁ ପୁରସ୍କାର ପାଇ ଅଂଚଳ ପାଇଁ ଗୌରବ ଆଣିଦେଇଥିଲେ |ବନ୍ୟପ୍ରାଣୀ ସୁରକ୍ଷା ଉପରେ ଶ୍ରୀଯୁକ୍ତ ବେହେରା ଙ୍କର ତିନି ଗୋଟି ପୁସ୍ତକ ଯଥା : (୧)ବାଲୁଖଣ୍ଡ ଅଭୟାରଣ୍ୟ ରୁ ଜନପଦ ସହର (ପୃଷ୍ଠା -୩୭୬), (୨)ଏଡ଼ିସ ବଧ, (୩)ଶିକାରୀ ଶିକାର ପ୍ରକାଶ ପାଇ ପାଠକୀୟ ମହଲରେ ବହୁ ଆଦୃତ ହୋଇ ଆସୁଅଛି |ଆକାଶବାଣୀ କଟକ ଓ ଆକାଶବାଣୀ ପୁରୀ ରୁ ଶ୍ରୀଯୁକ୍ତ ବେହେରା ଙ୍କର ବହୁ ଆଲୋଚନା ଓ ଗାନ୍ଧୀ ଚର୍ଚ୍ଚା ପ୍ରସାରଣ ହୋଇ ଶ୍ରୋତୃମଣ୍ଡଳୀଙ୍କୁ ବିମୁଗ୍ଧ କରିଅଛି |ମୁଖ୍ୟମନ୍ତ୍ରୀ ବନ୍ୟପ୍ରାଣୀ ସୁରକ୍ଷା ସମ୍ମାନ ପାଇବାପରେ ଶ୍ରୀଯୁକ୍ତ ବେହେରା ଙ୍କ ପାଖକୁ ବହୁ ପ୍ରଶଂସା ର ସୁଅ ଛୁଟିବାରେ ଲାଗିଛି |