07-May-2025

ଅତାବିରା(ଆକାଶ ମିଶ୍ର): ବରଗଡ ଜିଲ୍ଲା ଅତାବିରା ବ୍ଲକ ଗାଁ ବୁଗବୁଗା ଗ୍ରାମରେ ୨୪ ପ୍ରହରୀ ନାମଯଜ୍ଞ ହସଉଳ୍ଲାସରେ ଅନୁଷ୍ଠିତ ହୋଇଯାଇଛି I ଏହି ଅବସରରେ ଗତ ରବିବାର ବୈଶାଖ ଶୁକ୍ଳ ପକ୍ଷ ସପ୍ତମୀ, ପୁଷ୍ୟା କର୍କଟ ତିଥିରେ  ପ୍ରତି ବର୍ଷ  ଭଳି ସକାଳ ୭ ଟା ୪୫ ମିନିଟ ଲଗ୍ନେ ଗ୍ରାମର ଶତାଧିକ ମହିଳା ସମେତ ସପତ୍ନିକ କର୍ତ୍ତା , ସଙ୍କୀର୍ତ୍ତନ,ଘଣ୍ଟଶଙ୍ଖ ସହ  କଳଶ ଶୋଭାଯାତ୍ରା ମାଧ୍ୟମରେ କଳସ ଆଣି ନାମଯଜ୍ଞ ମଣ୍ଡପରେ ସ୍ଥାପନ କରିଥିଲେ I ପରେ  ଷୋଡଶ ପୂଜାବିଧିରେ

ଶ୍ରୀରାଧାକୃଷ୍ଣଙ୍କ ପୂଜା ପରେ ହରେ କୃଷ୍ଣ,  ହରେ ରାମ ମହାମନ୍ତ୍ର ନାମ ଶୁଭାରମ୍ଭ କରାଯାଇଥିଲା I ସମଗ୍ର ପୂଜାକାର୍ଯ୍ୟକୁ ପଣ୍ଡିତ  ଦିଲୀପ ରଥ ଓ ପର୍ଶୁରାମ ଦାଶ ପରିଚାଳନା କରିଥିବାବେଳେ ସୁଦାମ ଛନ୍ଦ ଓ ତାଙ୍କ ଧର୍ମପତ୍ନୀ ବବିଛନ୍ଦ କର୍ତ୍ତା ଦାୟିତ୍ବ ସଂପାଦନ କରିଥିଲେ I ଏହି  ନାମଯଜ୍ଞରେ ଏକ  ନିଆରା ଦୃଶ୍ୟ ଦେଖିବାକୁ ମିଳିଥାଏ lମାନସିକଧାରୀ ମାନେ  ରାଧାକୃଷ୍ଣଙ୍କ ପାଖରେ ମାନସିକ କରି ପୂଜା ମଣ୍ଡପରେ ଖଇ ଜୁଗlର ବସାଇ ଥାନ୍ତି। ଏହା ସହ ଦୀପ ଜାଳି ମାନସିକ କରନ୍ତି। ଚାରିଦିନ ଧରି ଗ୍ରାମରେ ସହଶ୍ରାଧିକ ଭକ୍ତଙ୍କ ପାଇଁ ଅନ୍ନକୋଟ ସହ ଜଳଖିଆ ବ୍ୟବସ୍ଥା ହୋଇଥିଲା। ପ୍ରତ୍ୟହ ସଂଧ୍ୟାରେ ଆଖପାଖର ଆଞ୍ଚଳିକ ସଂକୀର୍ତ୍ତନ୍ୟ ମଣ୍ଡଳି ଆସି ନାମଯଜ୍ଞରେ ସହଯୋଗ କରିଥିବା ବେଳେ, ପୂର୍ଣ୍ଣାହୂତି ଦିବସରେ 

ହିର୍ଲି ପାଲି, ପତ୍ରା ପାଲି ମହିଳା , ପଲ୍ସାପାଲି, ବାବେବୀରା, ଗରିଆଟିକରା ର ଉଦଣ୍ଡ ଓ ସିଂହପାଲି ରଙ୍ଗୀନ ସଂକୀର୍ତ୍ତନ୍ୟ ମଣ୍ଡଳୀ ଯୋଗଦାନ କରି ନଗର କୀର୍ତ୍ତନ ପ୍ରଦର୍ଶନ କରିଥିଲେ।  ପାଲି ବୁଗୁବୁଗାର କୁନି କୁନି ପିଲାଙ୍କ ସଙ୍କୀର୍ତ୍ତନ ବିଶେଷ କରି ଦର୍ଶକଙ୍କ ମନମୁଗ୍ଧ କରିଥିଲା । ହଜାର ହଜାର ସଂକୀର୍ତ୍ତନ ପ୍ରେମୀ ରାତି ତମାମ ସଂକୀର୍ତ୍ତନ୍ୟ ଉପଭୋଗ କରିଥିଲେ। ସମଗ୍ର ନାମଯଜ୍ଞରେ ସଭାପତି କପିଳାସ ମହାକୁର, ସମ୍ପାଦକ ଅନୁରୋଜ ଛନ୍ଦ,ୱାର୍ଡ ମେମ୍ବର ପବିତ୍ର ବେହେରା, ଏକାଦଶିଆ ଛନ୍ଦ,କୃଷ୍ନଦେବ ମହାକୁର ,ସତିଶ ଗୁରୁ ତଥା ସମସ୍ତ ଗ୍ରାମବାସୀ ପୂର୍ଣ୍ଣ ସହଯୋଗ କରିଥିଲେ।