02-Nov-2024

ଭୁବନେଶ୍ବର(ପ୍ରେରଣା ଖବର):  ମୋକିମ ଫାଉଣ୍ଡେସନ ଏବଂ ମେଟ୍ରୋ ଗ୍ରୁପ ସହଯୋଗୀତାରେ ଅରୋମୀରା ଦ୍ୱାରା ପ୍ରସ୍ତୁତ ତଥା ଦେବ ମେହେର ନିର୍ଦ୍ଦେଶିତ ହଁ, ମୁଁ... ନାମକ ଏକ ଭିନ୍ନ ସ୍ୱାଦର ଓଡ଼ିଆ ମ୍ୟୁଜିକାଲ ସର୍ଟ ଫିଲ୍ମ ମୁକ୍ତିଲାଭ କରିଛି l ଅନେକ ଲୋକପ୍ରିୟ ଗୀତର ଗାୟିକା ଶ୍ରୀମତୀ ସୁସ୍ମିତା ଦାସଙ୍କ କଣ୍ଠରେ ଗୀତଟି ଭାରି ମନଛୁଆଁ ହୋଇଛି l ସୁନ୍ଦର ଗୀତ ସାଙ୍ଗକୁ ଭିଡିଓଗ୍ରାଫି କାହାଣୀର ପରିକଳ୍ପନା ମଧ୍ୟ ନିଆରା l ଦେବ ମେହେର ଜଣେ ଉଚ୍ଚକୋଟୀର ଯୁବ ନିର୍ଦ୍ଦେଶକ l ତାଙ୍କ ପରିକଳ୍ପନା ମଧ୍ୟ ସମ୍ପୂର୍ଣ୍ଣ ନିଆରା l ପୂର୍ବରୁ ଚଳଚ୍ଚିତ୍ର ଅଭିନେତ୍ରୀମାନଙ୍କୁ ଙ୍କୁ ନେଇ ମଞ୍ଚରେ ପ୍ରଦର୍ଶିତ କରିଥିବା ମ୍ୟୁଜିକାଲ ଡ୍ରାମା ଦେବଦାସ ବହୁ ପ୍ରଶଂସିତ ହୋଇ ଚର୍ଚ୍ଚାରେ ଥିଲେ l ଏହି ମ୍ୟୁଜିକ୍ ଭିଡ଼ିଓ ର ପରିକଳ୍ପନା ମଧ୍ୟ ଠିକ ସେହିପରି ନିଆରା l ଏକ ସୁନ୍ଦର ପ୍ରେମ କାହାଣୀ କୁ ସ୍ଥାନ ଦେଇଛନ୍ତି ନିର୍ଦ୍ଦେଶକ ଦେବ l ଜଣେ ଭିନ୍ନକ୍ଷମ ନାୟିକାକୁ ନେଇ କାହାଣୀ ଗଢ଼ା ହୋଉଛି l ଯାହା ସବୁ ବର୍ଗର ଦର୍ଶକଙ୍କୁ ମନୋରଞ୍ଜନ ସହିତ କିଛି ଶିକ୍ଷା ମିଳିବ l 
ଏହି ମ୍ୟୁଜିକାଲ ସର୍ଟ ଫିଲ୍ମ ର ଗୀତ ରଚନା କରିଛନ୍ତି ଅଭିଜ୍ଞ ଗୀତିକାର ବିଜୟ ମଲ୍ଲ l ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଯୁବ ସଙ୍ଗୀତ ନିର୍ଦ୍ଦେଶକ ଅଭିଜିତ ମିଶ୍ର l ଚିତ୍ରତ୍ତୋଳନ କରିଛନ୍ତି ପ୍ରତାପ ରାଉତ l ମୁଖ୍ୟ ଭୂମିକାରେ ପ୍ରତିଭା ବେହେରା ଙ୍କ ସହିତ ସ୍ୱାଧୀନ l
ଅନ୍ୟାନ୍ୟ ଭୂମିକାରେ ରତନ ମେହେର ଏବଂ ଅନ୍ଵେଷା ମେହେର l  ଏହାର ପ୍ରଚାର ଓ ପ୍ରସାର ଦାୟିତ୍ୱରେ ଭରତ ପ୍ରଧାନ ଅଛନ୍ତି l