02-Nov-2024

ଅତାବିରା(ଆକାଶ ମିଶ୍ର):  ଅତାବିରା ବିଜ୍ଞାପିତ ଅଞ୍ଚଳ  ପରିଷଦ ଅନ୍ତର୍ଗତ ରେଙ୍ଗାଲିକ୍ୟାମ୍ପ୍ ରେ ତିନି ଦିନ ଧରି ଚାଲିଥିବା ମାଁ ଶ୍ୟାମାକାଳୀଙ୍କ ପୂଜା ସହ  ଭସାଣୀ ଯାତ୍ରା  ସମ୍ପନ୍ନ ହୋଇ ଯାଇଛି ।

କାଳୀ ଦେବୀ ଦୁର୍ଗାଙ୍କର ଶକ୍ତିଶାଳୀ ସ୍ୱରୂପ। କାଳରୂପୀ ଶିବଙ୍କର ଶକ୍ତି କାଳୀଙ୍କ  ଉପରେ ଦୃଢ଼ ଭକ୍ତି ଓ ଆସ୍ଥା  ଲୋକଙ୍କର  ରହିଅଛି ।ତେଣୁ ରୀତି ନୀତି ସହ ଚଣ୍ଡୀ ହୋମ  ଓ ମନ୍ତ୍ରପାଠ କରାଯାଇ ଆଜି ସକାଳେ ପୂର୍ଣ୍ଣାହୁତି ଦିଆଯାଇ ଥିଲା ।ତ୍ରି ଦିନାତ୍ମକ ପୂଜା ପାଇଁ ମୁଖ୍ୟ ପୂଜକ ଭାବରେ ଅଚ୍ୟୁତାନନ୍ଦ ଶତପଥୀ, ଚଣ୍ଡୀ ପାଠକ ପ୍ରଭାକର ଶତପଥୀ ଓ ତାଙ୍କ ସାଥୀ ବାବୁଲୁ ଦାଶ,କାହ୍ନୁ ଚରଣ ମହାପାତ୍ର ବରଣ ହୋଇଥିବା ବେଳେ କର୍ତ୍ତା ଭାବେ କେନାଲ ବିଭାଗ ଅଧିକାରୀ ସପତ୍ନିକ ଦିବ୍ୟ କିଶୋର କୁଆଁର ଓ ଦୀପା ଞ୍ଜଳୀ କୁଆଁର ଦାୟିତ୍ୱ ନିର୍ବାହ କରିଥିଲେ ।।ଦୀର୍ଘ ୧୫ବର୍ଷ ଧରି  ଶିଳ୍ପୀ ଆଦିତ୍ୟ ନାୟକ, ଲିଙ୍ଗ ରାଜ ନାୟକ, ବୃନ୍ଦାବନ ଥପା, ନବୀନ

ବେହେରା ଓ ସରୋଜ ମିର୍ଦ୍ଧା ମାଁ ଙ୍କର ମୃଣ୍ମୟୀ ମୂର୍ତ୍ତି ନିର୍ମାଣ କରିଥିଲେ । ଏହି ପୂଜାର ଉକ୍ଷ ଆକର୍ଷଣ ଜୁଗlର ଯାତ୍ରା ।ଆଖପାଖ ଗ୍ରାମ  ମାନଙ୍କରୁ ପ୍ରତିଯୋଗିତାମୂଳକ ଭାବରେ  ଜୁଗlର ମାନ ତିଆରି କରି ବଡ଼ ଆଡମ୍ବର ସହକାରେ  ଦୁଲୁଦୁଲି  ବାଜା  ସହ ମାଁ ଙ୍କ ପୂଜା ମଣ୍ଡପକୁ ପହଞ୍ଚି ଥିଲା ।ଏହାକୁ ଦେଖିବା ପାଇଁ  ଲୋକଙ୍କ  ପ୍ରବଳ ଭିଡ଼  ଲାଗି ରହିଥିଲା । ଏହି  ପୂଜା ଅବସରରେ ପୂଜା କମିଟି ପକ୍ଷରୁ  ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏଥିରେ  ୩୦ ୟୁନିଟ ରକ୍ତ  ସଂଗ୍ରହ ହୋଇଥିଲା । ଦ୍ଵିତୀୟ ଦିବସରେ  ସାଂସ୍କୃତିକ କାର୍ଯ୍ୟକ୍ରମରେ  ଜଟଲା ର ଗଣେଶ ଅପେରା  ଓ ବବେବିରାର ଜ୍ୟୋତି ଡାନ୍ସ ଗ୍ରୁପ୍  ର ନୃତ୍ୟ  ପରିବେଷିତ ହୋଇଥିଲା। ଗତକାଲି ସନ୍ଧ୍ୟା ୭  ଟା ରେ  ଭସାଣି ଉତ୍ସବ ହୋଇଥିଲା। ଦୁଲୁଦୁଲି ବାଜା ସହ  ଘଣ୍ଟଶଙ୍ଖରେ  ଶୋଭାଯାତ୍ରା ବାହାରି ରେଙ୍ଗାଲିକ୍ୟାମ୍ପ ମୁଖ୍ୟ କେନାଲକୁ ପହଞ୍ଚିଥିଲା । ସେଠାରେ  ବିସର୍ଜନ କରାଯାଇଥିଲା । ଏହି ପୂଜା କାର୍ଯ୍ୟରେ  ବରଗଡ଼ , ବୁର୍ଲ୍ଲl,  ରେଙ୍ଗାଲିକ୍ୟାମ୍ପ କେନାଲ ବିଭାଗର ମୁଖ୍ୟ  ଅଧିକାରୀ , ଯନ୍ତ୍ରୀ ତଥା ସମସ୍ତ  କର୍ମଚାରୀ  ସକ୍ରିୟ ସହଯୋଗ କରିଥିଲେ l