07-Nov-2026

ପାଟଣାଗଡ଼ (ପ୍ରେରଣା ଖବର) ବଲାଙ୍ଗିର ଜିଲ୍ଲା ବେଲପଡ଼ା ବ୍ଳକ ଅନ୍ତର୍ଗତ ମଣ୍ଡଳ, ବେଲପଡ଼ା,କାନୁଟ, ପଣ୍ଡ୍ରିଜୋର,ମଧ୍ୟପୁରକୁ ଦ୍ବିତୀୟ ପର୍ଯ୍ୟାୟରେ ଗୋଦାବରୀଶ ମିଶ୍ର ଆଦର୍ଶ ବିଦ୍ୟାଳୟ ଘୋଷିତ ହୋଇ ଥିଲା। ସେଥିପାଇଁ ଆଜି ମଣ୍ଡଳ ଅଭୟ ପ୍ରସାଦ ଠାକୁର ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟକୁ ଗୋଦାବରୀଶ ମିଶ୍ର ଆଦର୍ଶ ବିଦ୍ୟାଳୟ କରିବା ପାଇଁ  ଧୁମଧାମରେ ଶୁଭାରମ୍ଭ କାର୍ଯ୍ୟ ହୋଇଥିବା ବେଳେ ପୂଜକ ଭାବେ ସମ୍ଭୁପ୍ରସାଦ ପାଢ଼ୀ ଭୂମି ପୂଜନ କରି ଥିଲେ ।ଏହି ଶୁଭାରମ୍ଭ କାର୍ଯ୍ୟ ଟି ଗୋଷ୍ଠୀ ଶିକ୍ଷା ଅଧିକାରୀ ଅଭିନବ ମିଶ୍ର ଙ୍କ ସଭାପତିତ୍ବରେ ଆରମ୍ଭ ହୋଇଥିଲା।ଏହି ଉତ୍ସବରେ ମୁଖ୍ୟ ଅତିଥି ଭାବେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ସାରଥୀ ସାହୁ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଭ୍ୟା ଶ୍ରୀମତୀ ଅନିମା ଦାଶ, ସରପଞ୍ଚ ଶ୍ରୀମତୀ ସସ୍ମିତା ସେଠ୍, ମଣ୍ଡଳ କଲେଜର ଅଧ୍ୟକ୍ଷ ଶ୍ରୀଯୁକ୍ତ ଅଶୋକ ପୁରୋହିତ, ବିଦ୍ୟାଳୟ ସ୍ଥାପନ କରିଥିବା ଅଭୟ ପ୍ରସାଦ ଠାକୁରଙ୍କ ସୁପୁତ୍ର ମୋହନଦାସ ଠାକୁର, ବିଦ୍ୟାଳୟର ଉପ ସଭାପତି ଗଜରାଜ ପସାୟତ ମନୋରଞ୍ଜନ ପୁରୋହିତ ମଞ୍ଚାସିନ ଥିଲେ। ଏହି କାର୍ଯ୍ୟକ୍ରମର ଆୟୋଜନ ପ୍ରଧାନଶିକ୍ଷକ ବୁଲୁ ବଗର୍ତ୍ତି ଙ୍କ ଦ୍ଵାରା ହୋଇଥିବା ବେଳେ ସି ଆର ସି ସି ଦିନବନ୍ଧୁ ତାଣ୍ଡି, ଆଶୁତୋଷ ଠାକୁର, ଅମିତାଭ ଠାକୁର, ସଞ୍ଜୟ ଠାକୁର,ସାଇ ରଞ୍ଜନ ଅଗସ୍ତି ସହଯୋଗ କରି ଥିଲେ। ମଣ୍ଡଳ ଗାଁ ର ଭଦ୍ରବ୍ୟକ୍ତି ଓ ଛାତ୍ରଛାତ୍ରୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ଉପଭୋଗ କଲେ ।ଉକ୍ତ କାର୍ଯ୍ୟକ୍ରମରେ ବଳଦେବ ପାଢ଼ୀ ମଞ୍ଚ ପରିଚାଳନା କରି ଶେଷରେ ଧନ୍ୟବାଦ ଅର୍ପଣ  କରିଥିଲେ ।