17-Oct-2023

ବିନିକା(ହିମାଂଶୁ ଶେଖର ପୁଟେଲ): ୫୩ବର୍ଷରେ ପଦାର୍ପଣ କରିଥିବା ବିନିକା ପୁରୁଣା ବସଷ୍ଟାଣ୍ଡ ନବରାତ୍ରି ଦୁର୍ଗାପୂଜାର ସୋମବାର ଦ୍ଵିତୀୟ ଦିବସରେ ମା ଦୁର୍ଗା ଭକ୍ତ ମାନଙ୍କୁ ବ୍ରହ୍ମଚାରିନୀ ବେଶରେ ସଜ୍ଜିତ ହୋଇ ଦର୍ଶନ ଦେଇଛନ୍ତି ।ସେହିପରି ଅନ୍ୟ ପକ୍ଷରେ ଭକ୍ତ ଓ ଦର୍ଶକଙ୍କ ମନୋରଞ୍ଜନ ପାଇଁ କମିଟି ତରଫରୁ ଆୟୋଜିତ ହେବାକୁ ଯାଉଥିବା ରାବଣ ଦରବାରକୁ ରାତ୍ର ୯ଘଣ୍ଟା ସମୟରେ ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟ ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବରେ ଉଦ୍ଘାଟନ କରିଛନ୍ତି । ଏହି ଅବସରରେ ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକ ଅମ୍ବରେଶ ମିଶ୍ର ସମ୍ମାନୀତ ଅତିଥି

ଭାବେ ଯୋଗଦେଇଥିଲେ ।ଉଦ୍ଘାଟନୀ କାର୍ଯ୍ୟକ୍ରମରେ ପୂଜା କମିଟି ସଭାପତି ସନ୍ତୋଷ କୁମାର ପଣ୍ଡା ଉପସ୍ଥିତ ଭକ୍ତ ପ୍ରେମୀଙ୍କୁ ସଫଳତାର ସହ ପାଳନ ହୋଇ ଆସୁଥିବା ମା ଦୁର୍ଗାଙ୍କ ପୂଜା ପରିଚାଳନା ବାବଦରେ ଏବଂ ଆଗାମୀ ଦିନରେ ଭବ୍ୟ ମନ୍ଦିର ନିର୍ମାଣ ନେଇ ଉଦବୋଧନ ଦେଇଥିଲେ । ସଭାକୁ ଶିକ୍ଷକ ହିମାଂଶୁ ଭୁଷଣ ପଣ୍ଡା ସଂଯୋଜନା କରିଥିଲେ । ଅନ୍ୟମାନଙ୍କ ମଧ୍ୟରେ  ଅତିଥି ଭାବେ ବିନିକାର ଯୁବ ବ୍ୟବସାୟୀ ବିକାଶ ଦଣ୍ଡସନା,କମିଟି ଉପ ସଭାପତି ଦିଲ୍ଲୀପ ଅଗ୍ରୱାଲ,ଈଶ୍ୱର ମା,ସମ୍ପାଦକ ଗନ୍ଦର୍ପ ମାହାର, ରାବଣ ଭୂମିକା ନିର୍ବାହ କରୁଥିବା ଅନ୍ତର୍ଡା ଗ୍ରାମର ବିଶିଷ୍ଟ କଳାକାର ଗୋପାଳ ପଣ୍ଡାଙ୍କ ସମେତ ପୂଜା କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ ।ପ୍ରାରମ୍ଭରେ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ମଣ୍ଡପକୁ ଯାଇ ମା ଦୁର୍ଗାଙ୍କ ଦର୍ଶନ ସହ  ଆଶୀର୍ବାଦ ନେଇଥିଲେ ଏବଂ ମନ୍ଦିର ନିର୍ମାଣ  ଶୈଳୀର କାରୁକାର୍ଯ୍ୟ ଦେଖି ସନ୍ତୋଷ ବ୍ୟକ୍ତ ପ୍ରକାଶ କରିଥିଲେ।