06-Sep-2024

ବଲାଙ୍ଗୀର, ତା. ୦୬/୦୯ ( ପ୍ରେରଣା ଖବର ) :   ଶିଶୁ ଓ ମହିଳା ବିକାଶ ସୋସାଇଟି (ସିଡବ୍ଲୁଡିଏସ୍‌) ତରଫରୁ ଦେବଦତ୍ତ ସେନଙ୍କ ଷଷ୍ଠ  ତମ ଶ୍ରାଦ୍ଧ ଦିବସ ପାଳିତ ହୋଇଯାଇଛି ।  ପ୍ରଥମେ   ଶିଶୁ ଓ ମହିଳା ବିକାଶ ସୋସାଇଟି ସଭ୍ୟମାନେ ଦିବଙ୍ଗତ ଦେବଦତ୍ତ ସେନଙ୍କୁ ଭକ୍ତି ପୂଣ୍ଣ ଶ୍ରଦ୍ଧାଞ୍ଜଳି ଜାଣାଇଲା ପରେ ରକ୍ତଦାନ , ବୃକ୍ଷରୋପଣ, ଚାରା ବଣ୍ଟନ, ଅସହାୟ ବ୍ୟକ୍ତି ବିଶେଷଙ୍କୁ ଘରୋଇ ଉପକରଣ ବଣ୍ଟନ,  ମେଧାବୀ ଛାତ୍ରଛାତ୍ରୀମାନଙ୍କୁ ପାଠ୍ୟ ଉପକରଣ ବଣ୍ଟନ ପାଞ୍ଚଟି କାର୍ଯ୍ୟକ୍ରମ କରିଥିଲେ । ନର ସେବା ନାରାୟଣ ସେବାକୁ ମୂଳ ମନ୍ତ୍ର ଭାବନା ଥିବା ସ୍ୱର୍ଗତ ଦେବଦତ୍ତ ସେନ  କେନ୍ଦ୍ରାପଡା ଜିଲ୍ଲା ଇନ୍ଦ୍ରପୁର ଗ୍ରାମରେ ଜନ୍ମଗ୍ରହଣ କରିଥିଲେ । ଜଣେ କାନାରା ବ୍ୟଙ୍କର   ଉଚ୍ଚ ଅଧିକାରୀ ଥାଇ ମଧ୍ୟ ସାଧାରଣ ଜୀବନ ଯାପନ କରିବା ସହ ସାମାଜିକ କାର୍ଯ୍ୟରେ ସର୍ବଦା ଲିପ୍ତ ଥିଲେ । ସାମଜ ପାଇଁ ସେ ଜଣେ ଉଦାହରଣ ମଣିଷ । କାର୍ଯ୍ୟକ୍ରମ ବଲାଙ୍ଗୀର ,  ସୋନପୁର,  ବୌଦ୍ଧ ଜିଲ୍ଲାର ବିଭିନ୍ନ ଅଞ୍ଚଳରେ ହୋଇଥିଲା । କାର୍ଯ୍ୟକ୍ରମରେ  ପ୍ରଭାକର ଛନ୍ଦ, ରାମ ନାରାୟଣ ଦାଶ,  ଅବିନାଶ ଭୋଇ,  ସୁଜିତ କୁମାର ତରୀଆ,  ସନାତନ ବିଶି, ଚନ୍ଦ୍ରଶେଖର ମହାପାତ୍ର, ପ୍ରମୁଖ ଅଂଶଗ୍ରହଣ କରିଥିଲେ l  କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟି ସଭ୍ୟ ଗୋପେଶ ପାଣ୍ଡ  ପରିଚାଳନା କରୁଥିବା ବେଳେ ସଭ୍ୟ  ବନମାଳୀ ମେହେର ଧନ୍ୟବାଦ ଅର୍ପଣ କରିଥିଲେ l