02-Sep-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ସରକାର କୋଟି କୋଟି ଟଙ୍କା ଗ୍ରାମ ପଞ୍ଚାୟତ ମାନଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ପାଣ୍ଠି ଦେଉଥିବାବେଳେ  ଅଧିକାରୀ ଓ ରାଜନେତା ମିଶି ନିମ୍ନମାନର ନିର୍ମାଣ କାର୍ଯ୍ୟ କରି ଟଙ୍କା ହଡପ କରୁଥିବାରୁ ସେସବୁ ଅଳ୍ପ ଦିନରେ ନଷ୍ଟ ହୋଇଯାଉଛି। ସୂଚନାଯୋଗ୍ୟ ଯେ ବର୍ତ୍ତମାନର ବଲାଙ୍ଗିର ଜିଲ୍ଲା ବେଲପଡା ବ୍ଲକ ଅନ୍ତର୍ଗତ କପାଣି ପଞ୍ଚାୟତ ଛୁଇନରା ଗାଁ ରେ ଲୋକଙ୍କ ସୁବିଧା ନିମନ୍ତେ ତିନି ଲକ୍ଷ ଟଙ୍କା ଡ୍ରେନ ନିର୍ମାଣ କାର୍ଯ୍ୟ ପାଇଁ ଆସିଥିବା ବେଳେ ତାହା ଉପଯୁକ୍ତ ସ୍ଥାନରେ ନ ହୋଇ ବେଆଇନ ଭାବେ ପି. ଡବ୍ଲୁ. ଡି ର ଅଜ୍ଞାତରେ  ପି. ଡବ୍ଳୁ.ଡି ରାସ୍ତା ପାର୍ଶ୍ଵରେ ଡ୍ରେନ ନିର୍ମାଣ ଅତି ନିମ୍ନ ମାନର ନିର୍ମାଣ ହୋଇଥିବା ଯୋଗୁଁ ତାହା ଚାରି ମାସ ମଧ୍ୟରେ ଭାଙ୍ଗିବାକୁ ବସିଲାଣି। ଏଠାରେ ପ୍ରଶ୍ନ ଉଠୁଛି ଯେ ଗ୍ରାମ ପଞ୍ଚାୟତ ରେ ଆସୁଥିବା ଉନ୍ନତି ମୂଳକ କାର୍ଯ୍ୟ କୌଣସି ପି, ଡବ୍ଳୁ ଡି ରାସ୍ତା ଉପରେ ସଂଯୋଗ କରାଯାଇ ପାରିବ ନାହିଁ ଯଦି କରିବା ପାଇଁ ବାଧ୍ୟ ହେଉଥିଲେ ପି, ଡବ୍ଳୁ, ଡି ବିଭାଗ ରୁ ଅନୁମତି ନିଆଯାଇଥାଏ। କିନ୍ତୁ ପଞ୍ଚାୟତ ଅଧିକାରୀ ମାନେ ଅନୁମତି

କାହିଁକି ନେଲେ ନାହିଁ? ଏହାର ସତ୍ୟତା ଜାଣିବାକୁ ଆମେ କଣ୍ଟାବାଞ୍ଜି ପି, ଡବ୍ଳୁ ଡି କନିଷ୍ଠ ଯନ୍ତ୍ରୀ ଙ୍କର ପ୍ରତିକ୍ରିୟା ନେଇଥିବା ବେଳେ ସେ କହିଥିଲେ କି ଆମ ଠାରୁ କୌଣସି ଅନୁମତି ନେଇନାହାନ୍ତି। ବେଆଇନ ଭାବେ ନିର୍ମାଣ କରିଥିବା ବେଳେ ଅତି ନିମ୍ନ ମାନର ନିର୍ମାଣ କରାଯିବା ଫଳରେ ଏବେ ତାହା ଭାଙ୍ଗିବାକୁ ବସିଛି। ଏ ବିଷୟରେ ସେତେବେଳେ ଥିବା କନିଷ୍ଠ ଯନ୍ତ୍ରୀ ଙ୍କୁ ପଚାରିବାରୁ ସେ କହିଲେ କି ଏ କାମ ଉପରେ ଅଭିଯୋଗ ଥିବାରୁ ବିଲ୍ ସ୍ଥଗିତ ରଖାଯାଇଛି।ଏହା ଉପରେ ଜିଲ୍ଲା ପ୍ରଶାସନ ଦୃଷ୍ଟି ଦେଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।