-+91-9937148622 |
prerana_bgr@rediffmail.com |
Thursday 25th April 2024 |
R.N.I. Regd No. ODIODI/2010/46693
Breaking News
27-Apr-2022
ବଲାଙ୍ଗିର,(ପ୍ରେରଣା ଖବର)-ଚେସ ବୋର୍ଡର ସହର ବଲାଙ୍ଗିର ଦିନକୁ ଦିନ ଜନବୃଦ୍ଧି ଓ ଟ୍ରାଫିକ ସମସ୍ୟାରେ ରୁନ୍ଧି ହୋ ପଡିଥିଲା । ରାସ୍ତା ଜାମ୍, ଦୁର୍ଘଟଣା ଓ ପ୍ରାଣହାନୀ ନିତିଦିନର ଖବର ପାଲଟିଥିଲ।। ଅତିଷ୍ଟ ହୋଇ ବଲାଙ୍ଗିରର ଜନତା ତଥା ବିଭିନ୍ନ ସଂଗଠନ ବାଏପାସ୍ ଦାବୀରେ କେତେ ଥର ଯେ ରାଜ ରାସ୍ତାକୁ ଓହ୍ଲାଇଛନ୍ତି ତାହାର ହିସାବ ନାହିଁ । କିନ୍ତୁ ବହୁପ୍ରତିକ୍ଷୀତ ବାଏପାସ ସାକାର ନହେବା ବଲାଙ୍ଗିରର ଦୁଃଖ ପାଲଟିଥିଲା । କିନ୍ତୁ ଏବେ ବଲାଙ୍ଗିର ବାସୀଙ୍କ ପାଇଁ ଖୁସିର ଖବର ଆସିଛି । ଚୁଡାନ୍ତ ଷ୍ଟାଣ୍ଡିଂ କମିଟିରେ ବାଏପାସ୍ ପାଇଁ ରାସ୍ତା ଖୋଲିବା ପରେ ଆଜି ୨୩୮.୭୮ କୋଟି ବ୍ୟୟ ଅଟକଳରେ ହେବାକୁ ଥିବା ବଲାଙ୍ଗିର ବାଏପାସ ପାଇଁ ଟେଣ୍ଡର ପ୍ରକ୍ରିୟା ଆରମ୍ଭ ହୋଇଥିବା ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର ସୂଚନା ଦେଇଛନ୍ତି । ଏହି ଅବସରରେ ସେ ଆହୁରି କହିଛନ୍ତି ଯେ, ବଲାଙ୍ଗିର ବାଏପାସ ଗମନାଗମନ ଓ ମାଲ ପରିବହନରେ ସହାୟକ ହୋଇ ବଲାଙ୍ଗିରର ଅର୍ଥନୈତିକ ବିକାଶରେ ଯୋଡି ହେବା ସହ ସହରର ଟ୍ରାଫିକ ସମସ୍ୟାକୁ ମଧ୍ୟ ଦୁର କରିବ । ଏହା ବଲାଙ୍ଗିରବାସୀଙ୍କ ଏକ ସ୍ୱରରେ କରାଯାଇଥିବା ଦାବୀ ଓ ଆନ୍ଦୋଳନର ବିଜୟ । ଆମେ ବଲାଙ୍ଗିରବାସୀ ସମସ୍ତେ ଏକ ହୋଇ ଲଢିଲେ କିଛି ଅସମ୍ଭବ ନୁହେଁ । ଆଗାମୀ ଦିନରେ ଏହି ବିଜୟ ବଲାଙ୍ଗିରବାସୀଙ୍କୁ ବଲାଙ୍ଗିରର ସମୁହ ସ୍ୱାର୍ଥ ପାଇଁ ଏକଜୁଟ ହୋଇ ଲଢେଇ କରିବା ପାଇଁ ନିଶ୍ଚୟ ପ୍ରେରଣା ଦେବ । ସୂଚନାରୁ ପ୍ରକାଶ ଯେ, ଦୀର୍ଘ ବର୍ଷ ହେବ ପଡି ରହିଥିବା ବଲାଙ୍ଗିର ବାଏପାସ୍ ଜନ ଆନ୍ଦୋଳନ କ୍ରମେ ଗତ ଫେବୃଆରି ୪ ତାରିଖରେ କେନ୍ଦ୍ରୀୟ ଗମନା ଗମନ ଓ ଜାତିୟ ରାଜପଥ ବିଭାଗର ଚୁଡାନ୍ତ ଫାଇନାନ୍ସ କମିଟିରେ ୨୩୮.୭୮ କୋଟିର ବଲାଙ୍ଗିର ବାଏପାସ୍ ପ୍ରକଳ୍ପ ମଞ୍ଜୁରି ପାଇଥିଲା । ଆଜି ପ୍ରକଳ୍ପ ପାଇଁ ଚୁଡାନ୍ତ ଟେଣ୍ଡର ପ୍ରକ୍ରିୟା ଆରମ୍ଭ ହୋଇଥିବାବେଳେ ଅଢେଇ ବର୍ଷ ମଧ୍ୟରେ ପ୍ରକଳ୍ପ ସମାପ୍ତ ହେବା ସୂଚନା ମିଳିଛି ।