03-Nov-2020

ବରଗଡ଼, (ପ୍ରେରଣା ଖବର): ବରଗଡ଼ ର ବରାହଗୁଡ଼ା ସ୍ଥିତ ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ରେ ଚଳିତ ୨୦୨୦-୨୧ ଶିକ୍ଷାବର୍ଷ ପାଇଁ ୫ବର୍ଷିଆ ଇଣ୍ଟିଗ୍ରେଟେଡ୍ ଏମ୍‌.ଏସ୍‌ସି. ପାଠ୍ୟକ୍ରମ ଆରମ୍ଭ ହୋଇଥିବା ଅନୁଷ୍ଠାନର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ ସୂଚନା ଦେଇଛନ୍ତି । ଏହି ଇଣ୍ଟିଗ୍ରେଟେଡ୍ ଏମ୍‌.ଏସ୍‌ସି. ପାଠ୍ୟକ୍ରମ ରେ ଏପ୍ଲାଏଡ୍ ଫିଜିକ୍ସ୍‌, ଏପ୍ଲାଏଡ୍ କେମିଷ୍ଟ୍ରି ଏବଂ ମ୍ୟାଥ୍‌ମେଟିକ୍ସ୍ ଏଣ୍ଡ୍ କମ୍ପ୍ୟୁଟିଂ ବିଷୟବସ୍ତୁରେ ୧୮ଟି ଲେଖାଏଁ ସିଟ୍ ଅନୁମୋଦିତ ହୋଇଛି । ଏହି କୋର୍ସ୍‌ମାନେ ଓଡ଼ିଶା ସରକାର ଙ୍କ ଦ୍ୱାରା ଅନୁମୋଦିତ ଏବଂ ବିଜୁ ପଟ୍ଟନାୟକ ୟୁନିଭର୍ସିଟି ଅଫ୍ ଟେକ୍ନୋଲୋଜି, ଓଡ଼ିଶା ଦ୍ୱାରା ଅନୁବନ୍ଧିତ ହୋଇସାରିଛି । ବିପିୟୁଟି ଅଧିନସ୍ତ ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଏକମାତ୍ର ଘରୋଇ ମହାବିଦ୍ୟାଳୟ, ଯେଉଁଠାରେ ଇଣ୍ଟିଗ୍ରେଟେଡ୍ ଏମ୍‌.ଏସ୍‌ସି. କୋର୍ସ୍ ଉପଲବ୍ଧ ଅଟେ । ଯଦି କୌଣସି ଛାତ୍ରଛାତ୍ରୀ ୩ବର୍ଷ ପଢ଼ିବା ପରେ ଏହି ପାଠ୍ୟକ୍ରମରୁ ଓହରିଯିବାକୁ ଚାହେଁ, ତେବେ ସେ ବି.ଏସ୍‌ସି. ଡିଗ୍ରୀ ପାଇଥାଏ । ଏହି କୋର୍ସ୍‌ରେ ନାମ ଲେଖାଇବା ପାଇଁ ଜେଇଇ ମେନ୍ / ଓଜେଇଇ ପ୍ରବେଶିକା ପରୀକ୍ଷା ଦେଇଥିବା ଆବଶ୍ୟକ । ଏହି ପାଠ୍ୟକ୍ରମ ଆରମ୍ଭ ଉପଲକ୍ଷେ ବିକାଶ ଗ୍ରୁପ୍ ର ଚେୟାର୍‌ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ଏହି କୋର୍ସ୍ ନୂତନ ଶିକ୍ଷାନୀତି ର ଯଥାର୍ଥତା ପ୍ରତିପାଦନ କରିବା ସହ ଛାତ୍ରଛାତ୍ରୀମାନଙ୍କ ପାଇଁ ଅତ୍ୟନ୍ତ ଉପଯୋଗୀ ହେବ ବୋଲି ମତବ୍ୟକ୍ତ କରିଛନ୍ତି । ଏହି ପାଠ୍ୟକ୍ରମ ଦ୍ୱାରା ପଶ୍ଚିମ ଓଡ଼ିଶାର ଛାତ୍ରଛାତ୍ରୀମାନେ ବିଶେଷ ଉପକୃତ ହେବେ ବୋଲି ଅନୁଷ୍ଠାନର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ ଆଶାପୋଷଣ କରିଛନ୍ତି । ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଛାତ୍ରଛାତ୍ରୀମାନଙ୍କର ବି.ଟେକ୍‌. ପରୀକ୍ଷାମାନଙ୍କର ସଫଳତା ଭଳି ଏମ୍‌.ଏସ୍‌ସି. କାର୍ଯ୍ୟକ୍ରମ ମଧ୍ୟ ଏକ ସଫଳ ପାଠ୍ୟକ୍ରମ ହେବ ବୋଲି ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍‌ନୋଲୋଜି ଅଧ୍ୟକ୍ଷ ଇଂ.ଅଜୟ ମହାପାତ୍ର, ଏଡ୍‌ମିନିଷ୍ଟ୍ରେଟର୍ ଇଂ.ପୂର୍ଣ୍ଣେନ୍ଦୁ ମିଶ୍ର ମତବ୍ୟକ୍ତ କରିଛନ୍ତି । ଏହି ପାଠ୍ୟକ୍ରମ ଅନୁମୋଦନ ପାଇଁ ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଭି.ଶ୍ରୀନିବାସ ଓଡ଼ିଶା ସରକାର, ବିପିୟୁଟି କର୍ତୃପକ୍ଷ ଏବଂ ସମସ୍ତ ଅଭିଭାବକମାନଙ୍କୁ କୃତଜ୍ଞତା ଜଣାଇଛନ୍ତି । ଏହି ପାଠ୍ୟକ୍ରମ ସଂଯୋଗହେବା ପରେ ବିକାଶ ଗୁପ୍ ସମ୍ପୂର୍ଣ୍ଣରୂପେ କେଜି ରୁ ପିଜି କ୍ୟାମ୍ପସ୍‌ରେ ସଫଳ ରୂପାୟନ ହୋଇପାରିଛି ବୋଲି ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା, ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି.ବିବେକ କାରିଛନ୍ତି ।