13-Apr-2026

(ରଂଜିତ ମହାନ୍ତି )
 ବରୀ ବ୍ଲକ୍ କୃପାସିନ୍ଧୁ ବିଦ୍ୟାଭବନର ପୁରାତନ ଛାତ୍ରଛାତ୍ରୀଙ୍କ ଏକ ଗୁରୁପୂଜନ ଓ ବନ୍ଧୁମିଳନ କାର୍ଯ୍ୟକ୍ରମ ୪୫ବର୍ଷ ପରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିସରରେ ଥିବା ସମ୍ମିଳନୀ କକ୍ଷରେ ଅବସରପ୍ରାପ୍ତ ପ୍ରଧାନଶିକ୍ଷକ ପଞ୍ଚାନନ କର ଯୋଗଦେଇଥିଲେ। ଶ୍ରୀକର ପୁରୁଣା ଦିନ କଥା ମନେ ପକାଇ ଛାତ୍ରଛାତ୍ରୀମାନଙ୍କୁ ଆଶୀର୍ବାଦ କରିଥିଲେ । ପୁରାତନ ଛାତ୍ର ସଂଗଠନ ପକ୍ଷରୁ ପ୍ରଭାସ ଚନ୍ଦ୍ର ଦାସଙ୍କ ସଂଚାଳନରେ ଅନୁଷ୍ଠିତ ଉତ୍ସବରେ ଅବସରପ୍ରାପ୍ତ ଶିକ୍ଷକ ବିଚିତ୍ରାନନ୍ଦ ପୁହାଣ ଓ ଅବସରପ୍ରାପ୍ତ ଶିକ୍ଷୟିତ୍ରୀ ଉର୍ମିଳା ପତି, ପ୍ରଧାନଶିକ୍ଷକ ଜ୍ୟୋତିରଂଜନ ସାହୁ ଯୋଗ
ଦେଇଥିଲେ। ମୁକୁନ୍ଦ ଚରଣ ଦାସ ଅତିଥି ପରିଚୟ ଓ ଧନ୍ୟବାଦ ଦେଇଥିଲେ | ବିଜୟ କୁମାର ଦାସ ଗୁରୁବନ୍ଦନା ଗାନ କରିଥିଲେ। ପ୍ରାରମ୍ଭରେ ଦିବଂଗତ ଶିକ୍ଷକମାନଙ୍କ ଉଦ୍ଦେଶ୍ୟରେ ନିରବ ପ୍ରାର୍ଥନା କରାଯାଇଥିଲା | ଗୁରୁମାନଙ୍କୁ ସମ୍ମାନିତ କରାଯାଇଥିଲା। ସଂଧ୍ୟାରାଣୀ ଦାସ, ସସ୍ମିତା ଦାସ, ଚନ୍ଦ୍ରମଣି ବେହେରା, ଗୌରାଙ୍ଗ ରାୟ, ମଞ୍ଜୁଶ୍ରୀ ଦାଶ ପ୍ରମୁଖ ବକ୍ତବ୍ୟ ରଖିଥିଲେ | ଶ୍ୟାମସୁନ୍ଦର ରାଉତ, ଉମେଶ ଚନ୍ଦ୍ର ଦାସ, ରମେଶ ଚନ୍ଦ୍ର ବେହେରା, ଦଶରଥ ବେହେରା, ତୁଷାର ରଂଜନ ପରିଡ଼ା, ନବୀନ ପରିଡ଼ା, ଅନିରୁଦ୍ଧ ବେଉରିଆ, କୈଳାସ ସାମଲ, ଜୟନ୍ତ ଦାସ ପ୍ରମୁଖ ବନ୍ଧୁମିଳନ କାର୍ଯ୍ୟକ୍ରମକୁ ପରିଚାଳନା କରିଥିଲେ