30-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ପବିତ୍ର ଅକ୍ଷୟ ତୃତୀୟା ତଥା ପର୍ଶୁରାମ ଜୟନ୍ତୀ ଅବସରରେ ବରଗଡ଼ ଜିଲ୍ଲା ଅନ୍ତର୍ଗତ ପଦ୍ମପୁର ନେହେରୁଗଲି ଠାରେ  ବ୍ରାହ୍ମଣ ସମାଜ ର କଲ୍ୟାଣ ମଣ୍ଡପ କୁ ବ୍ରାହ୍ମଣ ସମାଜ ର ପୂର୍ବତନ ସଭାପତି ଆନନ୍ଦ ଚନ୍ଦ୍ର ତ୍ରିପାଠୀ ଆନୁଷ୍ଠାନିକ ଭାବେ ଫିତା କାଟି ଉଦଘାଟନ କରିଛନ୍ତି ।  ଆୟୋଜିତ ସଭା ରେ ବରଗଡ଼ ସାଂସଦ ଶ୍ରୀଯୁକ୍ତ ପ୍ରଦୀପ ପୁରୋହିତ ,ପଦ୍ମପୁର ବିଧାୟିକା ଶ୍ରୀମତୀ ବର୍ଷା ସିଂ ବରିହା ଯୋଗ କରିଥିଲେ।  ଉଦଘାଟନୀ କାର୍ଯ୍ୟକ୍ରମରେ ସାଂସଦ ଶ୍ରୀଯୁକ୍ତ ପୁରୋହିତ ଓ ବିଧାୟିକା  ଶ୍ରୀମତୀ ବରିହା ପଦ୍ମପୁର ର ବ୍ରାହ୍ମଣ ସମାଜ ଏକଜୁଟ ହୋଇ ଅଞ୍ଚଳର ଉନ୍ନତି ପାଇଁ ଯୋଗଦାନ କରିବାକୁ ଆହ୍ବାନ କରିଥିଲେ । ପରେ କଲ୍ୟାଣ ମଣ୍ଡପ ନିର୍ମାଣ ପାଇଁ ଅର୍ଥ ଓ ଶ୍ରମ ଦାନ କରିଥିବା ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଥିଲା। ପଦ୍ମପୁର ତଥା ଆଖପାଖ ଅଞ୍ଚଳର ସମସ୍ତ ବ୍ରାହ୍ମଣ ପରିବାର ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ।