29-Apr-2025

ବରଗଡ:(-ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଠାରେ ସକାଳ ୮ ଘଟିକା ସମୟରେ ସ୍ଥାନୀୟ ମାଉସୀ ମନ୍ଦିର ପ୍ରାଙ୍ଗଣରେ ଭଗବାନ ଶ୍ରୀ ପର୍ଶୁରାମ ଙ୍କ ଜନ୍ମୋତ୍ସବ ପୂଜା ବିଧିବଦ୍ଧ ରିତିନିତି ଅନୁସାରେ ଅନୁଷ୍ଠିତ ହୋଇଥିଲା। କର୍ତ୍ତା ଭାବରେ ବ୍ରାହ୍ମଣ ସମାଜର ବରିଷ୍ଠ ସଦସ୍ୟ ଶ୍ରୀଯୁକ୍ତ ଦିବାକର ଗୁରୁ କର୍ତ୍ତା ଭାବରେ ଦାୟିତ୍ଵ ନିର୍ବାହ କରିଥିବା ବେଳେ, ପୁରୋହିତ ଭୂମିକାରେ ସର୍ବଶ୍ରୀ ରାମହରି ପୂଜାରୀ, ସୁରେନ୍ଦ୍ର ମହାପାତ୍ର, ଅଜିତ ମହାପାତ୍ର ପ୍ରମୁଖ କାର୍ଯ୍ୟ ତୁଲାଇଥିଲେ। ପରବର୍ତ୍ତୀ ସମୟ ଅପରାହ୍ନ ୫ ଘଟିକା ସମୟରେ ବିଜେପୁର ବ୍ଲକ ବ୍ରାହ୍ମଣ ସମାଜ ପକ୍ଷରୁ ଏକ ବିଶାଳ ଶୋଭାଯାତ୍ରା ମାଉସି ମା ମନ୍ଦିରରୁ ବାହାରି ପ୍ରଥମେ ବସଷ୍ଟାଣ୍ଡ, ଶ୍ରୀଜଗନ୍ନାଥ ମନ୍ଦିର, ଗାନ୍ଧୀ ଛକ, ଶ୍ରୀରାମ ଛକ ଦେଇ ଦେଇ ପ୍ରତ୍ୟାବର୍ତ୍ତନ କଲା ଭଗବାନ ପର୍ଶୁରାମଙ୍କର ବିଭିନ୍ନ ପ୍ରକାରର ଧ୍ୱନୀରେ ଗଗନ ପବନ ପ୍ରକମ୍ପିତ ହୋଇ ଉଠିଥିଲା। ଏହି ଶୋଭାଯାତ୍ରାରେ ସମାଜର ସଭାପତି ଶଶୀଭୂଷଣ ପଣ୍ଡା, ଉପସଭାପତି ମନୋଜ କୁମାର ପଣ୍ଡା, ସମ୍ପାଦକ ମନୋଜ କୁମାର ଦାଶ ଶର୍ମା ସହ ସମ୍ପାଦକ କିଶୋର ତ୍ରିପାଠୀ, କୋଷାଧ୍ୟକ୍ଷ ହଳପାଣି ମାଝି ତଥା ବରିଷ୍ଠ ସଦସ୍ୟ ଜନାର୍ଦ୍ଦନ ପାଣିଗ୍ରାହୀ, ଡ଼ା ସୁରେଶ ତ୍ରିପାଠୀ, ପ୍ରଶାନ୍ତ ପଣ୍ଡା,ପ୍ରଦୀପ ଗୁରୁ, ଗିରିଧାରୀ ଦାଶ, ହରେକୃଷ୍ଣ ସେନାପତି, ବାଳକୃଷ୍ଣ ପାଢ଼ୀ,ଶାନ୍ତନୁ ମିଶ୍ର,ସନାତନ ମହାପାତ୍ର, ଅଜିତ ମହାପାତ୍ର, ଦିଲିପ ଦେବତା,ମଣ୍ଟୁ ସାବତ,ଲୋକନାଥ ମହାପାତ୍ର, ପ୍ରଫୁଲ୍ଲ ଦାଶ, ଅକ୍ଷୟ ଦାଶ,ମହିଳା ସଦସ୍ୟା ସୁଶ୍ରୀ ପ୍ରତିମା ଗୁରୁ, ନନ୍ଦିନୀ ଷଡ଼ଙ୍ଗୀ, ପୁଷ୍ପଲତା ଦାଶ, ମନ୍ଦାକିନୀ ମିଶ୍ର, ଗାୟତ୍ରୀ ରଥ, ମିନାକ୍ଷୀ ମାଝି, ବବିତା ଦାଶ,ଅନୁପମା ରଥ,ଆନନ୍ଦିନୀ ଦେବତା,ଶୁଭ୍ର ରେଖା ପୁରୋହିତ, ଚନ୍ଦ୍ରକଳା ଦାଶ,ଯୁବ ବାହିନୀର ଦେବବ୍ରତ ରଥ, ମଣ୍ଟୁ ପାଣି, ପ୍ରକାଶ ଗୁରୁ, ଦେବବ୍ରତ ମହାପାତ୍ର, ମନିଷ ଷଡ଼ଙ୍ଗୀ, ଦେବାଶିଷ ଦାଶ,ତପନ ତ୍ରିପାଠୀ ମୁଖ୍ୟ ଭୂମିକା ଗ୍ରହଣ କରିଥିଲେ। ହିନ୍ଦୁଧର୍ମ ଅନୁସାରେ ବିଷ୍ଣୁଙ୍କର ଷଷ୍ଠ ଅବତାର ପ୍ରଭୁ ଶ୍ରୀ ପରଶୁରାମ ଅଟନ୍ତି। ପୁରାଣ ଅନୁସାରେ ସେ ଜଣେ ଚିରଞ୍ଜିବୀ ଓ ସେ କର୍ମୀଙ୍କର ଗୁରୁ ଭାବରେ ଅବତରଣ କରିଥିବା ଜଣାଯାଏ।ସେ ଆକ୍ରମଣ, ଯୁଦ୍ଧ ଓ ବୀରତ୍ବ ପ୍ରଦର୍ଶନ ସହ ଶାନ୍ତି, ଜ୍ଞାନ ଏବଂ ଧୈର୍ଯ୍ୟ ଭଳି ଅନେକ ଗୁଣ ଧାରଣ କରିଥିଲେ। ଯେତେବେଳେ ପୃଥିବୀରେ ଅତ୍ୟଧିକ ପାପ ବୃଦ୍ଧି ପାଇଲା, ସେତେବେଳେ ବିଷ୍ଣୁଙ୍କର ପୃଥିବୀ ପୃଷ୍ଠରେ ପର୍ଶୁରାମ ଅବତାର ନେବାପାଇଁ ପୂର୍ବରୁ ଭବିଷ୍ୟବାଣୀ ହୋଇଥିଲା। ଅସ୍ତ୍ରଶସ୍ତ୍ର ଓ କ୍ଷମତା ଯୋଗୁଁ କ୍ଷତ୍ରିୟ ମାନେ ସେମାନଙ୍କର କ୍ଷମତାର ଅପବ୍ୟବହାର କରିବା,ଅନ୍ୟର ଜିନିଷ ବଳପୂର୍ବକ ଗ୍ରହଣ କରିବା ଏବଂ ଲୋକମାନଙ୍କୁ ଅତ୍ୟାଚାର କରିବା ଆରମ୍ଭ କରିଦେଇଥିଲେ। ପର୍ଶୁରାମ ଏହି କ୍ଷତ୍ରିୟ ଯୋଦ୍ଧା ମାନଙ୍କୁ ବିନାଶ କରି ବ୍ରହ୍ମାଣ୍ତର ସନ୍ତୁଳନ ରକ୍ଷା କରିଥିଲେ। ତାଙ୍କୁ କେତେକ ହିନ୍ଦୁ ଗ୍ରନ୍ଥରେ ରାମ ଜମାଦାଗ୍ନୀ,ରାମ ଭାର୍ଗବ ଏବଂ ବୀର ରାମ ମଧ୍ୟ କୁହିଯାଏ। ପର୍ଶୁରାମ ଭୀଷ୍ମ, ଦ୍ରୋଣାଚାର୍ଯ୍ୟ ଏବଂ କର୍ଣ୍ଣ ଆଦିଙ୍କର ମଧ୍ୟ ଗୁରୁ ଥିଲେ।