29-Nov-2024

ବଲାଙ୍ଗୀର(ପ୍ରେରଣା ଖବର): ଆଗଲପୁର ବ୍ଲକ୍ ଅନ୍ତର୍ଗତ କୁଟାସିଂହା ପଞ୍ଚାୟତ ର ଡୁଙ୍ଗୁରିପାଲି ଗ୍ରାମ ଠାରେ ଅବସ୍ତିତ ଚାଣ୍ଡ।ଲ ଡେମ୍ ପ୍ରାକୃତିକ ବଣ ପାହାଡ ଘେରା ସବୁଜିମା ରେ ଭରପୁର ଅଛି।ଏହି ଚାଣ୍ଡାଲ୍ ଡେମ୍ ସାଲେଭଟା ଠାରୁ ୮ କିଲୋମିଟର ଦୂରରେ ଅବସ୍ଥିତ।ଡୁଙ୍ଗୁରିପାଲି ଶିବ ମନ୍ଦିର ଏବଂ ମାହେଶ୍ଵରୀ ମନ୍ଦିର ଠାରୁ ୨୦୦ ମିଟର ଦୂରରେ ରହିଛି।ଏହି ଡ୍ୟାମ ର ଉନ୍ନତିକରଣ ଏବଂ ଏହାକୁ ଇକୋଟୁରିଜିମ ରେ ପରିଣତ କରିବା ପାଇଁ ବହୁଦିନରୁ ଅଞ୍ଚଲବାସି ଦାବି କରି ଆସୁଛନ୍ତି।ଏବେ ଜିଲ୍ଲା ପ୍ରଶାସନ ଓ ଜଳ ସମ୍ପଦ ବିଭାଗ ତରଫରୁ ଏହି ଡ୍ୟାମ ର ଉନ୍ନତିକରଣ ଓ ଇକୋ ଟୁରିଜିମ୍ ରେ ପରିଣତ କରିବା ପାଇଁ ବିଭାଗୀୟ ଅଧିକାରୀ ପ୍ରସ୍ତାବ ଗୃହୀତ କରିଥିବା ଚର୍ଚ୍ଚା ହେଉଛି।ଏସ ଡି ଓ,ଜଳ ସମ୍ପଦ ବିଭାଗ,କିରଣ ବାଲା ଭୋଇ, କନିଷ୍ଠ ଯନ୍ତ୍ରୀ ପ୍ରଦ୍ୟୁମ୍ନ ମେହେର,ଗୋଷ୍ଟି ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି,ରାଜସ୍ୱ ନିରୀକ୍ଷକ ମନୋଜ ଗହିର, ଲୋଇସିଂହା ବିଧାୟକ,ମନ୍ତ୍ରୀଙ୍କ ବ୍ଲକ୍ ପ୍ରତିନିଧି ପିତାମ୍ବର କଣ୍ଟା, ସରପଞ୍ଚ ଡିଗ୍ରୀ ମେହେର,ପଞ୍ଚାୟତ ପ୍ରତିନିଧି, କୁଟାସିଂହା, କଣ୍ଟାପାଲି ତେନ୍ତୁଲିଗାଁ,ଡୁଙ୍ଗୁରିପାଲି,ସେମେଲମୁଣ୍ଡା ଗ୍ରାମର ଶତାଧିକ ଗ୍ରାମବାସୀ ଉପସ୍ଥିତ ଥିଲେ।ଏହି ଡ୍ୟାମ ହେଲେ ଏହି ପଞ୍ଚାୟତ ର ୫ ଖଣ୍ଡ ଗ୍ରାମ ର ହଜାର ହଜାର ଚାଷୀ ଉପକୃତ ହେବେ।ଏଠାରେ ସୂଚନା ଯୋଗ୍ୟ ଏହି ଡ୍ୟାମ୍ ର ଉନ୍ନତିକରଣ ପାଇଁ ମାନ୍ୟବର ମନ୍ତ୍ରୀଙ୍କୁ ଅନୁରୋଧ କରାଯାଇଥିଲା।ଏହି କାମକୁ ଆଗକୁ ନେବା ପାଇଁ ବିଭାଗୀୟ ଅଧିକାରୀ ମାନେ ପରିଦର୍ଶନ ମଧ୍ୟ କରିଥିଲେ।ତେବେ ଡବଲ ଇଞ୍ଜିନ ସରକାର ଚାଷୀ ମାନଙ୍କ ପାଇଁ ଏ ଦିଗରେ କେବେ ପଦକ୍ଷେପ ନେଉଛନ୍ତି ଦେଖିବାକୁ ବାକି ରହିଲା।