13-Nov-2024

ବଲାଙ୍ଗିର, ବଲାଙ୍ଗିର ସଦର ବ୍ଲକ ଅନ୍ତର୍ଗତ କୁଟୁମଡୋଳା ହାଇସ୍କୁଲ ପଡିଆରେ ପ୍ରତିଭା ଯୁବକ ସଂଘ ଆନୁକୁଲ୍ୟରେ ୬୨ତମ ଫୁଟବଲ ଟୁର୍ଣ୍ଣାମେଣ୍ଟ ଉଦ୍‌ଘାଟିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ କୁଟୁମଡୋଲା, ଢୁଲୁସର, ଗେର୍ଡି , ଡଙ୍ଗାଘାଟ, ବରକାନି, ଭାଲୁପିଟା, କୁସଙ୍ଗ, ଆଗଲପୁର, ତମିଆଁ ,  ଅମାମୁଣ୍ଡା, କୁସମେଲ, ସକମା, ସରଗାଡ, ନକଟାସର, ମନହିରା (୧୬ ଗୋଟି ଦଳ) ସହ ଅଂଶ ଗ୍ରହଣ କରିଛନ୍ତି । ଏହି ଉଦ୍‌ଘାଟିତ ଉତ୍ସବରେ ବଲାଙ୍ଗିର ଜିଲ୍ଲା ଅତିରିକ୍ତ ଏସ୍‌ପି (ସ୍ପେସାଲ ବ୍ରାଞ୍ଚ) ରବି ନାରାୟଣ ପାତ୍ର,ବରିଷ୍ଠ କଳାକାର ବ୍ୟାସଦେବ ପୁରୋହିତ, କ୍ରୀଡାବିତ୍ ବିଜୟ କୁମାର ଜାନି, ଆଇନଜ୍ଞ ଅରୁଣ କୁମାର ରଣା, ମୁଖ୍ୟବକ୍ତା ଅଧ୍ୟାପକ ସୁରେଶ ଚନ୍ଦ୍ର ଷଡଙ୍ଗି ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ । ଦ୍ୱିତିୟାଦ୍ଧ ରେ ଉପଜିଲ୍ଲାପାଳ ଆଲୋକ ପଟେଲ, ଅଧ୍ୟାପକ ସୁରେଶ ଚନ୍ଦ୍ର ଷଡଙ୍ଗି, କୁଟୁମଡୋଳା କଲେଜ ଅଧ୍ୟକ୍ଷ ସଂଜୟ କୁମାର ସିଂ, ଡା. ଗଜାନନ ପଟେଲ, ତୃତୀୟ ଦିନ ପ୍ରଭାତ ରଂଜନ ମହାପାତ୍ର ପି.ଡି. ଡିଆରଡିଏ ଓ ହୃଷିକେଶ ଗଣ୍ଡ ବିଡିଓ ବଲାଙ୍ଗିର, ସହକାରୀ ଯନ୍ତ୍ରୀ ଲିୟାଂଶି ପୁଟି ପ୍ରମୁଖ ଯୋଗ ଦେଇଥିଲେ । ପ୍ରତିଭା ଯୁବକ ସଂଘର ସମସ୍ତ କର୍ମକର୍ତ୍ତା ଯୋଗ ଦେଇଥିଲେ । ସେମିଫାଇନାଲ କୁ ପ୍ରବେଶ କରିଛନ୍ତି କୁଶଙ୍ଗ, ଅମାମୁଣ୍ଡା, ସକମା ଓ କୁଟୁମଡୋଲା ।