01-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ)ଅଗଷ୍ଟ ୧ ସମ୍ବଲପୁରୀ ଦିନ ଭାବରେ ସାରା ପଶ୍ଚିମ ଓଡିଶା ସମେତ ରାଜ୍ୟ ତଥା ରାଜ୍ୟ ବାହାରେ ରହୁଥିବା ପଶ୍ଚିମ ଓଡ଼ିଶା ବାସୀ  ଆଜିର ଦିନକୁ ସମ୍ବଲପୁରୀ ଦିନ ଭାବରେ ପାଳନ କରିଥାନ୍ତି  । ସମ୍ବଲପୁରୀ ଭାଷା ଓ ସଂସ୍କୃତିର ଲୋକଲୋଚନ କୁ ଆଣିଥିବା ଗୁରୁ ସତ୍ୟନାରାୟଣ ବହିଦାରଙ୍କ ଜନ୍ମ ଅବସରରେ ଏହି ଉତ୍ସବ ପାଳନ କରାଯାଇଥାଏ । ତେବେ ଆଜି ବୌଦ୍ଧ ଜିଲ୍ଲା ଆର୍ଟିଷ୍ଟ ଆସୋସିଏସନ ପକ୍ଷରୁ ସ୍ଥାନୀୟ ଭିକାରୀ କଳା ମଣ୍ଡପ ଠାରେ 

 ଆୟୋଜିତ ହୋଇଯାଇଛି । ପ୍ରଥମେ ଶ୍ରୀ ବହିଦାରଙ୍କ ସ୍ମୃତି ଚାରଣ କରି ମା ଭୈରବୀଙ୍କ ନିକଟରେ ପୂଜାର୍ଚନା ପରେ ମଞ୍ଚାସିନ ଅତିଥି ମାନେ ସମ୍ବଲପୁରୀ ଭାଷା , ପୋଷାକ ସହ ସଂସ୍କୃତି ଓ ପରମ୍ପରା ବଞ୍ଚାଇ ରଖିବା ପାଇଁ ଏହି ପ୍ରୟାସକୁ ପ୍ରଶଂସା କରିଥିଲେ। ବିଶିଷ୍ଟ ସମାଜସେବୀ ବିଭୁଦତ୍ତ ବୋଷଙ୍କୁ ସମାଜସେବା 

ସମ୍ମାନରେ ଆୟୋଜନ କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ପରେ ସମ୍ବଲପୁରୀ ସୁନାମ ଧନ୍ୟ କଳାକାର ଉମାକାନ୍ତ ବାରିକଙ୍କ ମେଲୋଡ଼ି ସାଙ୍ଗକୁ କୃଷ୍ଣ ମୁଖୀଙ୍କ ସମ୍ବଲପୁରୀ ଗୀତ ତାଳେ ତାଳେ ଝୁମିଥିଲେ ଦର୍ଶକ । ଜିଲ୍ଲାର ବିଭିନ୍ନ ନୃତ୍ୟ ଓ ସଙ୍ଗୀତ ଅନୁଷ୍ଠାନ ପକ୍ଷରୁ କୁନି କୁନି କଳାକାର ମାନଙ୍କ ନୃତ୍ୟ ଓ ସଙ୍ଗୀତ ଲୋକଙ୍କୁ ବେଶ ବିମୋହିତ କରିଥିଲା ।