09-Jul-2024

ବାଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାରେ ପୁଣି ସାଇବର ଠକେଇ । ନିଜକୁ ଏସବିଆଇର ଲୋନ ପ୍ରୋସେସିଂ ଅଫିସର କହି ଜଣେ ବ୍ୟକ୍ତିଙ୍କଠାରୁ ୪ଲକ୍ଷ୪୦ହଜାର ଟଙ୍କା ଠକେଇ କରି ପୋଲିସ ହାତରେ ଗିରଫ ହୋଇଛନ୍ତି । ଆଜି ବଲାଙ୍ଗୀର ସଦର ଏସଡିପିଓ ପ୍ରଦୀପ ସାହୁ ଏନେଇ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ଗଣମାଧ୍ୟମକୁ ସୂଚନା ଦେଇଛନ୍ତି । ସୂଚନାରୁ ଜଣାଯାଇଛି ଯେ,ଦେଓଗାଁ ଥାନା ଅନ୍ତର୍ଗତ ପ୍ରତାପରୂଦ୍ରପୁର ଗାଁର ଛନ୍ଦାଚରଣ ବର୍ଗେ ନାମକଜଣେ ବ୍ୟକ୍ତିକୁ ବଲାଙ୍ଗୀର ତାଲପାଲିପଡାର କୈଳାସ ମହାନ୍ତି ନିଜକୁ ଷ୍ଟେଟବ୍ୟାଙ୍କର ଜଣେ ଲୋନପ୍ରୋସେସିଂ ଅଫିସର କହି ପରିଚୟ ଦେଇଥିଲେ । ଏପରିକି ଛନ୍ଦାଚରଣଙ୍କୁ କମ ସୁଧରେ ବ୍ୟାଙ୍କରୁ ଲୋନ କରାଇଦେବେ କହି କାଗଜପତ୍ର ନେଇଥିଲେ । ସେହି କାଗଜପତ୍ର ବଳରେ ଭୁବନେଶ୍ୱରର ଏକ ବ୍ରାଞ୍ଚରୁ ୯ଲକ୍ଷ ୪୦ହଜାର ଟଙ୍କାର ଲୋନ କରାଇଥିଲେ । କିନ୍ତୁ  ଛନ୍ଦାଚରଣଙ୍କୁ ୫ଲକ୍ଷ ଟଙ୍କା ଲୋନ ହୋଇଥିବା କହି ସେଥିରୁ ଭିନ୍ନ ଭିନ୍ନ ସମୟରେ ମାତ୍ର ୫ଲକ୍ଷ ଟଙ୍କା ଫେରାଇ ବାକି ୪ଲକ୍ଷ ୪୦ହଜାର ଟଙ୍କାକୁ ଦାନୀ ସରଭଙ୍ଗ ନାମକ ଅନ୍ୟଜଣେ ବ୍ୟକ୍ତିର ଆକାଉଣ୍ଟକୁ ନେଇ ଅର୍ଥ ହଡପ କରିଥିଲେ । ପରେ ଛନ୍ଦାଚରଣ ଠକେଇ ହୋଇଥିବା ବିଷୟରେ ଜାଣିବାକୁ ପାଇ ବଲାଙ୍ଗୀର ସାଇବର ଥାନାରେ ଏତଲା ଦେଇଥିଲେ । ବଲାଙ୍ଗୀର ସାଇବରଥାନାର କେସନମ୍ବର-୧୩/୨୦୨୪ ଦଫା-୪୧୯/୪୨୦/୪୬୭/୪୬୮ରେ ଓ ଆଇଟି ଏକ୍ଟରେ ମାମଲା ରଜୁ କରାଯାଇ ତଦନ୍ତ ଆରମ୍ଭ କରାଯାଇଥିଲା । ତଦନ୍ତରେ କୈଳାଶ ଆହୁରି ଅନେକ ଲୋକଙ୍କୁ ଏଭଳି ଠକେଇ କରିଥିବା ଜଣାପଡିଥିଲା । ଶେଷରେ କୈଳାସକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । କୈଲାଶଙ୍କଠାରୁ ଏକ ଟିଭିଏସ ଆପାଚିଗାଡି,୨ଟି ଏନଡ୍ରୟଡ ଫୋନ,୨ଟି ସିମକାର୍ଡ,ଗୋଟିଏ ମାଇକ୍ରୋଏସଡି କାର୍ଡ,୩ଟି ଅରିଜିନାଲ ପାସବୁକ ଓ ୨ଟି ଅନ୍ୟମାନଙ୍କନାମରେ ଥିବା ପାସବୁକକୁ ପୋଲିସ ଜବତ କରିଛି ।