20-Nov-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଷ୍ଟାଡିୟମର ସ୍ଵନକ୍ଷତ୍ର ଦିବସ ଅବସରରେ ଷ୍ଟାଡିୟମ୍ ଟ୍ରଷ୍ଟବୋର୍ଡ ଏବଂ ଏଥ୍‌ଲେଟିକ ଏସୋସିଏସନ୍‌ର ମଳିତ ଆନୁକୂଲ୍ୟରେ ଅନୁଷ୍ଠିତ ୧୬ତମ ଲୋଇସିଂହା କପ୍‌ ଫୂଟବଲ ଟୁର୍ନାମେଣ୍ଟ ଦୀର୍ଘ ୭ ଦିନ ଅନୁଷ୍ଠିତ ହୋଇଥିଲା l ଆଜିର ଫାଇନାଲ ମ୍ୟାଚ ରେ ମୁଖ୍ୟଅତିଥି ଭାବେ ଏଆଇସିସି ମେମ୍ବର ଏବଂ ଏଆଇସିସି ଜାତୀୟ ସଂଯୋଜକ  ତଥା ତେଲେଙ୍ଗାନା କଂଗ୍ରେସ ସୋସିଆଲ ମିଡ଼ିଆ ବିଭାଗ ଦାୟିତ୍ୱ ରେ ଥିବା ଶ୍ରୀ ଅଭିଷେକ ମହାନନ୍ଦ ଯୋଗଦେଇ ଖେଳାଳୀ ଙ୍କୁ ଉତ୍ସାହିତ କରିବା ସହ ଖେଳାଳୀ ଙ୍କୁ ପୁରସ୍କାର ବିତରଣ କରିଥିଲେ l ଏହି ସିନିଅର ନକଆଉଟ ଫୂଟବଲ ଟୁର୍ନାମେଣ୍ଟ ର ଆଜିର ଫାଇନାଲ ମ୍ୟାଚ ସିସିଏଫଏ ବି.ଏମ. ପୁର ଓ ଏପିଜେ ଅବଦୁଲ କଲାମ ଲୋଇସିଂହା ମଧ୍ୟରେ ଅନୁଷ୍ଠିତ ହୋଇଥିଲା l

ଆଜିର ଏହି ଫାଇନାଲ ମ୍ୟାଚ ରେ ସିସିଏଫଏ ବିଏମ ପୁର ଦଳ ଟାଇ ବ୍ରେକର ମାଧ୍ୟମରେ ୫-୩ ରେ ବିଜୟୀ ହୋଇଥିବା ବେଳେ ଏପିଜେ ଅବଦୁଲ କଲାମ ଲୋଇସିଂହା ଦଳ ରନର୍ସ ଅପ ହୋଇଛି l ମେନ ଅଫ ଦ ମ୍ୟାଚ ଓ ମେନ ଅଫ ଦ ସିରିଜ ଉଭୟ ସିସିଏଫଏ ବି. ଏମ ପୁର ଦଳ ର ଶ୍ୟାମ ଓରାମ ହାତେଇଥିଲେ l ଫାଇନାଲ ମ୍ୟାଚ ରେ ରେଫରୀ ଥିଲେ ସଞ୍ଜନ କୁଦେଇ, ବିକି ବିଶି, ସୁଧାଂଶୁ ରାଉତ, ଚତୁର୍ଥମ ରେଫରୀ ଭାବେ କରୁଣା ପଧାନ l ମ୍ୟାଚ କମିଶନର ଭାବେ ସୁଦୟ ବାରିକ ଉପସ୍ଥିତ ଥିଲେ l