-+91-9937148622 |
prerana_bgr@rediffmail.com |
Tuesday 17th November 2026 |
R.N.I. Regd No. ODIODI/2010/46693
Breaking News
16-Nov-2026
ବରପାଲି, (ସୁଦାମ ଦୀପ): ବରଗଡ ଜିଲ୍ଲା
ବରପାଲି ବ୍ଲକ ପତ୍ରାପାଲି ଗ୍ରାମରେ ଲୋକମାନଙ୍କୁ ସ୍ୱାସ୍ଥ୍ୟସେବା ପହଞ୍ଚାଇବା, ସ୍ୱାସ୍ଥ୍ୟ ସଚେତନତା ବୃଦ୍ଧି କରିବା ଏବଂ ଅସହାୟ ଲୋକଙ୍କୁ ସାମାଜିକ ସହାୟତା ଯୋଗାଇଦେବା ଉଦ୍ଦେଶ୍ୟ ନେଇ ସରସ୍ୱତୀ ଥେରାପି ଆଣ୍ଡ ରିହାବିଲିଟେସନ୍ ସେଣ୍ଟର (ଏସ୍ ଆର ଟି ସି) ପକ୍ଷରୁ ଏକ ମାଗଣା ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର ଆୟୋଜିତ ହୋଇଯାଇଛି। ସମାଜସେବୀ ଗଣେଶ୍ୱର ଭୋଇ ଶିବିରକୁ ଉଦ୍ଘାଟନ କରିଥିଲେ। ଏହି ଶିବିରରେ ପ୍ରାୟ ୨୫୦ ଜଣ ଲୋକ ମାଗଣା ଚିକିତ୍ସା ସେବା ଓ ସ୍ୱାସ୍ଥ୍ୟ ପରାମର୍ଶ ପାଇ ଉପକୃତ ହୋଇଥିଲେ । ଶିବିରରେ ରୋଗୀମାନଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବା ସହ ଆବଶ୍ୟକୀୟ ଔଷଧ ଓ ବସ୍ତ୍ର ମାଗଣାରେ ବଣ୍ଟନ କରାଯାଇଥିଲା । ଶିବିରରେ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡା. ଶିଳ୍ପୀ ବିଶ୍ୱାଳ, ଡା. ସୁଧାମୟୀ ମେହେର (ଆଗଲପୁର ସିଏଚ୍ ସି), ଡା. ସୁସ୍ମିତା ପଣ୍ଡା (କୁମ୍ଭାରୀ ପିଏଚ୍ ସି), ଡା. କଲ୍ୟାଣୀ କଲାସୀ (ଖଣ୍ଡହତା ସିଏଚ୍ସି) ଓ ଡା. ଟିକେଶ୍ୱର ଗର୍ତ୍ତିଆ (ଡୁଙ୍ଗୁରିପାଲି ସିଏଚ୍ ସି) ରୋଗୀମାନଙ୍କୁ ଚିକିତ୍ସା ପରାମର୍ଶ ପ୍ରଦାନ କରିଥିଲେ ।ଫିଜିଓଥେରାପିଷ୍ଟ ଡା. ସସୀମ ପ୍ରଧାନ ମଧ୍ୟ ଚିକିତ୍ସା ସେବା ଯୋଗାଇ ଦେଇଥିଲେ। ସୁଧାଂଶୁ ପାତ୍ର ଓ ସସ୍ମିତା ବନଛୋର ଔଷଧ ବଣ୍ଟନ କାର୍ଯ୍ୟରେ ସହଯୋଗ କରିଥିଲେ ।
ଏହି ଅବସରରେ ପତ୍ରାପାଲି ଅଙ୍ଗନବାଡ଼ି କର୍ମୀ ସୁଜାତା ଥଇତ, ଆଶାକର୍ମୀ ଗାୟତ୍ରୀ ନାୟକ ଓ ବିଦ୍ୟାଳୟର ମୁଖ୍ୟଶିକ୍ଷକ ସରୋଜ ଦାଶ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ସଂସ୍ଥାର ସଭାପତି ଲୀଳାବତୀ ତ୍ରିପାଠୀ, ସମ୍ପାଦିକା ସୁନୀତା ମୁଣ୍ଡଓ ଉପସଭାପତି ଘରଜୁଗୀ ଗଡତିଆଙ୍କ ନେତୃତ୍ୱରେ ସଦସ୍ୟା ବେଦମତୀ ପରିଡ଼ା, ସଞ୍ଜୁ ବେହେରା, ବିଜୟଲକ୍ଷ୍ମୀ ତ୍ରିପାଠୀ, ଅଯୋଧ୍ୟା ଦାଶ, ଆରତୀ ଦାଶ, ଅଞ୍ଜଳି ପ୍ରଧାନ, ପୂର୍ଣ୍ଣିମା ମେହେର, ଅନୁପମା ପ୍ରଧାନ ଓ ଯଶୋବନ୍ତୀ ମେହେର ଶିବିରରେ ଯୋଗଦେଇଥିଲେ।ସେହିପରି ସ୍ୱତନ୍ତ୍ର ଶିକ୍ଷକ ବିବେଶିଖା ବେହେରା ଓ ପ୍ରଶାନ୍ତ କୁମାର ସାମଲ, କର୍ମଚାରୀ ନୂତନ ପ୍ରଧାନ ଓ ସୁନୀତା କୁମ୍ଭାରଙ୍କ ସମେତ ସମସ୍ତ ସହଯୋଗୀ ଶିବିରର ସଫଳ ଆୟୋଜନରେ ସକ୍ରିୟ ସହଯୋଗ କରିଥିଲେ।ଏଭଳି ଜନହିତକର କାର୍ଯ୍ୟକ୍ରମକୁ ଗ୍ରାମବାସୀମାନେ ଭୂୟସୀ ପ୍ରଶଂସା କରିଥିଲେ।