-+91-9937148622 |
prerana_bgr@rediffmail.com |
Tuesday 17th November 2026 |
R.N.I. Regd No. ODIODI/2010/46693
Breaking News
12-Nov-2026
ଭୁବନେଶ୍ୱର, ୧୨/୧୧:
ଭୁବନେଶ୍ୱର ର ପୋଖରୀପୁଟ ସ୍ଥିତ ବିଜୁ ପଟ୍ଟନାୟକ ବହୁମୁଖୀ ଇଣ୍ଡୋର ଷ୍ଟାଡିୟମଠାରେ ଆଜିଠାରୁ ଓଡିଶା ରାଜ୍ୟ ବ୍ୟାଡମିଣ୍ଟନ ସଂଘ ଦ୍ୱାରା ୟୋନେକ୍ସ-ସନରାଇଜ୍ ୪୦ତମ ସିନିୟର ଷ୍ଟେଟ୍ ବ୍ୟାଡମିଣ୍ଟନ ଚାମ୍ପିୟନସିପ୍ ଆରମ୍ଭ ହୋଇଯାଇ ଅଛି। ଓଡିଶା ରାଜ୍ୟ ବ୍ୟାଡମିଣ୍ଟନ ସଂଘ ଏବଂ ଓଡ଼ିଶା ସରକାରଙ୍କ କ୍ରୀଡ଼ା ଓ ଯୁବ ବ୍ୟାପାର ବିଭାଗର ସହଯୋଗରେ ଆୟୋଜିତ ଏହି ଚାମ୍ପିୟାନସିପ କୁ ଓସବା ଉପସଭାପତି ତଥା ପ୍ରାକ୍ତନ ବେଡ଼ମିଣ୍ଟନ ଖେଳାଳି କାର୍ତିକ ଦାସ ପ୍ରଦୀପ ପ୍ରଜ୍ବଳନ କରି ଉଦ୍ଘାଟନ କରିଥିଲେ । ଏ ଅବସରରେ ପ୍ରତିଯୋଗୀତା ର ଅୟୋଜନ କମିଟି ସଂପାଦକ ସୁରୂଲାଲ ମଟାରି,ପର୍ଯ୍ୟବେକ୍ଷକ କମଳ ଦାସ, ନିର୍ଦେଶକ ଅଜିତ ମହାନ୍ତି, ସଂଯୋଜକ ଜୟପ୍ରକାଶ ଜେନା, ତାରାକାନ୍ତ ଦାସ, ଅବଦୁଲ ହାକିମ ,ପ୍ରତିଯୋଗିତା ମୁଖ୍ୟ ରେଫରି ବିଜୟ ବାଗ ଓ ଓସବା ସଦସ୍ୟ ଶୁଭ୍ରାଂଶୁ ପଣ୍ଡା ପ୍ରମୁଖ ଉପସ୍ଥିତ ଥିଲେ।
ବରିଷ୍ଠ ବର୍ଗର ପୁରୁଷ ଓ ମହିଳା ସିଙ୍ଗଲ୍ସ, ଡବଲ୍ସ ଏବଂ ମିକ୍ସଡ୍ ଡବଲ୍ସ ବିଭାଗରେ ଚାମ୍ପିୟନସିପ ଟାଇଟଲ୍ ପାଇଁ ଲଢେଇ ହେବ ।
ତିନି ଦିନ ଧରି ହେବାକୁ ଥିବା ଏହି ଚାମ୍ପିଅନସିପ ର ପ୍ରଥମ ଦିନ ରେ ୧୪୦ ଗୋଟି ମ୍ୟାଚ ଦ୍ଵିତୀୟ ଦିବସ ରେ ପାଞ୍ଚ ଗୋଟି ସେମି ଫାଇନାଲ ସହ ଚାଳିଶ ଟି ମ୍ୟାଚ
ଏବଂ ଅନ୍ତିମ ଦିବସ ରେ ବଳକା ପାଞ୍ଚ ଗୋଟି ସେମିଫାଇନାଲ ସହ ସମସ୍ତ ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ଅୟୋଜନ କମିଟି ର ସଂପାଦକ ସୁରୁଲାଲ ମଟାରି ଜଣାଇଛନ୍ତି।ଓସବା ସମ୍ପାଦକ ନିଲିନ କୁମାର ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ହେଉଥିବା ଏହି ଚାମ୍ପିୟାନସିପ ସମୟରେ ବ୍ୟାଡମିଣ୍ଟନ ମ୍ୟାଚ ପରିଚାଳନା ନିମନ୍ତେ ଏକ ଟେକନିକାଲ ଅଫିସିଆଲ ପରୀକ୍ଷା ଶିବିର ଅନୁଷ୍ଠିତ ହେଉଛି ଯେଉଁ ଥିରେ କି ସାରା ରାଜ୍ୟ ରୁ ସମୁଦାୟ ୨୮ ଜଣ ପରୀକ୍ଷାର୍ଥୀ ଉଭୟ ଥିଓରୀ ଓ ପ୍ରାକ୍ଟିକାଲ ପରୀକ୍ଷା ଦେଉଛନ୍ତି,ଏହି ପରୀକ୍ଷାର କୃତୀ ପରୀକ୍ଷାର୍ଥୀ ମନେ ଆଗାମୀ ଦିନରେ ଓସବା ରେଫରୀ ପ୍ୟାନେଲ ରେ ଯୋଗଦେବେ ପରୀକ୍ଷା ଶିବିର କୁ ମୁଖ୍ୟରେଫରୀ ବିଜୟ କୁମାର ବାଗ,ଜାତୀୟ ମାନ୍ୟତା ପ୍ରାପ୍ତ ରେଫରି ରିତା ଦାସ ପରିଚାଳନା କରିଥିବାବେଳେ ସହ ସଂଯୋଜକ ଭାବେ ଲକ୍ଷପତି ନନ୍ଦ, ସୁବାଷ କୁମାର ସାହୁ, ସମୀର କୁମାର ସାହୁ ଓ ଅସିତ ପଟ୍ଟନାୟକ ପ୍ରମୁଖ ଦାୟିତ୍ୱ ତୁଲାଉଛନ୍ତି।
ରିପୋର୍ଟ ଲେଖା ହେବା ପର୍ଯ୍ୟନ୍ତ
ଆଜି ଅନୁଷ୍ଠିତ ହେଇଥିବା ମ୍ୟାଚ ମାନ ଙ୍କରେ ପୂର୍ବତନ
ରାଜ୍ୟ ଚାମ୍ପିୟାନ ତୃତୀୟ ମାନ୍ୟତାପ୍ରାପ୍ତ ଖେଳାଳି ପାରଶ ମାଥୁର ସୁନ୍ଦରଗଡ଼ ର ଅଣ ସିଡେଡ଼ ଖେଳାଳି ଶ୍ରେୟାନ୍ସ ପରିଡା ଙ୍କ ଠାରୁ ୧୫-୧୦,୭-୧୫ ଓ ୧୧-୧୫ ପଏଣ୍ଟ ରେ ତିନୋଟି ସେଟ ରେ ହାରି ପ୍ରତିଯୋଗିତାରୁ ବିଦାୟ ନେଇଛନ୍ତି, ଅନ୍ୟ ମାନଙ୍କ ମଧ୍ୟ ରେ ଟପ ସିଡ ଆରିୟା ମାଝୀ ପଞ୍ଚମ ସିଡ ଦିବ୍ୟମ କେଜେରିୱାଲ ସପ୍ତମ ସିଡ ବାପୁନ ରାଉତ,ଅଂଶୁମାନ ସିଂହ,ଆୟୁସ୍ମାନ ରାୟ,ଜୟକୃଷ୍ଣ ଗରଡ଼ିଆ, ଶ୍ରେୟାନ୍ସ କେଜେରିୱଲ, ସିଭମ ମହତୋ,ମୟଙ୍କ ଭରଦ୍ୱାଜ,ଅରବିନ୍ଦ ସାହୁ, ଆୟୁଷ ଦାସ, କେ ମୂରଲୀକ୍ରୀଷ୍ଣା ପ୍ରମୁଖ ନିଜ ନିଜର ଦ୍ଵିତୀୟ ରାଉଣ୍ଡ ମ୍ୟାଚ ଜିତି ତୃତୀୟ ରାଉଣ୍ଡ କୁ ଉନ୍ନିତ ହୋଇଛନ୍ତି।