07-May-2026

ବଲାଙ୍ଗୀର(ପ୍ରେରଣା ଖବର ): ଓବିସି ମଞ୍ଚ ବଲାଙ୍ଗୀରର ପ୍ରତିନିଧି ଦଳ, ସରୋଜ କୁମାର ମେଶ୍ଵା ସଂଯୋଜକ ଓବିସି ମଞ୍ଚ ବଲାଙ୍ଗିର ଙ୍କ ନେତୃତ୍ବରେ, ବଲାଙ୍ଗୀର ତହସିଲଦାରଙ୍କୁ  କେନ୍ଦ୍ର ଗୃହ ମନ୍ତ୍ରୀ ମାନନୀୟ ଅମିତ ଶାହାଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛନ୍ତି। ଭାରତ ସରକାର ଗତ ଜାନୁଆରୀ ମାସ ୩୦ ତାରିଖ ର କେନ୍ଦ୍ର କେବିନେଟ ନିଷ୍ପତ୍ତି କ୍ରମେ ୨୦୨୬ ଜନଗଣନା ରେ ଜାତିଭିତ୍ତିକ ଓବିସି ବର୍ଗର ଜନଗଣନା କରିବାକୁ ପ୍ରତିଶ୍ରୁତି ଦେଇଥିଲେ ତାହା ମିଥ୍ୟ ପ୍ରମାଣିତ ହୋଇଛି। ବର୍ତମାନ ର ଗୃହ ଗଣନା ଯାହା ଜନଗଣନା ର ପ୍ରଥମ ସୋପାନ, ସେଥିରେ ୩୩ ଟି ପ୍ରଶ୍ନର ଉତ୍ତର ଗୃହକର୍ତା ଦେବେ ପ୍ରଶ୍ନ ନମ୍ବର ୧୨ ରେ ଗୃହ କର୍ତା ଙ୍କ ଜାତି କଣ ବୋଲି ଏଥିରେ ଉଲ୍ଲେଖ ଅଛି, ଏଥିରେ ଏସ୍ ଟି, ଏସ୍ ସି ଏବଂ ଅନ୍ୟାନ୍ୟ ବୋଲି ସୁଚିତ ଅଛି ଯାହା ସାଧାରଣ ବର୍ଗଙ୍କ ପାଇଁ ଉଦ୍ଦିଷ୍ଟ ହୋଇ ରହିଛି।ଓବିସି ବୋଲି ପଚାରି ଥିଲେ ପରବର୍ତ୍ତୀ ସମୟରେ ଓବିସି ବର୍ଗର ଲୋକଙ୍କ ଗଣନା ହୋଇପାରିଥାନ୍ତା, କିନ୍ତୁ ସେପରି ହୋଇନାହିଁ। ସରକାର ଓବିସି ଜନସାଧାରଣଙ୍କ ସହିତ ପ୍ରତାରଣା କରୁଛି। ଏଣୁ ଓବିସି ବର୍ଗର ଲୋକମାନେ ଏହି ଜନଗଣନା କୁ ଗ୍ରହଣ କରିପାରୁନାହାନ୍ତି। ଏହି ବିଷୟରେ ଅବଗତ କରାଇବା ସହ ଏକ ଦାବିପତ୍ର କେନ୍ଦ୍ର ଗୃହ ମନ୍ତ୍ରୀ ମାନନୀୟ ଅମିତ ଶାହା ଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି। ସରକାର ଏହାକୁ ଲାଗୁ ନ କଲେ ଦେଶର ଅର୍ଦ୍ଧାଧିକ ଲୋକଙ୍କ ଉନ୍ନତିରେ ରେ ପ୍ରତିବନ୍ଧକ ସୃଷ୍ଟି କରାଯାଉଛି ବୋଲି ଓବିସି ମଞ୍ଚ ସଂଯୋଜକ ସରୋଜ କୁମାର ମେଶ୍ଵା ଉପସ୍ଥାପନ କରିଛନ୍ତି। ସରକାର ଆଗାମୀ ଦିନରେ ଓବିସି ବର୍ଗର ଲୋକଙ୍କ କଥା ନ ଶୁଣିଲେ ଓବିସି ମାନେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ମଧ୍ୟ ଦେଇଛନ୍ତି। ଏଥିରେ ପୁର୍ଣ୍ଣଚନ୍ଦ୍ର ବିଶ୍ବାଳ, ଆଇନଜିବୀ ଅର୍ଜୁନ ମୁଗ୍ରି, ସୁଶାନ୍ତ କୁମାର କଲତା ପ୍ରମୁଖ ଅଂଶଗ୍ରହଣ କରିଥିଲେ।