10-Mar-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )ସାଇବର ଅପରାଧ ଉପରେ ଲଗାମ ଲଗାଇବା ପାଇଁ ଓଡିଶା ପୋଲିସ ପକ୍ଷରୁ  ଗତ ତା ୧୩.୦୨.୨୦୨୬ ରୁ ୧୨.୦୩.୨୦୨୬ ପର୍ଯ୍ୟନ୍ତ  ବିଶେଷ ଅଭିଯାନ ‘ଅପରେସନ ସାଇବର କବଚ’ ସମଗ୍ର ରାଜ୍ୟରେ  ଜାରି ରହିଛି । ଏହି ଅଭିଯାନ ଅଧୀନରେ ସାଇବର ଠକେଇରେ  ବ୍ୟବହୃତ mule ( ବେନାମୀ) ବ୍ୟାଙ୍କ ଆକାଊଣ୍ଟ  ଏବଂ ଏଥିରେ  ସମ୍ପୃକ୍ତ  ସହାୟକ ମାନଙ୍କୁ  ଚିହ୍ନଟ କରାଯାଇ  ଦୃଢ ଆଇନଗତ କାର୍ଯ୍ୟ।ନୁଷ୍ଠାନ ଗ୍ରହଣ କରାଯାଊଛି । ବର୍ତ୍ତମାନ ପର୍ଯ୍ୟନ୍ତ ସୁବର୍ଣ୍ଣପୁର ଜିଲ୍ଲା ପୋଲିସ ଦ୍ବାରା ୧୫୦୧  ଆକାଊଣ୍ଟ  ଯାଞ୍ଚ କରାଯାଇଛି । ଏହାସହ  mule ଏକାଉଣ୍ଟ  ସମ୍ବନ୍ଧରେ ସୋନପୁର ଥାନା ରେ ୦୩ ଟି, ବୀର ମହାରାଜ ପୁର ଥାନା ରେ ୦୨ ଟି, ବିନିକା ସୁବଲୟା ଡୁଙ୍ଗୁରିପାଲି ଓ CC & EO PS ରେ ଗୋଟିଏ ଲେଖାଏଁ  ସର୍ବମୋଟ ୦୯ ଟି କେସ ରୁଜୁ କରାଯାଇଛି । ଏହି କେସ ମାନଙ୍କରେ ୦୯ ଜଣଙ୍କୁ  ଗିରଫ କରି କୋର୍ଟ ଚାଲାଣ କରାଯାଇଛି  ଓ ୨୬  ଜଣଙ୍କୁ  ଆଇନଗତ ନୋଟିସ ଜାରି କରାଯାଇଛି ବୋଲି ଆଜି ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାଏକ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଉପୋରୋକ୍ତ କେସ ମାନଙ୍କରେ  ଚିହ୍ନଟ  ହୋଇଥିବା  mule  ଆକାଊଣ୍ଟ ରେ ସମୁଦାୟ ୭ କୋଟି ୮୨ ଲକ୍ଷ   ଟଙ୍କାର  କାରବାର  ହୋଇଥିଲା।ଏହିସବୁ  କେସରେ ଆସାମୀ ମାନଙ୍କ ଠାରୁ  ମୋବାଇଲ, ATM କାର୍ଡ ଏବଂ ପାସବୁକ  ଜବତ କରାଯାଇଛି । 

ସୁବର୍ଣ୍ଣପୁର ଜିଲ୍ଲାରେ  CC & EO PS ସ୍ଥାପନ ପରେ ଏହି ପ୍ରକ୍ରିୟାକୁ  ତ୍ୱରାନ୍ୱିତ  କରଯାଇଥିଲା । ଗତକାଲି ଆକାଊଣ୍ଟ  ଯାଞ୍ଚ ସମୟରେ  0୬ ଟି  mule ଏକାଉଣ୍ଟ ଠାବ କରାଯାଇଥିଲା । ଏହି ସମ୍ପୃକ୍ତରେ  CC & PS କେଶ ନମ୍ବର. ୦୧ Dt.09.03.2026 U/s-112(2)/317(2)/317(5) /318(4)/61(2) BNS / Sec. 66(C )/66(D) I.T Act. ରୁଜୁ କରଯାଇଥିଲା । ପ୍ରାଥମିକ ତଦନ୍ତରେ  ଏହି   ଆକାଊଣ୍ଟ  ମାନଙ୍କୁ ରୁ ୦୩ କୋଟି ୧୭ ଲକ୍ଷ ଟଙ୍କାର ର କାରବାର ହୋଇଥିଲା । ଏଥିରେ ସମ୍ପୃକ୍ତ  0୫ ଜଣ ଙ୍କୁ ଅଟକ ରଖି ପଚାରିବାରେ  ସେମାନେ ନିଜ  ଆକାଊଣ୍ଟ ସାଇବର ଫ୍ରଡରେ  ବିନିଯୋଗ  କରିବା କଥା ମାନିଥିଲେ । ସେମାନଙ୍କ ଠାରୁ  ମୋବାଇଲ, ATM କାର୍ଡ ଏବଂ ପାସବୁକ  ଜବତ କରାଯାଇଛି  ଓ ଆଜି ସମସ୍ତ 0୫ ଜଣଙ୍କୁ  କୋର୍ଟ ଚାଲାଣ କରା ଯାଇଛି l 

ରାଜ୍ୟବାସୀଙ୍କ ଡିଜିଟାଲ କାରବାର ସୁରକ୍ଷା ପାଇଁ ଓଡିଶା ପୋଲିସ ସର୍ବଦା ପ୍ରତିଶ୍ରୁତି ବଦ୍ଧ ।  ଜନସାଧାରଣଙ୍କୁ  ସୁବର୍ଣ୍ଣପୁର ପୋଲିସ ତରଫରୁ  ଅପିଲ କରାଯାଇଛି ଯେ  କୌଣସି ଅଜଣା ନମ୍ବର ରୁ ଲୋଭନୀୟ ବା ଅବିଶ୍ୱାସନିୟ  ଅଫର ଉପରେ  ବିଶ୍ବାସ କରନ୍ତୁ ନହିଁ । ଆବଶ୍ୟକ ସ୍ଥଳେ ନ୍ଯାଶନ୍ଯାଲ  ସାଇବର ହେଲ୍ପ ଲାଇନ ନମ୍ବର.୧୯୩୦ ବା ସୁବର୍ଣ୍ଣପୁର ସାଇବର ପୋଲିସ ହେଲ୍ପ ଲାଇନ ନମ୍ବର 8280446541 ରେ ଯୋଗାଯୋଗ କରନ୍ତୁ ବୋଲି ଏସପି ଶ୍ରୀ ନାରାୟଣ ନାଏକ ମିଡିଆ ଙ୍କୁ ସୂଚନା ଦେଇଛନ୍ତି ।