23-Jan-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଳକ ଅନ୍ତର୍ଗତ ବାଉଁଶୁଣୀ ଗ୍ରାମ ନାମ ମଣ୍ଡଳୀ ଠାରେ ୨୪ପ୍ରହର ନାମଜଜ୍ଞ ପାଇଁ ଆଜି ଅପରାହ୍ନରେ କଳସ ଯାତ୍ରା ଅନୁଷ୍ଠିତ ହୋଇଯାଇଛି। ଗ୍ରାମର ଶତାଧିକ ମହିଳା/ପୁରୁଷ ମୁଖ୍ୟ କର୍ତ୍ତା ସହ ଘଣ୍ଟ ଶଙ୍ଖ ସଂକୀର୍ତ୍ତନ ହରିବୋଲ ହୁଳହୁଳିରେ ଗ୍ରାମ ପରିକ୍ରମା କରି ନିକଟ ବଡବନ୍ଧକୁ ଯାଇ ସେଠାରେ ଯଥା ରୀତିନୀତି ପୂଜାର୍ଚ୍ଚନା କରି କଳସରେ ପାଣି ଭର୍ତ୍ତି କରିଥିଲେ ।ପରେ ସମସ୍ତ କଳସ ମଣ୍ଡପରେ ସ୍ଥାପନ କରାଗେଇଥିଲା । ଏହି ନାମଜଜ୍ଞରେ କର୍ତ୍ତା ଭାବେ ରଞ୍ଜନ ମହଲା ଓ ତାଙ୍କ ଧର୍ମପତ୍ନୀ ରୀନା ମହଲା ଦାୟିତ୍ୱ ତୁଲାଉଠିବା  ବେଳେ ପୂଜାର ଆଚାର୍ଯ୍ୟ ଭାବେ ଶ୍ୟାମସୁନ୍ଦର 
ହୋତା ଦାୟିତ୍ଵ ନିର୍ବାହ କରୁଛନ୍ତି । ନାମଜଜ୍ଞ ପରିଚାଳନା ଦାୟିତ୍ଵରେ କମିଟି ସଭାପତି ନିର୍ମଳ ଷାଣ୍ଡ, ଉପସଭାପତି ଚୈତନ୍ୟ ଷାଣ୍ଡ, ସଂପାଦକ ପୂର୍ଣ୍ଣ ବଗର୍ତ୍ତୀ, ସହସଂପାଦକ ଘନଶ୍ୟାମ ମୁଦୁଲି , ରିଙ୍କୁ ମଲ୍ଲିକ ପ୍ରମୁଖ ସହ ଗ୍ରାମବାସୀ ସହଯୋଗ କରୁଥିବା ଜଣାପଡିଛି।ଏହି ନାମଯଜ୍ଞ ୨୪ତାରିଖରୁ ଆରମ୍ଭ ହୋଇ ୨୭ତାରିଖରେ ପୁର୍ଣ୍ଣାହୂତୀ ସହ ନାମଜଜ୍ଞ ଉଦଯାପିତ ହେବ ବୋଲି କମିଟି ତରଫରୁ ପ୍ରକାଶ ।