03-Nov-2025

ଆଗଲପୁର, (ବିନୋଦ ଦୀପ) ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ, ରୋତରେ ଆଗଲପୁର ଥାନା ତରଫରୁ ଏକ ସାଇବର ସୁରକ୍ଷା ସଚେତନତା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କଲେଜ ର ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆଗଲପୁରର ତହସିଲଦାର ନବୀନ କୁମାର ପାଢୀ ମୁଖ୍ଯଅତିଥି, ବଲାଙ୍ଗୀର ସାଇବର ଥାନାର ଆଇ.ଆଇ.ସି. ଭାରତୀ ନାୟକ ମୁଖ୍ୟବକ୍ତା, ଆଗଲପୁର ଥାନାର ଆଇ.ଆଇ.ସି ବାସୁଦେବ ଭୋଇ, ଏସ୍.ଆଇ. ସୁଚିସ୍ମିତା ଜେନା, ଅତିରିକ୍ତ ତହସିଲଦାର ଫାଲଗୁନି ଶବର, ଇଂରାଜୀ ଅଧ୍ୟାପକ ଆର୍ଯ୍ୟେନ୍ଦୁ ମେହେର ପ୍ରଭୃତି ସମ୍ମାନୀତ ଅତିଥି ଭାବରେ ମଞ୍ଚାସୀନ ରହି ସଚେତନ ହେଲେ ହିଁ ସାଇବର ରାକ୍ଷସକୁ ଜୟ କରି ପାରିବା ବୋଲି ବକ୍ତବ୍ଯ ରଖିଥିଲେ। ଏଥିରେ ମହାବିଦ୍ୟାଳୟର ଛାତ୍ରଛାତ୍ରୀ, ଏନ.ଏସ୍.ଏସ୍, ଯୁବ ରେଡକ୍ରସ, ଏନ.ସି.ସି.ର ସ୍ବେଚ୍ଛାସେବୀ, ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ସମେତ ଅଞ୍ଚଳର ବିଭିନ୍ନ ମହିଳା ସ୍ବଂୟ ସହାୟକ ଗୋଷ୍ଠୀ, ଜାଗ୍ରୃତି ବିଦ୍ୟାପୀଠ, ସରସ୍ଵତୀ ଶିଶୁ ବିଦ୍ୟାମନ୍ଦିର, ମାହେଶ୍ବରୀ ସଂଗଠନ, ବିଙ୍ଗ ହ୍ୟୁମାନ ଫାଉଣ୍ଡେସନ ପ୍ରଭୃତିର ସଦସ୍ଯମାନେ ଯୋଗ ଦେଇଥିଲେ। ସଭାକୁ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ସଂଯୋଜନା କରିଥିବା ବେଳେ ଇଂରାଜୀ ଅଧ୍ୟାପକ ମାନସ କୁମାର ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ଏକ ସଚେତନତାର ଭିଡିଓ ପ୍ରୋଜେକ୍ଟର ମାଧ୍ୟରେ ପ୍ରଦର୍ଶନ କରାଯାଇଥିବା ବେଳେ ଜାଗ୍ରୃତି ବିଦ୍ୟାପୀଠ, ସରସ୍ବତୀ ଶିଶୁ ବିଦ୍ୟାମନ୍ଦିର ଓ ମହାବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମକୁ ପୋଲିସ ବିଭାଗ ସମେତ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ସହଯୋଗ କରିଥିଲେ l