03-Nov-2025

ସିନାପାଲି, (ଚିନ୍ତାମଣି ନେତାମ ) ନୂଆପଡା ଜିଲ୍ଲା  ସିନାପାଲି ବ୍ଲକର ଟିମନପୁର ଗାଁ ନିକଟରେ ବିଜୁ ଏକ୍ସପ୍ରେସ ୱେ ଉପରେ   ଏକ ଭୟାବହ ସଡକ ଦୁର୍ଘଟଣା ଘଟି ଜଣେ ମହିଳାଙ୍କ ମୃତ୍ୟୁ ଓ ଜଣେ ଗୁରୁତର ଆହତ ହେଇଛନ୍ତି। ଆହତ ଜଣକ ହେଲେ 
ରାଣିମୁଣ୍ଡା ଗାଁର ନରସିଂହ ଘିଭେଳା ବୟସ (୫୫) ଓ ତାଙ୍କ ସ୍ତ୍ରୀ ବାସନ୍ତୀ ଘିଭେଳା (୫୦)  ରାଣିମୁଣ୍ଡା ଠାରୁ ଗଡ୍ରାମାଳ ଦିଗକୁ ଯାଉଥିବା ସମୟରେ, ସିନାପାଲି ପଟୁ ଆସୁଥିବା ଟ୍ରକ ନମ୍ବର  (ୟୁପି ୧୩ ବିଟି ୭0୫୭) ସହ ମୁହାଁମୁହିଁ ଧକ୍କା ଲାଗି ଏହି ଦୁର୍ଘଟଣା ଘଟିଥିଲା।ଘଟଣାସ୍ଥଳରେ ବାସନ୍ତୀ ଘିଭେଳା ଙ୍କ ମୃତ୍ୟୁ ହୋଇଯାଇଥିଲା, ଯେଉଁଠି ତାଙ୍କ ସ୍ୱାମୀ ନରସିଂହ ଘିଭେଳା ଗୁରୁତର ଆହତ ଅବସ୍ଥାରେ ସିନାପାଲି ହସ୍ପିଟାଲକୁ ଭର୍ତ୍ତି କରାଯାଇଛି।
ଦୁର୍ଘଟଣା ପରେ ସ୍ଥାନୀୟ ଲୋକ ଓ ପରିବାର ସଦସ୍ୟମାନେ ଆକ୍ରୋଶିତ ହୋଇ ୨୦ ଲକ୍ଷ ଟଙ୍କା କ୍ଷତିପୂରଣ ଦାବି କରିଛନ୍ତି। ସେମାନେ ଚେତାବନୀ ଦେଇଛନ୍ତି ଯେ, ଯଦି କ୍ଷତିପୂରଣ ନ ମିଳେ, ତେବେ ମୃତଦେହକୁ ରାସ୍ତା ଉପରେ ରଖି ଧାରଣା ଆନ୍ଦୋଳନ କରିବେ।
ଘଟଣାସ୍ଥଳରେ ସିନାପାଲି ପୋଲିସ ପହଞ୍ଚି ଟ୍ରକ ଜବତ କରି ଘଟଣାର ତଦନ୍ତ ଆରମ୍ଭ କରିଛି।