28-Jul-2025

 ରିପୋର୍ଟ: ସନ୍ତୋଷ କୁମାର ପଣ୍ଡା

ବିପଦ ସଂକୁଳ ଅବସ୍ଥାରେ କନ୍ୟାଶ୍ରମ ପୋଲ 

କାଲିମେଳା: ପଡ଼ିଆ ବ୍ଲକ ପାଇଁ ମୁଖ୍ୟରାସ୍ତାରେ ରହିଛି କନ୍ୟାଶ୍ରମ ସେତୁ। ପୋଟେରୁ ନଦୀ ଉପରେ ଥିବା ବ୍ରିଟିଶ ଅମଳର ସେତୁ ଦୁର୍ବଳ ହେବା ପରେ ନୂତନ ସେତୁ ନିର୍ମାଣ ପାଇଁ ପଦକ୍ଷେପ ନେଇଥିଲେ ସରକାର ୨୦୧୮ରେ ଟେଣ୍ଡର ପ୍ରକ୍ରିୟା ଶେଷ ହୋଇଥିଲେ ମଧ୍ୟ ଏଯାବତ୍ କାମ ସରିପାରିନି। ମାତ୍ର ୨ଟି ପିଲର ନିର୍ମାଣ କାମ ସାରିଛି ଠିକା ସଂସ୍ଥା | ନିର୍ମାଣ କାର୍ଯ୍ୟରେ ଅହେତୁକ ବିଳମ୍ବ ସତ୍ତ୍ବେ ପୂର୍ତ୍ତ ବିଭାଗ କର୍ତ୍ତୃପକ୍ଷ ଠିକା ସଂସ୍ଥା ବିରୋଧରେ କାର୍ଯ୍ୟାନଷ୍ଠାନ ନେବା ବଦଳରେ ଘଣ୍ଟ ଘୋଡ଼ାଇ ରଖିଛନ୍ତି । ଫଳରେ ବର୍ଷା ଦିନରେ ପୁରୁଣା ସେତୁ ଉପର ଦେଇ ପାଣି ପ୍ରବାହିତ ହେଉଥିବାରୁ ମାଲକାନଗିରି-ପଡିଆ ମଧ୍ୟରେ ଯାତାୟାତ ବିଚ୍ଛିନ୍ନ ହେଉଛି।ପୁରୁଣା ସେତୁ ଉପରେ ବଡ଼ ବଡ଼ ଫାଟ ସୃଷ୍ଟି ହୋଇଥିବା ବେଳେ ପ୍ରତି ବର୍ଷ ଫାଟର ଆକାର ବଢ଼ିବାରେ ଲାଗିଛି। ତଳ ପାର୍ଶ୍ଵରୁ ସିମେଣ୍ଟ ଛାଡ଼ି ଲୁହା ଛଡ଼ ଦେଖାଗଲାଣି। ବନ୍ୟାପାଣିରେ ସେତୁର ଉଭୟପଟ କ୍ଷତିଗ୍ରସ୍ତ ହୋଇଛି। ପ୍ରତି ବର୍ଷ ବଷାରେ ସେତୁ ଉପରେ ବନ୍ୟା ପାଣି ପ୍ରବାହିତ ହେଉଥିବାରୁ ସେତୁଟି ଦୁର୍ବଳ ହେବାରେ ଲାଗିଛି। କିଛି ବର୍ଷ ତଳେ ବନ୍ୟାପାଣିରେ ସେତୁର ଗୋଟିଏ ପଟ ଭୁଷୁଡ଼ି ପଡ଼ିବାରୁ ତାକୁ ମରାମତି କରାଯାଇଥିଲା । ଅଞ୍ଚଳବାସୀଙ୍କ ଦାବି ପରେ ଗତ ୧୦ବର୍ଷ ତଳେ ନଦୀ ଉପରେ ହାଇଲେବଲ ସେତୁ ନିମାର୍ଣ ପାଇଁ ରାସ୍ତା ଓ ଗୃହ ନିମାର୍ଣ ବିଭାଗ ପକ୍ଷରୁ ଯୋଜନା ହୋଇଥିଲା । ୨୦୧୭-୧୮ରେ ଟେଣ୍ଡର ଆହ୍ବାନ ପରେ ଭୁବନେଶ୍ଵର ଅଞ୍ଚଳର ଠିକାଦାର ନୂତନ ସେତୁ ନିମାର୍ଣ ଟେଣ୍ଡର ହାତେଇଥିଲେ| ୨୦୧୮ ଜୁଲାଇରୁ ନିର୍ମାଣ କାମ ଆରମ୍ଭ କରି
୨୦୧୯ ଜୁଲାଇରେ କାମ ଶେଷ କରିବାକୁ ଚୁକ୍ତି ହୋଇଥିଲା। ସେତୁ ନିର୍ମାଣ ପାଇଁ ୧୨କୋଟି ୭୨ ଲକ୍ଷ ଟଙ୍କାର ବ୍ୟୟ ଅଟ୍ଟକଳ କରାଯାଇଥିଲା। ୧୨୬.୨୦ ମିଟର ଦୈର୍ଘ୍ୟ ବିଶିଷ୍ଟ ଏହି ସେତୁରେ ୫ଟି ସ୍ଥାନ ସହିତ ୪ଟି ପିଲର ର‌ହିବା ମନ୍ଥର ଗତିରେ କାମ ଚାଲିଥିବାରୁ ୭ବର୍ଷ ମଧ୍ୟରେ ମାତ୍ର ୨ଟି ପିଲର ହିଁ ନିର୍ମାଣ ହୋଇଛି| ବାରମ୍ବାର ଦାବି ସତ୍ତ୍ବେ ଠିକା ସଂସ୍ଥା ସେତୁ ନିର୍ମାଣ କରୁନଥିବା ବେଳେ ପୂର୍ବ ବିଭାଗ କେବଳ ଅଣ୍ଡରଟେକିଂ ଲେଖି ହାତବାନ୍ଧି ବସିଛି। ନୂତନ ସେତୁ ନିମାର୍ଣ କାମ ଯଥା ଶୀଘ୍ର ସମ୍ପୂର୍ଣ୍ଣ ନ ହେଲେ ପଡିଆ ଓ କାଲିମେଳାବାସୀ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦେଇଛନ୍ତି କଂଗ୍ରେସ ନେତା ତଥା ପୂର୍ବତନ ବ୍ଲକ ଅଧ୍ୟକ୍ଷ

ମାଲା ମାଡ଼ି | ଠିକାଦାର ଯଦି କାମ କରୁନି ଟେଣ୍ଡର ବାତିଲ କରି ସାନି ଟେଣ୍ଡରର କରାଯାଉ ବୋଲି ଦାବି କରିଛନ୍ତି ବିଜେପିର ପୂର୍ବତନ ମଣ୍ଡଳ ସଭାପତି ଅବଦୁତ ପ୍ରସାଦ ଦୁଗାର୍। ପୂର୍ତ୍ତ ବିଭାଗ ଯନ୍ତ୍ରୀ ସଂଗ୍ରାମ ଦଳେଇ ସେତୁ ନିର୍ମାଣରେ ବିଳମ୍ବକୁ ନେଇ ସନ୍ତୋଷଜନକ ଉତ୍ତର ଦେଇନ‌ଥିବାବେଳେ ଶୀଘ୍ର କାମ ସାରିବାକୁ ଠିକାଦାର ଅଣ୍ଡରଟେକିଂ ଦେଇଥିବା କହିଛନ୍ତି ସୂଚନାଯୋଗ୍ୟ, କନ୍ୟାଶ୍ରମ ସେତୁ ଉପରେ ଦୈନିବ ଦିନିକ ଶହ ଶହ ଯାନବାହାନ ଚଳାଚଳ କରୁଛନ୍ତି। ପଡିଆ ବ୍ଲକବାସୀ ଏହି ସେ ସେତୁ ଦେଇ ଦୈନିକ ନିକ କାଲିମେଳା, ମାଲକାନଗିରି, କାନଗିରି, ଜୟପୁରକୁ ସହିତ ଯାତାୟାତ କରିଥାନ୍ତି | ମାଲକାନଗିରି ଜିଲ୍ଲା ପଡ଼ୋଶୀ ଛତିଶଗଡ଼କୁ ସଂଯୋଗ କରୁଥିବା ଡ଼କ ପଥରେ କନ୍ୟାଶ୍ରମ ଶ୍ରମ ସେତୁ ରହିଛି। ପୁରୁଣା ସେତୁ ଯଦି ଭୁଷୁଡ଼ି ପଡ଼େ ତେବେ କାଲିମେଳା ଓ ପଡିଆ ବ୍ଳକ ସହିତ ପଡ଼ୋଶୀ ଛତିଶଗଡ଼କୁ ଯୋଗାଯୋଗ ବିଚ୍ଛିନ୍ନ ହେବ l