05-Jun-2025

ବଲାଙ୍ଗୀର, ତା. ୦୫/୦୬ (ପ୍ରେରଣା ଖବର ) : ଓଡ଼ିଶା ସରକାର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ତରଫରୁ ପ୍ରକୃତି ସଂରକ୍ଷଣ ଓ ପରିବେଶ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ ସେବା ପାଇଁ ବଲାଙ୍ଗୀର  ଜିଲ୍ଲା ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ ହାଇସ୍କୁଲକୁ ପ୍ରକୃତି ମିତ୍ର ପୁରସ୍କାରରେ ପୁରସ୍କୃତ  ହୋଇଅଛି । କାର୍ଯ୍ୟକ୍ରମରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ମାନ୍ୟବର ଗଣେଶ ରାମ ସିଂଖୁଣ୍ଟିଆ, ମୁଖ୍ୟ ଶାସନ ସଚିବ ମନୋଜ ଆହୁଜା (ଆଇଏଏସ), ଓଡ଼ିଶା ସରକାରଙ୍କ ଅତିରିକ୍ତ ମୁଖ୍ୟ ସଚିବ ହେଉଛନ୍ତି  ସୁରେନ୍ଦ୍ର କୁମାର , ପ୍ରମୁଖ ମୁଖ୍ୟ ବନ ସଂରକ୍ଷକ ଭାବରେ ସୁରେଶ ପନ୍ତ, ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସଚିବ ଉମା ନନ୍ଦୁରୀ ଉପସ୍ଥିତ ରହି ଡେଙ୍ଗ ବିଦ୍ୟାଳୟର ଇକୋ କ୍ଲବ ଇନଚାର୍ଜ ପ୍ରକୃତି ବନ୍ଧୁ ଶିକ୍ଷକ ରାମ ନାରାୟଣ ଦାଶ ଓ  ସହକାରୀ ଶିକ୍ଷକ ସୁଦର୍ଶନ ଦାଶଙ୍କୁ  ପୁରସ୍କାର ପ୍ରଦାନ କରିଥିଲେ । ଅନୁଷ୍ଠାନ ସର୍ବୋକୃଷ୍ଟ ବିବେଚିତ ହୋଇଥୁବାରୁ ପ୍ରୋତ୍ସାହନ ସ୍ୱରୂପ କୋଡ଼ିଏ ହଜାର ଟଙ୍କା ପୁରସ୍କାର ସହିତ ଏହି ପ୍ରମାଣପତ୍ର ପ୍ରଦାନ କରାଯାଇଥିଲା । ବିଗତ ଦିନ ଗୁଡିକରେ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ର, ବର୍ତ୍ତମାନର ପ୍ରଧାନ ଶିକ୍ଷକ ରେଣୁକା ସାହୁ, କୃପାସିନ୍ଧୁ ମିଶ୍ର, ସମୀର ସେଠୀ, ଦୀପକସେନ ଧରୁଆ, ଲିଙ୍ଗରାଜ ନନ୍ଦ, ହିମାଂଶୁ ବିଶ୍ୱାଳ, ବିଶ୍ୱନାଥ ମହେର, ପ୍ରକାଶ ପ୍ରଧାନ,  ଦେବେଶ ହୋତା, ମନୋରଞ୍ଜନ ପରିଡା, ଶିକ୍ଷୟିତ୍ରୀ  ଗାୟତ୍ରୀ ବାରିକ, ତପସ୍ୱିନୀ ପଟେଲ,  କାନ୍ତି ଭୋଇ, ଦ୍ରୋପଦୀ ଭୋଇ, ଶିବାନୀ ମଲ୍ଲିକ, ଜୁନିଅର ଆସିଷ୍ଟାଣ୍ଟ ଅବିନାଶ ଭୋଇ ,  ଛାତ୍ରଛାତ୍ରୀ ତଥା ଗ୍ରାମବାସୀଙ୍କ ସହଭାଗିତା ଅଛି  । ପ୍ରକାଶଥାଉ କି ପୂର୍ବରୁ ଡେଙ୍ଗ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ରେଡ଼କ୍ରସ କାର୍ଯ୍ୟକ୍ରମ ପାଇଁ ରାଜ୍ୟର  ସର୍ବଶ୍ରେଷ୍ଠ  ବିଦ୍ୟାଳୟ ଭାବରେ ମହାମହିମା ଓଡ଼ିଶାର ରାଜ୍ୟପାଳଙ୍କଠାରୁ ପୁରସ୍କୃତ ହୋଇଥିଲା ଓ  ଶୈକ୍ଷିକ  କାର୍ଯ୍ୟକ୍ରମ ପାଇଁ ଅନେକ ଥର ଶ୍ରେଷ୍ଠ ବିଦ୍ୟାଳୟ ଭାବରେ  ପୁରସ୍କୃତ ହୋଇ ଆର୍ଥିକ ରାଶି ପ୍ରାପ୍ୟ କରିଛି ।