24-Oct-2026

ବରଗଡ(ତୁଳସୀ ଚରଣ ଦାଶ): ବରଗଡ଼ ଜ଼ିଲ୍ଲା ବରିଷ୍ଠ ନାଗରିକ ସଂଘ ଓ ଉଭୟ ସହରାଞ୍ଚଳ ସ୍ୱାସ୍ଥ୍ୟ ସେବା କେନ୍ଦ୍ର ( UPHC 1 & 2 ) ର ଯୁଗ୍ମ ପ୍ରଚେଷ୍ଟାରେ ଏକ ସ୍ୱାସ୍ଥ୍ୟ ସେବା ଶିବିର ଓ ଆୟୁଷ୍ମାନ ଵୟୋ ବନ୍ଦନା କାର୍ଡ ରେଜିଷ୍ଟ୍ରେସନ ଶିବିର ଆଜି ସଂଘ ସଭାଗୃହରେ ଅନୁଷ୍ଠିତ ହୋଇଯାଇଅଛି I ଜିଲ୍ଲା ବରିଷ୍ଠ ନାଗରିକ ସଂଘ ସଭାପତି ଶ୍ରୀ କେଦାର ମିଶ୍ର ଓ ସମ୍ପାଦକ ଶ୍ରୀ ଗୋବିନ୍ଦ ଦାଶ ଅନ୍ୟ କର୍ମକର୍ତ୍ତାଙ୍କ ସହ ଉଭୟ UPHC ର ଦୁଇ ଜଣ ଡାକ୍ତର, ଚାରି ଜଣ ସ୍ୱାସ୍ଥ୍ୟ କର୍ମୀ, କମ୍ପୁଟର ସେବା ସଂସ୍ଥା ଓ ଶିବିର ସଂଯୋଜକ ଙ୍କୁ ସ୍ୱାଗତ କରିଥିଲେ I
     ଏହି ଜରାରୋଗ ସ୍ୱାସ୍ଥ୍ୟ ଶିବିର  ରେ ରକ୍ତଚାପ, ମଧୁମେହ ଆଦି ସାମଗ୍ରୀକ ପରୀକ୍ଷା ଓ ଯାଞ୍ଚ ଚାରିଜଣ ସ୍ୱାସ୍ଥ୍ୟ କର୍ମୀ ପ୍ରଥମେ କରି ପରାମର୍ଶ ପାଇଁ ପଠାଉ ଥିଲେ I ସେମାନେ ହେଲେ ରୋହିଣୀ ଚାନ୍ଦ, ପଂକଜିନି ଗଇଂଟା , ରଞ୍ଜୁ ପ୍ରଧାନ ଓ ଶଶୀମୁଖୀ ସାହୁ I
 ଡାକ୍ତର ଆୟୁଷ୍ମାନ ସାହୁ, UPHC 2 ଓ ଡାକ୍ତର କେ ସାଇ ରାମ ରଞ୍ଜନ,UPHC 1 ଉଭୟ ମୁଖ୍ୟଙ୍କ ପ୍ରତ୍ୟକ୍ଷ ତତ୍ତ୍ୱବଧାନ ରେ ପ୍ରତ୍ୟେକ ବରିଷ୍ଠଙ୍କୁ ପରୀକ୍ଷା ରିପୋର୍ଟ ଅନୁସାରେ ପରାମର୍ଶ ଓ ଔଷଧ ଦେବାର ବ୍ୟବସ୍ଥା ଥିଲା I
ତୃତୀୟ ପର୍ଯ୍ୟାୟ ରେ ସତୁରି ବର୍ଷରୁ ଊର୍ଧ୍ୱ ବରିଷ୍ଟଙ୍କ ଆୟୁଷ୍ମାନ ଵୟୋ ବନ୍ଦନା କାର୍ଡର ଅନ ଲାଇନ ରେଜିଷ୍ଟ୍ରେସନ ବି   ଶ୍ରୀ ରମାକାନ୍ତ ସାହୁ ଓ ତାଙ୍କର ସହଯୋଗୀ କରୁଥିଲେ I
  ପୁରା ଶିବିର କାର୍ଯ୍ୟକ୍ରମର ସଂଯୋଜନା, ଜନ ସ୍ୱାସ୍ଥ୍ୟ ଅଫିସର ଶ୍ରୀ ଚନ୍ଦ୍ରକାନ୍ତ ପଣ୍ଡା ଅତି ସୁନ୍ଦର ଭାବରେ ସଞ୍ଚାଳନ କରୁଥିଲେ I ଏହି ଶିବିରରେ ଆମର  ତିରିଶରୁ ଊର୍ଧ୍ୱ ସଭ୍ୟ ପରାମର୍ଶ ଲାଭ କଲେ ଓ ଏଗାର ଜଣଙ୍କ ଆୟୁଷ୍ମାନ କାର୍ଡ ରେଜିଷ୍ଟ୍ରେସନ ହୋଇଛି I ସଂଘର ସହଯୋଗ ଓ ପ୍ରସ୍ତୁତିକୁ ପ୍ରଶଂସା କରି ଖୁବ ଶୀଘ୍ର କେବଳ ମହିଳା ମାନଙ୍କ ପାଇଁ ଏପରି ଶିବିର କରାଯିବା ପାଇଁ ଉଭୟୟୁ ପି ଏଚ ସି  ମୁଖ୍ୟ ଓ ଶ୍ରୀ ପଣ୍ଡା ଘୋଷଣା କରିଥିଲେ I
         ---------×××----------