Prerana News : ସୁସ୍ଥ ଓ ସମାନତାର ସମାଜ ଗଠନରେ ସନ୍ଥ କବିଙ୍କ ସାହିତ୍ଯ ସମର୍ପିତ

ସିନାପାଲିରେ ଭୀମ ଭୋଇ ଜୟନ୍ତୀ

ସିନାପାଲି: ସୀମାନ୍ତରେ ଓଡ଼ିଆ ଭାଷା ଓ ସାହିତ୍ଯର ସୁରକ୍ଷାରେ ଅଗ୍ରଣୀ ଭୂମୀକା ନିର୍ବାହ କରୁଥିବା ସ୍ଥାନୀୟ ଗଙ୍ଗାଧର ସାରସ୍ୱତ ସମିତି ତରଫରୁ ସୋମବାର ସନ୍ଥକବି ଭୀମ ଭୋଇଙ୍କ ଜନ୍ମଜୟନ୍ତୀ ପାଳନ କରାଯାଇଛି ା ପବିତ୍ର ବୈଶାଖ ପୂର୍ଣ୍ଣିମା ତିଥିରେ ସ୍ଥାନୀୟ ସରସ୍ୱତୀ ଶିଶୁ ବିଦ୍ଯାମନ୍ଦିର ସଭାକକ୍ଷରେ ଏ ଅବସରରେ ଆୟୋଜିତ ଜୟନ୍ତୀ ସଭାରେ ସମିତିର ସଭାପତି ଯୁବ ଲେଖକ ବୈଷ୍ଣବ ମେହେର ଅଧ୍ଯକ୍ଷତା କରିଥିବା ବେଳେ ଅଂଚଳର ବରିଷ୍ଠ ସାହିତ୍ଯିକ କବି ଚିନ୍ତାମଣି ସାହୁ ଯୋଗଦେଇ ସନ୍ଥକବିଙ୍କ ମହତ୍ୱପୂର୍ଣ୍ଣ ଜୀବନୀ ବିଷୟରେ ଆଲୋକପାତ କରିଥିଲେ ା ସନ୍ଥକବିଙ୍କ ସାଧନା ମାନବ ସମାଜକୁ ସୁସ୍ଥ ଓ ସଂସ୍କାରିତ କରିବା ସହ ସମସ୍ତଙ୍କୁ ସମାନତା ପ୍ରଦାନ ପାଇଁ ସମର୍ପିତ ତେଣୁ ତାଙ୍କ ପ୍ରତିଟି କୃତି ମାନବତା ପାଇଁ ଅମୃତ ବୋଲି ଏ ଅବସରରେ ମତ ପ୍ରକାଶ ପାଇଥିଲା ା ସଭା ପ୍ରାରମ୍ଭରେ ଉପସ୍ଥିତ କବିପ୍ରେମୀ ସନ୍ଥକବିଙ୍କ ଫଟୋଚିତ୍ରରେ ପୁଷ୍ପମାଲ୍ଯ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ା କାର୍ଯ୍ଯକ୍ରମରେ ଅନ୍ଯମାନଙ୍କ ମଧ୍ଯରେ କୁମୁଦବନ୍ଧୁ ଯୋଷୀ, ବଂଶୀଧର ଜଗତ, ଲୋଚନ ମେହେର, ସ୍ବପ୍ନକୁମାର କାଣ୍ତ, ପ୍ରଦ୍ଯୁମ୍ନ କୁମାର ସିଂହ ଚିନ୍ଦା, ହରେକୃଷ୍ଣ ମେହେର, ଗୌତମ ମେହେର, ଡାକନ୍ତି ହଂସ, ଗିରିଜା ମେହେର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ଶେଷରେ ପରେଣନାଥ ପାଣିଗ୍ରାହୀ ଧନ୍ଯବାଦ ଦେଇଥିଲେ (ପରମେଶ୍ୱର ମେହେର )