04-Feb-2025

ବଲାଙ୍ଗୀର (ପ୍ରେରଣା ଖବର): ଆଜି ରାଧାରାଣୀ ପଡ଼ା ଆଂଚଳିକ ସାଧନ କେନ୍ଦ୍ର ଅନ୍ତର୍ଗତ ପ୍ରାକ୍ଟିସିଙ୍ଗ ପ୍ରାଥମିକ ବିଦ୍ୟାଳୟ ଠାରେ 'କ୍ଲଷ୍ଟର୍ ସ୍ତରୀୟ ଓଡିଶା ନିପୁଣ ମେଳା' ଉତ୍ସବ୍ ଅନୁଷ୍ଠିତ ହୋଇଥିଲା  l ଏହି ଉତ୍ସବରେ ମୁଖ୍ୟ ଅତିଥି ଭାବରେ  ବଲାଙ୍ଗୀର ମୁନିସିପାଲଟି  ଅଧ୍ୟକ୍ଷା  ଶ୍ରୀମତୀ ଲିକା ସାହୁ ଯୋଗ ଦେଇ  ପ୍ରଦୀପ ପ୍ରଜ୍ଜ୍ଵଳନ ପୂର୍ବକ ସଭାକୁ ଉଦଘାଟନ କରିଥିଲେ l ସମ୍ମାନୀତ ଅତିଥି ଭାବରେ ବଲାଙ୍ଗୀର ବ୍ଲକ୍ ଶିକ୍ଷା ଅଧିକାରୀ ଲୋକନାଥ ସୁନା, ଅତିରିକ୍ତ ବ୍ଲକ୍ ଶିକ୍ଷା ଅଧିକାରୀ ଶ୍ରୀମତୀ ସନ୍ଧ୍ୟା ଧାରୁଆ ଓ ଶ୍ରୀ ଶ୍ରୀକାନ୍ତ ଦେବତା, ଡି. ଆଇ. ଇ ଟି  ବଲାଙ୍ଗୀର  ବରିଷ୍ଠ ପ୍ରଶିକ୍ଷିକା ତଥା ବଲାଙ୍ଗୀର ବ୍ଲକ ଏଫ୍ ଏଲ୍ ଏନ୍  ମୁଖ୍ୟ ଶ୍ରୀମତୀ ଚିନ୍ମୟୀ ସାହୁ, ୮ ନଂ ୱାର୍ଡ ର କାଉନସିଲର ଶ୍ରୀମତୀ ନନ୍ଦିନୀ ପୋଢ଼ , ମୁଖ୍ୟବକ୍ତା ରୂପେ ଜିଲ୍ଲା ମାଧ୍ୟମିକ ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ  ଜ୍ଞାନେନ୍ଦ୍ର ମଲ୍ଲିକ ତଥା ସି.ଆର.ସି.ସି ଶ୍ରୀ ଗିରିଶ ରାମ ବେହେରା ଓ ପ୍ରାକ୍ଟିଶିଂ ସରକାରୀ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସଙ୍ଗୀତ ନାଗ ପ୍ରମୁଖ ଯୋଗଦାନ କରିଥିଲେ l  ସ୍କୁଲର ଶିକ୍ଷୟତ୍ରୀ ଶ୍ରୀମତୀ ମମତା ରଥ ସଭା କାର୍ଯ୍ଯ ପରିଚାଳନା କରିଥିଲେ l ସ୍କୁଲର  ଏସ୍ ଏମ୍ ସି  ଚେୟାରମେନ ହରିଶଙ୍କର ସେଠୀ ପ୍ରମୁଖ ଉପସ୍ଥିତ ଥିଲେ l ପିଲା ମାନେ ନିପୁଣ ଓଡ଼ିଶା ଗୀତରେ ଏକ ସୁନ୍ଦର ନୃତ୍ୟ ପ୍ରଦର୍ଶନ କରିଥିଲେ l ତାପରେ ସମସ୍ତ ଅତିଥି ନିପୂଣ ଓଡ଼ିଶା ଲୋଗୋ ଉନ୍ମୋଚନ କରି କିପରି ଭାବରେ ସମସ୍ତ ପିଲା ହସି ଖେଳି ମୌଳିକ ଭାଷା ଓ ସଂଖ୍ୟା ଜ୍ଞାନ ହାସଲ କରିବେ ତାହା ଉପରେ ଅଭିଭାଷଣ ରଖିଥିଲେ l ପ୍ରଧାନ ଶିକ୍ଷୟିତ୍ରୀ ସମସ୍ତଙ୍କୁ ନିପୁଣ ଓଡ଼ିଶାର ଶପଥ ପାଠ କରାଇ ଥିଲେ। ପରିଶେଷରେ ଶ୍ରୀମତୀ ଚିନ୍ମୟୀ ସାହୁ ଧନ୍ୟବାଦ୍ ଅର୍ପଣ କରି ଆଗାମୀ ଦିନର ଶୁଭେଚ୍ଛା ଜଣାଇ ସଭା ସାଙ୍ଗ ଘୋଷଣା କରିଥିଲେ l  ଶିକ୍ଷୟିତ୍ରୀ ଶ୍ରୀମତୀ ସାହୁ ପ୍ରଦର୍ଶିତ ହୋଇଥିବା ମୌଳିକ ଭାଷା ଜ୍ଞାନ, ସଂଖ୍ୟା ଜ୍ଞାନ,  ସୃଜନଶୀଳ ଓ ମତାମତ କକ୍ଷ ପରିଦର୍ଶନ କରିବା ପାଇଁ ସମସ୍ତଙ୍କୁ ଅନୁରୋଧ କରିଥିଲେ l