29-Nov-2024

ବରପାଲି ( ସୁଦାମ ଦୀପ )
..ବରଗଡ ଜ଼ିଲ୍ଲା ଅମ୍ବାଭନା ବ୍ଲକ ଅନ୍ତର୍ଗତ ଭୁକ୍ତା ଠାରେ ଏଚଡିଏଫସି ବ୍ୟାଙ୍କ ପରିବର୍ତ୍ତନ ଓ ମହାଶକ୍ତି ଫାଉଣ୍ଡେସନ ର ପ୍ରକଳ୍ପ ସଂପୂର୍ଣ୍ଣା ଆନୁକୂଲ୍ୟରେ ଦିନିକିଆ ଡିଜିଟାଲ ଆର୍ଥିକ ସାକ୍ଷରତା ତାଲିମ୍ ଶିବିର ଅନୁଷ୍ଠିତ ହୋଇଯାଇଛି l ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ସହକାରୀ କୃଷି ଅଧିକାରି ଉପମା ପିଙ୍ଗ ଯୋଗଦାନ କରି ଆର୍ଥିକ ସାକ୍ଷରତା କ୍ଷେତ୍ରରେ କୃଷି ର ଭୂମିକା ଉପରେ ଆଲୋଚନା କରିଥିବାବେଳେ  ଉତ୍କଲିକା ମହିଳା କୃଷକ ଉଦପାଦକ ସଙ୍ଘ ର  ପରିଚାଳନା ନିର୍ଦେଶକ ସୁକୁମାରୀ ମାଝୀ ଯୋଗଦାନ କରି କୃଷି କ୍ଷେତ୍ରରେ ମା ମାନଙ୍କର ଭୂମିକା ଉପରେ ଆଲୋଚନା କରିଥିଲେ l ମହାଶକ୍ତି ଫାଉଣ୍ଡେସନ ର ତାଲିମ୍ ଦାତା ମମତା ପାଣିଗ୍ରାହୀ ଆର୍ଥିକ ଯୋଜନା, ସଂଚୟ, ବୀମା ଉପରେ ବିସ୍ତୃତ ଭାବରେ ଯୋଗଦାନ କରିଥିବା ମହିଳା ମାନଙ୍କୁ ଗପ ମାଧ୍ୟମରେ ବୁଝାଇଥିଲେ l ଡିଜିଟାଲ କ୍ଷେତ୍ରରେ ମାଆ ମାନେ କିପରି ଭାବରେ ୟୁପିଆଇ ଆପ୍ସ ମାଧ୍ୟମରେ ଠକାମୀ ର ଶିକାର ନ ହୋଇ ସୁରକ୍ଷିତ ଭାବରେ କାରବାର କରିବା ଉପରେ  ପ୍ରକଳ୍ପ ସଂପୂର୍ଣ୍ଣା ମୁଖ୍ୟ ମିହିର ସାଗର ବିସ୍ତୃତ ଭାବରେ ଆଲୋଚନା କରିଥିଲେ l କାର୍ଯ୍ୟକ୍ରମ କୁ ଉତ୍କଲିକା ମହିଳା କୃଷକ ଉଦପାଦକ ସଙ୍ଘ ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ପଂକଜିନି ସାହୁ ପରିଚାଳନା କରିଥିବାବେଳେ ବ୍ଲକ ସଂଯୋଜକ ମାନସୀ ପଟେଲ ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ଉତ୍କଲିକା ମହିଳା କୃଷକ ଉଦପାଦକ ସଙ୍ଘ ର ବହୁ ସଂଖ୍ୟା ରେ ମହିଳା ମାନେ ଯୋଗଦାନ କରିଥିଲେ l