13-Nov-2024

ପଦ୍ମପୁର:(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ବରିକେଲ ସ୍ଥିତ ଲାଲାଜୀ ଗୋପାଲଜୀ ସଂସ୍କୃତ ମହାବିଦ୍ୟାଳୟଠାରେ ରେଡ୍‌କ୍ରସଆନୁକୂଲ୍ୟରେ ଫାଷ୍ଟଏଡ୍ କାର୍ଯ୍ୟକ୍ରମ ତାଲିମ ଅନୁଷ୍ଠିତ ହୋଇଯାଇଛି ।ମହାବିଦ୍ୟାଳୟର ଅଧକ୍ଷ ଶ୍ରୀଯୁକ୍ତ ହରେକୃଷ୍ଣ ମିଶ୍ରଙ୍କ ସଭାପତିତ୍ବରେ ଉକ୍ତ ତାଲିମ କାର୍ଯ୍ୟକ୍ରମ ହୋଇଥିବା ବେଲେ ୟୁଥ୍ ରେଡ୍‌କ୍ରସ କାଉନସେଲର ଅଧାପକ ରମେଶ ଚନ୍ଦ୍ର ପୂଜାହାରୀ ଅତିଥି ପରିଚୟ ପ୍ରଦାନ ଓ ସ୍ୱାଗତ ସଂଭାଷଣ ପ୍ରଦାନକରିଥିଲେ । ଉପସ୍ଥିତ ମୁଖ୍ୟ ଅତିଥି ଅବସର ପ୍ରାପ୍ତ ସଂସ୍କୃତ ଶିକ୍ଷକ ସୁରେଶ ଚନ୍ଦ୍ର ଚୌହାନ ପ୍ରାଥମିକ ଉପଚାରର ଉପାଦେୟତା ପୁରାଣ ଶାସ୍ତ୍ରରୁ ଉଦାହରଣ ଦେଇ ଛାତ୍ରଛାତ୍ରୀମାନଙ୍କର ପ୍ରମୁଖ ଆବଶ୍ୟକତାକୁ ଆଲୋକପାତ କରିଥିଲେ ।

ମୁଖ୍ୟ ବକ୍ତା ଭାବରେ ଝାରବନ୍ଧ ଫଚାୟତ ଡିଗ୍ରୀ କଲେଜର ରାଜନୀତି ବିଜ୍ଞାନ ପ୍ରାଧାପକ ତଥା ୟୁଥ୍ ରେଡ୍‌କ୍ରସର ପ୍ରାଥମିକ ଉପଚାର ତାଲିମ ଅଧିକାରୀ (ରକ୍ଷକ) ଡ଼. ଖ୍ୟାତିମୟ ତ୍ରିପାଠୀ ବିଭିନ୍ନ ଦୁର୍ଘଟଣା ଓ ସଂକଟମୟ ପରିସ୍ଥିତିରେ ଜୀବନ ରକ୍ଷା ପାଇଁ ପ୍ରାଥମିକ ଉପଚାରର ବ୍ୟବହାରିକ ବିଧାନ ଶୈଳୀ ପ୍ରଦର୍ଶନ କରି ଛାତ୍ରଛାତ୍ରୀମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିଥିଲେ । ପ୍ରାଧାପିକା ମନ୍ଦାକିନୀ ପାଢୀ, ସଂହିତା ବେହେରା , ବିଭୁତି ଗିରି ଛାତ୍ରଛାତ୍ରୀମାନଙ୍କୁ ୟୁଥ୍ ରେଡ୍‌କ୍ରସର ସେବା ସ୍ରୋତରେ ସାମିଲ ହେବାପାଇଁ ଆହ୍ବାନ ଦେଇଥିଲେ । ସଂଯୋଜକ ଅଧାପକ ସୀତାରାମ ସାହୁ ଫାଷ୍ଟଏଡ୍ କାର୍ଯ୍ୟକ୍ରମର ଗୁରୁତ୍ବ ଆରୋପ କରିଥିଲେ । ଶେଷରେ ଅଧାପକ ଭାଗିରଥୀ ପଣ୍ଡା ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଅଧାପକ ପୌଲସ୍ତ୍ୟ ସାହା ସମ୍ପୂର୍ଣ ସହଯୋଗ କରିଥିଲେ ।